Hechos 21:16 - Biblia Dc en Mixe de Quetzaltepec

¹⁶ Tam ënety ëëts xypyamintë ja mëpëjkpëtëjkëty mëti'ipë tso'ontëpën Cesarea; mëti'ipës ojts jam xynyajtswowëtën ma tu'uk ja Chipre ja'ayën, Mnasón xyëëwajtyp; tëëyëp ja Jesús ënety tmëpëjknë, yë'ëjës ojts xyajja'ajta'aktës ma tyëjkën.

Biblia Mixe de Quetzaltepec

¹⁶ Tam ënäty ëëts xypyamintë ja mëpëjkpëtëjkëty mëti'ipë tso'ontëpën Cesarea; mëti'ipës ojts jam xynyajtswowëtën ma tu'uk ja Chipre ja'ayën, Mnasón xyëëwajtyp; tëëyëp ja Jesús ënäty tmëpëjknë, yë'ëjës ojts xyajja'ajta'aktës ma tyëjkën.

Hechos 21:16 ပူးပေါင်းရင်းမြစ်များ

Proverbios 16:31

Ko yë mëjja'aytyëjk wyääy yaj'ixtë poop, patëtëp ets yajwinkutsë'ëkëtëty; yë'ë mëti'ipë oy të jyuuky'atën.

Hechos 21:8

Komjëpom jatëkok ntso'ontës etsës nja'ajtë Cesarea. Ënätës ojts nnëjxtë ma ja Felipe ja tyëjkën, mëti'ipë oy aaw oy ayuk kyajpxwä'kxypyën, tu'uk ma ja niwëxtujkpën mëti'ipë pyutëjkëtyëpën ja Jesús ja y'ijxpëjkpëtëjk, ets jam ojts mëët nwë'ëmtës.

Salmos 92:14

Oy ënety tëë jyamëjja'ayënëtë, yë'ëjëty je'eyëm tyëëmpäta'antë ets oy mëk xëmë yajpaata'antë.

Filemón 1:9

nikë oy yajmëtowëty ko mijts nmënu'kxta'akëty mëët ja tsojkën ja'awën. Ëjts Pablo, tëëjës nmëjja'ayënë ets tsumy matsyës yap n'ity koos ja Kristë Jesús ja y'aaw y'ayuk nkajpxwa'kxë.

Romanos 16:7

Kajpxpo'kxtë ja nmëku'uk'ajtëmë Andrónico ets ja Junías, mëti'ipës të nmëpujxntëjk ja'ay'atën ets mëti'ipë ijxpëjkpëtëjk wintsë'ëkë yaj'ijtëtëpën ets jëwyiin ojts tmëpëktë ja Kristë ok ëjts.

Hechos 15:39

Ka'ap ojts oy nyäjyä'äkyukëtë paaty ja Pablo mëët ja Bernabé ojts ye'eywya'kxtë. Ja Bernabé ojts tpawoy ja Juan Marcos ets ojts nyëjkxtë Chipre kepy nëëwinye'epyëjoty,

Hechos 11:19

Ko ja Esteban tyaj'o'ktë, tääts ja mëpëjkpëtëjk yajpajëtijtaktë may ojts kyukääkëtë jam Fenicia, Chipre ets Antioquía. Jamts ojts tkajpxwa'kxtë ja Dios ja y'aaw y'ayuk ma ja jutiis ja'ayëtyën.

Hechos 10:48

Tääts ja Pedro ojts tni'ënä'ämë ets nyëëpätëty Jesús xyëëwkyëjxm. Ja mëpëjkpëtëjkëty ojts nëëmëtë ja Pedro ets tjaakwë'ëmëty ti'k xëëw mäjtsk xëëw jam mëëtëty.

Hechos 10:24

Komjëpom jyajtë ma ja Cesarea kajpnën, ma ja Cornelio ënety jam y'ëwxityën mëët ja myëku'uktëjk ets ja wyin'ixytyëjk mëti'ipë ënety të twoomukyën.

Hechos 8:40

Jam ja Felipe ojts yaj'ixy ma ja kajpn txëëwatyën Azoto. Kajpnkajpn ijty tkajpxwä'kxy ja aaw ayuk oypyë koonëm jyä'äjty jam Cesarea.

Hechos 4:36

Jam ijty tu'uk ja Israel ja'ay mëti'ipë ja Leví y'u'unk'ajtyp y'ok'ajtypyën; Josee'ajtp, Chipre kyukajpnëty, mëti'ipë ojts ja ijxpëjkpëtëjk yajxëëwpetyën Bernabé jä'ä nyiwijy Yajotkujk'ajtpë.

Hechos 15:7

Tëë ënety jeky myëtya'aktë ko ja Pedro ojts wya'kukë ets y'ënëmaayëtë: Mëku'uktëjkëty, miits mnija'awëtëp koos ojts jekyëp ja Dios xywin'ixy etsës ja ja'ay ja oy aaw oy ayuk ntuk'ëwaanëtëty mëti'ipë ka'ap jyutiis'atën, yë'ëty ojts myëpëktë.