Hechos 21:20 - Biblia Dc en Mixe de Quetzaltepec

²⁰ Ko jëtu'un tmëtoowtë, tää ja Dios tmëjja'aw tjaantyjya'awëtyë ets ja Pablo t'ënëmaaytyë: Mëku'uk, tää xy'ixy ko yë jutiis ja'ayëty nimay tmëpëktë yë Jesús, e yë'ëty jëtu'un y'ëna'antë ko kopkpëky ko ja Moisés ja y'ënä'ämën yajpatunëty.

Biblia Mixe de Quetzaltepec

²⁰ Ko jëtu'un tmëtoowtë, tää ja Tios tmëjja'aw tjaantyjya'awëtyë ets ja Pablo t'ënëmaaytyë: Mëku'uk, tää xy'ixy ko yë jutiis ja'ayëty nimay tmëpëktë yë Jesús, e yë'ëty jëtu'un y'ëna'antë ko kopkpëky ko ja Moisés ja y'ënä'ämën yajpatunëty.

Hechos 21:20 ပူးပေါင်းရင်းမြစ်များ

Salmos 22:23

Mëjpëjkta'aktë yë Wintsën ninu'un yë xymyëët'atën, Kënu'kxyjyawëtë ninu'un yë Jacob xytyeety'at xy'ap'atën. Ëwtatë ninu'un m'Israel ja'ay'atën.

Salmos 22:27

Tu'kë'ëyë ja'ay ets ja naax kajpn, ja'ay wiinktsowpë tsyoontën, naaxwiinyëtë apëtsëmy: ja'amyätstë Wintsën ets nnimintë. Yë'ë wiinkoxtänëtë.

Mateo 9:8

Mëj'ixy ja mayjyä'äy t'ijxtë ets ja Dios tmëjja'awëtyë ko jëtu'un ja ja'ay ja kuttujkën të yajmo'otë.

Lucas 12:1

May ja ja'ay nyëëpäjtë, nëkooyë nyätyij nyäkyojtënëtë xim yam. Tääts ja Jesús ja y'ijxpëjkpëtëjk tmëëtmëtyaktso'ony jëwyiin: Näkyëwent'atëtë, ijxkëm ko mtukpaatëtë ja fariseë ja'ay ja wyinma'anyëty, yë'ëjës ntijpy ko je'eyë wyin'ëëntë.

Lucas 15:32

Tyam, kopkpëky ntu'unmëty yë xëëw, tsojk ntukxoontakëmë. Jä'ä ko ya'atë n'u'unkës, jëtu'un tpaaty ijxtëm jeexyë të y'o'knën; e tyam, tëë jyuukpyiky; jëtu'un tpaaty ijxtëm jeexyë të tyëkoy'ityën e tyam tëë yajpaaty.

Juan 12:24

Tëy miits nëëmëtë ko tu'uk ja tsajpmokpajk kyä'äy naaxkëjxy ets ka'ap y'ooky, ka'ap yë tyëëm tyäky, e ko y'ooky, wäänëmay ja tyëëm wyimpity.

Hechos 11:18

Ko jëtu'un tmëtoowtë ja Jerusalenkëtë mëpëjkpëtëjkëty, tää amonyë wyë'ëmtaaytyë ets ja Dios tmëjja'awëtyë: Tyam yajja'akyukë ko tëë jëtu'un ja Dios tuknipëjktaakë ets näjyëtu'un tpaatëty ja juukyajtën xëmëkyëjxmëpë mëti'ipë ka'ap jyutiis'atën, ko ja y'ëxëëk winma'any të t'ëxmatstë.

Hechos 15:1

Näy jä'ä tiempo, ja ja'ayëty tsyo'ontë Judea ets nyëjkxtë jam Antioquía mëti'ipë yaj'ijxpëjktëpën ko ka'ap pën tpaatëty ja nitsokën pën ka'ap yajnatsujk'ëwtitë ja ye'etyëjkajtën ijxtëm ja Moisés ja y'ënä'ämën y'ënä'änyën.

Hechos 15:24

Tëës nmëtoy'atë ko tëë ya'atë ja'ay jënaakën nyëjkxtë ma miitsëtyën mëti'ipë ka'ap ëëts nkäxtën, mëti'ipë jyatsojktëpën ets jeexyë mwinmaaytyëkatstë ets jeexyë xyajtëkoytyë ja mëpëjkënëty.

Hechos 15:5

Tääts ja fariseë ja'ayëty jënaakën mëti'ipë ënety tëë ja Jesús tmëpëktën, wya'akë'ktë ets y'ënantë: Ni'ëmukë ja mëpëjkpëtëjk, mëti'ipë ka'ap jyutiisëty, kopkpëky ko yajnatsujk'ëwtitëty ja ye'etyëjkajtën ets ja Moisés ja y'ënä'ämën yajpatunëty.

Hechos 2:41

Mëti'ipë myëpëjktën ja aaw ayuk mëti'ipë ja Pedro nyikajpxën, ënätyë ojts nyëëpätë. Jä'ä xëëw, nitëkëëk milën ojts ja ja'ay nyäpyäätyë.

Hechos 22:3

Jutiis ja'ayës ëjts, Tarsis nmëxu'unk'ajty, Cilicia y'itjotm. Yaas Jerusalén të nyeeky, Gamalielës xyaj'ijxpëjk; wa'atsës xytyuk'ijxpëjky ja aptëjk ja y'ënä'ämën, etsës ja Dios ja jyä'ä npatuunëty ijxtëm miits xytyuunk'atën.

Hechos 4:21

Ënet ja kutuunktëjkëty ojts kyajpx'ëtsë'ëkëtë je'eyë ets jëtu'unyë y'ëxmajtsëtë, ka'ap tpatë ja winma'any wi'ix tyiytyunëtëty, jä'ä ko ja ja'ayëty tyukmëjja'awëtyëp ja Dios mëët mëti'ipë ënety të tyuny të jyätyën.

Hechos 4:4

May ja ja'ay myëpëjktë mëti'ipë ënety të tmëtowtën ja aaw ayuk; ja mëpëjkpëtëjkëty, yi'iyë ye'etyëjktëjkëty, jä'ä nyimay'ajtë mëkoxk mil.

Hechos 6:7

Ja Dios ja y'aaw y'ayuk ni'ikyë ënety myëjwiinë kyëjääjë ets ja mëpëjkpëtëjkëty ni'ikyë myäyëtë jam Jerusalén, yë'ëpaat ja teetytyëjkëty ojts may myëpëjknëtë.

Romanos 10:2

Ënaanpës ko yë'ëjëty jyatsojktëp tjamëtuna'antë ja Dios, je'eyëp ko mëti'ipë jyatsojktëpën ka'ap kyäjpxyëty ijxtëm ja mëtëypyë ja nija'awën.

Gálatas 1:14

Ëjts ijty wäänëni'ik npatuumpy ja jutiis ja'ayëty ja y'ijxpëjkënëty këtiinëm ja nmëtu'knaxës; ni'ik ijty ëjts npatuna'anyës ja aptëjk ja wyinma'anyëty.

Gálatas 1:24

Ets ja Dios ijty tukmëjjawëtë koos ja njuukyajtën të tyajtëkatsy.

2 Tesalonicenses 1:10

Jëtu'un jyata'any jä'ä xëëw ko ënety ja Wintsën myiny, ko jyä'äy myëjjaw jyääntyjawëtëty ets tyukxoonta'akëtëty ni'ëmukë. Jam miits näjyëtu'un myajpaatëty, jä'ä ko tëë xymyëpëktë mëti'ipës të nkäjpxy të nmëtya'aktën.