Hechos 21:3 - Biblia Dc en Mixe de Quetzaltepec

³ Koos jam najxtë ënätës n'ijxpatë ja Chipre kajpn, nëë'itkujkpyë yajpaatyën etsës nja'ajtë jam Sirië nyaaxjotm. E jä'ä ko ënety ja kepy nëëwinye'epyë ja tsëmy tyajënaka'any jam Tirë, paatyës jam nnajxtë.

Biblia Mixe de Quetzaltepec

³ Koos jam najxtë ënätës n'ijxpatë ja Chipre kajpn, nëë'itkujkpyë yajpaatyën etsës nja'ajtë jam Sirië nyaaxjotm. E jä'ä ko ënäty ja kepy nëëwinye'epyë ja tsëmy tyajënaka'any jam Tirë, paatyës jam nnajxtë.

Hechos 21:3 ပူးပေါင်းရင်းမြစ်များ

2 Samuel 8:6

Ojts yë David jam tyajwë'ëmy yë tsyiptuunpëtëjk ma ja Damaskë ja y'itjotmën, jëtu'un'äämpy ja sirië ja'ayëty ojts ja David tmëmëtowtë ets ojts yajtuknipëktë nyäkyuyakëtëty. Tä yaj'ixy ko ja Wintsën pyutëjkëp ja David oy maa tyimnëjkxy.

Salmos 45:12

Yë to'oxytyëjk mëti'ipë mëj'äämpy ijtëpën jam Tirë, ets kumeenyjyä'äyëty mëti'ipë muum kajpntum yajpatëpën mayëty winë tmëmintë jä'ä ko yë'ë tsyojktëp ets xy'oyjyawëty.

Salmos 87:4

Ja kajpn mëti'ipës xy'ixy'ajtëpën, jyëkyejpyës nikajpxëty Egiptë ets Babilonyë, Filistejë, Tirë ets Etiopíë; tëkokyë yë'ëjëty jam ojts myintë jya'të ma mijtsën.

Isaías 7:2

Jää jëmëjt ojts ja aaw ayuk tukninëjkxtë ja yajkutujkpë Ahaz ma ja jyëën tyëjkën, jëtu'un t'ënëmaaytyë: Yë yajkutujkpëtëjk mëti'ipë Siria ja'ayëtyën tëë käjpxytyu'unën tuntë mëët yë Efraín ja'ayëty. Tä ja yajkutujkpë tyëjkëy tsëyuuypyë mëët ja nyaax kyajpn ijxtëm aay kepy tsyëtyuyën ko pyojyu'kxy.

Mateo 11:21

Mon tuk myajpaatë miitsëty Corazín ja'ayëty ets Petsayëtë ja'ayëty, mëët ko të mkamëpëktë ets ko të xykyayaj'oyëtë mjot mwinma'anyëty. Ko jeexyë ja Dios ja myëj'ajtën të tyuny të jyätyë jam Tirë ets Sidón ijxtëm të tyuny të jyätyën ma miitsëtyën, tëëyëp ja nyajjootwinpijnëtë ets tëëyëp ja u'kxypyë wit natuktëjkënëtë, ets ja kuyjaam nyanätyukniwëjënëtë.

Mateo 4:24

Ojts yajnimëtyä'äky ja Jesús ma Sirië y'itjotmën mëti'ipë tyuun kyajpxën ets ja ja'ay tyajmiintë ja pa'amja'ay, mëti'ipë mëk pëjkëpën, mëti'ipë ja ku'oypyë myëët'ajtëpën, mëti'ipë mo'tëp ets mëti'ipë kë'ëxujxp tekyxyujxtëpën. Ni'ëmukë ja Jesús ojts tyajtsokta'ay.

Lucas 10:13

Miitsëty, Corazín ja'ayëty mon tuk myajpaatë ets miits Betsaida ja'ayëty mon tuk myajpaatë. Jä'ä ko jeexyë mëj'ajtën të yajtuny jam Tirë ets Sidón ijxtëm të yajtunyën ma miitsëtyën, wintiixyëp jeexyë ja u'kxywyit tmë'u'unyäänyëtë kuyjaamjoty, jëtu'unts jeexyë të tyajknikëxë'ëktë ko të jyootwinpitë.

Lucas 2:2

Mëtëkokpë ja ja'ay ënety yajjaaymyuktë jää ma ja Cirenë yajkutukyën jam Sirië y'itjotm.

Hechos 11:19

Ko ja Esteban tyaj'o'ktë, tääts ja mëpëjkpëtëjk yajpajëtijtaktë may ojts kyukääkëtë jam Fenicia, Chipre ets Antioquía. Jamts ojts tkajpxwa'kxtë ja Dios ja y'aaw y'ayuk ma ja jutiis ja'ayëtyën.

Hechos 12:20

Myëtsip'ajtyp ijty ja Herodes ja ja'ayëty mëti'ipë jam tsënaaytyëpën Tirë ets Sidón, mëti'ipë ojts nyäkyajpxëtë ko jam nyëjkxa'antë ma ja Herodes yajkutukyën. Oy ja Blasto tmëëtmëtyaktë ets kyupëjkëtë. Yë Blasto mëj wintsën ijty y'ity ma ja Herodes yajkutukyën. Ojts nëëmëtë ko oy mëët y'ita'antë ets ko ka'ap tiitsip mëët tuna'antë, jä'ä ko ja Tirë ets Sidón jam winë tyajtsoontë ma ja Herodes ja kyutujktaknën.

Hechos 13:4

Ko ja Saulo ets ja Bernabé ja Kënu'kxymyëkajtën yajtso'onëtë, jamtsow ojts nyëjkxtë Seleucia ets jam tuktëjkëtyë ja kepy nëëwinye'epyë, jam nyëjkxtë Chipre, tu'uk ja it mëti'ipë mejy itkujkyën.

Hechos 15:23

Yë'ëts ojts ja noky tmënëjkxtë mëti'ipë ënaanpën: Ëëts, ijxpëjkpëtëjkëty ets ja mëjja'aytyëjk, miits yë mmëku'uktëjkëty. Nkajpxpo'kxtë miitsëty mëti'ipë ka'ap jyutiisëty, mëti'ipë tsënaaytyëpën jam Antioquía, Sirië ets Cilicia.

Hechos 15:39

Ka'ap ojts oy nyäjyä'äkyukëtë paaty ja Pablo mëët ja Bernabé ojts ye'eywya'kxtë. Ja Bernabé ojts tpawoy ja Juan Marcos ets ojts nyëjkxtë Chipre kepy nëëwinye'epyëjoty,

Hechos 15:41

jam nyëjkxtë Sirië ets Cilicia, tyajjotkujkta'aktë ja mëpëjkpëtëjk maajëty ye'eymyuktën.

Hechos 18:18

Ënet ja Pablo ojts jyaak wë'ëmy kanaak xëëw jam Corinto. Ok ojts nyäjyëkajpxënë ma ja mëpëjkpëtëjkëtyën, ets mëët ja Priscila ets Aquila tyëjkëy jap kepy nëëwinye'epyëjoty ets nyëjkxtë jam Sirië y'itjotm. Jam Cencreas, jam ojts nyäkyukeepyë, ka'anëm ënety tyëkë kepy nëëwinye'epyëjoty, jä'ä ko ojts tja'amyetsy ko ënety jëtu'un ja waantakën të tpëjktä'äky.

Hechos 21:16

Tam ënety ëëts xypyamintë ja mëpëjkpëtëjkëty mëti'ipë tso'ontëpën Cesarea; mëti'ipës ojts jam xynyajtswowëtën ma tu'uk ja Chipre ja'ayën, Mnasón xyëëwajtyp; tëëyëp ja Jesús ënety tmëpëjknë, yë'ëjës ojts xyajja'ajta'aktës ma tyëjkën.

Hechos 21:2

Jamës tu'uk npatë ja kepy nëëwinye'epyë mëti'ipë ënety nëjkxaanpën Fenicia etsës jap ntëjkëtyë.

Hechos 21:7

Täätsës ntso'ontë Tirë, etsës nja'ajtë Tolemaida. Jamës ojts nkajpxpo'kxtë ja mëku'uktëjkëty mëti'ipë mëpëjktëpën, ets jam ojts mëët nwë'ëmtës tu'kxëëw.

Hechos 27:4

Täätsës ntso'ontë Sidón etsës nnëjkxtë aka'anytsyow Chipre, ma ka'ap ja poj mëk ye'eyën, jä'ä ko tëkatsy ënety pyojy.

Hechos 4:36

Jam ijty tu'uk ja Israel ja'ay mëti'ipë ja Leví y'u'unk'ajtyp y'ok'ajtypyën; Josee'ajtp, Chipre kyukajpnëty, mëti'ipë ojts ja ijxpëjkpëtëjk yajxëëwpetyën Bernabé jä'ä nyiwijy Yajotkujk'ajtpë.

Jueces 10:6

E yë Israel ja'ayëty ojts jatëkok t'ëxmatstë ja Wintsën ja nyë'ë'aaw tyu'u'aaw, jä'ä ojts tpanëjkxtëkëtë ja Baal ets ja Astarté, ka'apë tyiosëtyën mëti'ipë yë Siria ja'ayëty y'ëwtajtëpën; näjyëtu'un yë Sidónja'ayëty, Moab ja'ayëty, Amón ja'ayëty ets filistejë ja'ayëty. Yë Israel ja'ayëty ojts t'ëxmajtsnëtë Wintsën ets ka'ap ojts t'ëkmëjja'awënëtë.