Hechos 20:38 - Biblia Dc en Mixe de Quetzaltepec

³⁸ Mon tuk ojts wyë'ëmtë ko ënety tëë ja Pablo y'ënä'äny ko nijëna'a tka'ëk'ixanëtë. Tääts ojts tnajtswowëtë ma ja kepy nëëwinye'epyën.

Biblia Mixe de Quetzaltepec

³⁸ Mon tuk ojts wyë'ëmtë ko ënäty tëë ja Pablo y'ënä'äny ko nijëna'a tka'ëk'ixanëtë. Tääts ojts tnajtswowëtë ma ja kepy nëëwinye'epyën.

Hechos 20:38 ပူးပေါင်းရင်းမြစ်များ

Hechos 15:3

Tääts ja mëpëjkpëtëjkëty ja Antioquíapë yajpaatën ojts kyäjxtsoonëtë ets ojts nyëjkxtë Fenicia ets Samaria. Jamts tkajpxtë tmëtyaktë wi'ix ja y'ëxëëk winma'any të t'ëxmatstën mëti'ipë ka'ap jyutiis'atën ets wi'ix ënety të tmëpëktën ja Dios ja y'aaw y'ayuk. Tääts ja myëku'uktëjk xyoontaktë ko jëtu'un tmëtoowtë.

1 Corintios 16:11

Jëtu'unts ka'ap pën xypyäxtëty. Putëkëtë miits wäänëni'ik etsës yam xynyiminëty mëët ja myëku'uktëjk, maas yam njëjp'ixtën.

Hechos 20:25

Nnija'apës ko ka'ap nëjkx xy'ëk'ijxnëtës jënu'un miits të ntuk'ijxpëktën ja Dios ja kyutujkën.

Hechos 21:16

Tam ënety ëëts xypyamintë ja mëpëjkpëtëjkëty mëti'ipë tso'ontëpën Cesarea; mëti'ipës ojts jam xynyajtswowëtën ma tu'uk ja Chipre ja'ayën, Mnasón xyëëwajtyp; tëëyëp ja Jesús ënety tmëpëjknë, yë'ëjës ojts xyajja'ajta'aktës ma tyëjkën.

Hechos 21:5

Ko wëxtujk xëëw nyäjxy, ni'ëmukës ojts ntsoontë. Ni'ëmukë ja mëpëjkpëtëjk mëët ja y'u'unk tyo'oxytyëjkëty ojts xypyatso'otës ets xynyaswo'owëtyës jam kajpnpë'am. Jam mejy ëkë'ëm ja Dios ojts nja'amyätstës.

Hechos 25:26

E ka'apës nmëwinma'anypyääty tii pokyës ya'atë ja'ay ntuknipëkëp, wi'ix'äämpës ja ë'ënën npëjkta'akëty ma ja yajkutujkpë kopkën. E tyaatyës nyajminy ma mijtsën yajkutujkpë Agripa ets xypyaye'eyëty, jëtu'unës nmëët'atëty ja winma'any tiijës nja'ajëpën.

Gálatas 6:10

Paaty, oy tyimjëna'ajëty, ntu'unmëp ja oypyë ma ja ja'ayëtyën ets yë'ë ka'ap nja'atyëko'omyëty yë nmëku'uk'ajtëmë mëti'ipë näjyëtu'un mëpëjktëpën.