Hechos 20:7 - Biblia Dc en Mixe de Quetzaltepec

⁷ Sëmaan'ëjxy ojts nye'eymyuktës ets ja tsajpkääky yajkayä'äny ijxtëm ja Wintsën Jesús tnajtstu'unëyën. Tu'ktsu'um ojts ja Pablo yaj'ixpëky, jä'ä ko ënety tsyoona'any komjëpom.

Biblia Mixe de Quetzaltepec

⁷ Sëmaan'ëjxy ojts nye'eymyuktës ets ja tsajpkääky yajkayä'äny ijxtëm ja Wintsën Jesús tnajtstu'unëyën. Tu'ktsu'um ojts ja Pablo yaj'ixpëky, jä'ä ko ënäty tsyoona'any komjëpom.

Hechos 20:7 ပူးပေါင်းရင်းမြစ်များ

Nehemías 8:3

jopyëp tyajtso'ontäky tukwinkukajpxë ja ja'ay ya'atë ja noky ets jëtu'un tyimkujky xyëëwëy, jam tëjk'ëkë'ëm ma ja nëë nyikoompetyën. Tu'kë'ëyë ja mayjyä'äy je'eyë amonyë myäy'itë jä'ä myëtoow'ijtëp wi'ix ja tëyajtën jam yajkäjpxyën.

Nehemías 9:3

Tëkëëk yaxp jëtu'un tsyënaaytyë jam ma ënety yajpaatën, jä'ä ko jëtu'un ojts pyo'oxy ma ja noky yajkajpxtaayën, ma myinyën kuja'ay ja Wintsën, Wintsën, ja y'ënä'ämën tyiy'ajtënën, tëkëëk yaxp ojts tmaaywyatstë ja pyokyëty, ets ja tyuuntëko'oy kyajpxtëko'oyënëty ets jëtu'un t'ëwtajtë ja Wintsën.

Marcos 16:9

Ko ja Jesús jyuukpyijky, sëmaan'ëjxy jopyëp; Maria Magdalena ojts y'ixyë jëyëjp, mëti'ipë ënety tëë ja ku'oypyë niwëxtujk y'ëxmatsyën.

Lucas 22:19

Tääts ja tsajpkääky tkoonë'ky ets näjyëtu'un ja Dios ojts tkukajpxë, tääts ojts tujkwä'kxy ets tmooy ja y'ijxpëjkpëtëjk ets y'ënäny: Ëjts ya'atë ni'kx nkopk mëti'ipës nyäjkpyën ets miits xytyuk'oy'atëty, yë'ë tuntë ets xytyukja'amyätstëtyës.

Lucas 24:35

Ënet nimäjtsk tukmëmëtyaktë wi'ix ënety të t'ixtën tu'ujoty ets wi'ix ënety të t'ixkaptën ja Jesús ko ja tsajpkääky të tujkwä'kxy.

Juan 20:1

Tominkë, sëmaan'ëjxy, ja Maria Magdalena ojts nyijkx tsojkyë ma ja o'kpëjutën, ka'anëm ënety xyiinyë. Ënet t'ijxy akëëytyu'uty ja o'kpë jut aaw.

Juan 20:19

Ko ojts kyootsënë jä'ä xëëw, sëmaan'ëjxy. Tëë ënety ja Jesús ja y'ijxpëjkpëtëjk jam tyu'ukmuktë ma tu'uk ja tëjkën, je'eyëp ko ëtuky ja tëjk'aaw tyaj'itë jä'ä ko yë'ë tsyë'këtëp ja myëjutiis ja'ayëty; tääts ja Jesús nyänyikëxë'kë jam ma ja y'ijxpëjkpëtëjkën, itkujky ojts wya'ak'oyë ets ojts tkajpxpo'kxy, jëtu'un t'ënëmaay: Jotkujk yajpaatë.

Juan 20:26

Kom tuktujk xëëw, tëë ënety ja Jesús ja y'ijxpëjkpëtëjk jatëkok jam ye'eymyuktë tëkotm, tam ënety ja Tomás näjyëtu'un yajpaaty, ëtuky ja tëjk'aaw tyaj'itë. Ënet ja Jesús nyänyikëxë'kë, itkujky ojts wya'ak'oyë ets ojts tkajpxpo'kxy ja y'ijxpëjkpëtëjk, ets t'ënëmaay: Jotkujk yajpaatë.

Hechos 16:10

Ko ja Pablo jëtu'un t'a'ijxnajxy, ënät ojts nwinmaytyës ko ja Dios jam xywyowtëpës Macedonia ets jam nkajpxwa'kxtëtyës ja oy aaw oy ayuk.

Hechos 2:42

Ets oy ojts tukjuuky'atë ja ijxpëjkën mëti'ipë nyimëtyaktën ja ijxpëjkpëtëjkëty. Tu'ukyë ijty ja tsajpkääky tyajkwa'kxtë ijxtëm ja Jesús tuuntäkyën mëët ja y'ijxpëjkpëtëjk ets ja Dios tja'amyätstë.

Hechos 2:46

Jëpom jëpom ijty nyiye'eypyätë ma ja tsajptëjkën ets ma ja tyëjkëtyën ets ja tsajpkääky tujkwa'kxtë ets ijty xoontä'äky kyäytyë y'uuktë yujy tëtä'äky.

Hechos 20:11

Ënet ja Pablo jatëkok pyejty jap tëjkkëjxy. Japts ja tsajpkääky ojts tujkwä'kxy ets tkaaytyë. Wäänë ojts jyaak käjpxy ets xyiinyëy ets tsyo'onë.

Hechos 20:31

Paaty yajxon mnäkyëwent'atëtëty. Ja'amyätstë ko miits tëkëëk jëmëjt ojts nyaj'ijxpëktë xëënaxy tsuunaxy ets ka'ap të ntukmëpo'kxtë ja ijxpëjkën, jëëpy yaxp miits të nkajpxwijtë nitu'ukjaty.

Hechos 20:5

Ya'atë nmëku'uk'ajtëmë jëyëjp ojts nyëjkxtë, jamës xy'owëxijtë Tróade.

Hechos 20:9

Jam ënety tu'uk ja yä'äy ëna'k y'u'unyë ventana ëkë'ëm, mëti'ipë xyëëwajtypyën Eutico. Ko ja Pablo jeky myëtyaknë, tääts ja yä'äy ëna'k ojts myaanajxnë ets jam kyuka'anajxy, naaxkëjxy tyimkëtäky, ooky yajkwijtsë'ky.

Hechos 28:23

Ënet tkäjpxy'ajtë jëna'a jatëkok ye'eymyuka'antë. Ko tpaty ja xëëw ets ja ja'ay nimay ye'eymyujktë ma ja Pablo ënety të jyajtä'äkyën. Ënet ja Pablo tyëjkëy mëtyakpë, jëtu'un kyutsu'ujëy, tuk'ëwaanë ja ja'ay wi'ix ja Dios ja kyutujkën. Jä'ä tyukmëmëtyak ja Moisés ja y'ënä'ämën ets wi'ix ja Dios ja kyäjpxynyajxpë y'ëna'antën, jëtu'un ojts tjatukmëpëka'any ko Jesús yë'ë jëtu'un Kristë.

1 Corintios 10:16

Ko ojts n'ukëm ja kënu'kxynyëë a'ukënjoty ets ojts nyajmëjnajxëmë ja Dios, tu'ukyë ënety tpaaty n'ijtëmë mëët ja Kristë ja nye'pyny, ko ojts nka'ayëm ja tsajpkääky mëti'ipë ojts ntujkwa'kxëmën, tsojk ni'ëmukë ntukjotkujk'ajtëmë ja Kristë ja jyot nyini'kx.

1 Corintios 15:10

E ja Dios tëë ja myëj'ajtën tuny, paatyës të xykyupëky ets ja mëyajtën mëti'ipë të tunyën ka'ap ja nyatëkë'aty. Nikë tëëjës wäänëni'ik ntuny këtiinëm ja wiink ijxpëjkpëtëjkëty; je'eyëp ko ka'ap y'ëjtsëty kë'ëm, Tiosës të xypyutëkë mëët ja y'oyjyot y'oywyinma'any.

1 Corintios 16:2

Wintu'ktominkë xynyikoonpätëty ja putëjkën, jëtu'un xypyukontëty wi'ix ënety tii xypyaatën ets xypyëjkë'ëktëty. Koos nja'tëty, ka'ap jää myukëty ja putëjkën.

2 Timoteo 4:2

ets xykyajpxpwa'kxëty ja Dios ja y'aaw y'ayuk ets xytyuk'ëwaanëty ja ja'ay oyjyëna'ajëty. Tukja'akyukë, tukwinkukajpxë, jotmëkwinkajpxë, Yaj'ijxpëk mëët tu'kë'ëyë ja mä'kxtujkën.

Apocalipsis 1:10

Wintsën ënety ja xyëëw ko ja Kënu'kxymyëkajtën ojts xynyikëtä'äkyës ets janty mëk nmëtooyës ja ayuk njëxkë'ëmës ijxtëm tu'uk yë pujxnxuxn y'ënä'änyën,