Hechos 20:3 - Biblia Dc en Mixe de Quetzaltepec

³ Jam ojts wyi'imy tëkëëk po'o. Tam ënety tyimtëkëjanë kepy nëëwinye'epyëjoty ets nyëjkxa'any Sirië ko tnija'awëy tëë ja jutiis ja'ayëty tuknipëjktaakëtë ko tyaj'ooka'antë ja Pablo. Paaty ojts jatëkok tyimwinpity ye'epy, jäätsow nyäjxy Macedonia.

Biblia Mixe de Quetzaltepec

³ Jam ojts wyi'imy tëkëëk po'o. Tam ënäty tyimtëkëjanë kepy nëëwinye'epyëjoty ets nyëjkxa'any Sirië ko tnija'awëy tëë ja jutiis ja'ayëty tuknipëjktaakëtë ko tyaj'ooka'antë ja Pablo. Paaty ojts jatëkok tyimwinpity ye'epy, jäätsow nyäjxy Macedonia.

Hechos 20:3 ပူးပေါင်းရင်းမြစ်များ

Esdras 8:31

Ma myajkmäjtsk anyën ja mëët tu'uk po'opë, ma jajëmëjt tsyo'ontä'äkyën, jää jam ëëts ntso'ontë ma Ahavá mëjnëëjën ets ojts nëjkxtës jam Jerusalén. Mëj këjää yë Wintsën xypyutëjkëtyës, ka'apës maa wi'ix njajtë ets ka'ap ma pën ojts xy'atsë'ëk xy'ajawëtës.

Proverbios 1:11

Wä'änxyëp m'ënë'ëmxëtëty: Pamiintëk ëëtsëty, ets nyajpë'o'kmëty muum yë ja'ay ajotkumonë ko n'aye'eyëmëty.

Jeremias 5:26

Jä'ä ko tam ja ja'ay yajpaaty maas yë nnaax nkajpnën mëti'ipë je'eyë y'ijxyp tyuunpyën jëna'a ja myëku'uk t'ëk'ëxëëktuny, jëtu'un nyäpyëjktä'äkyë tä jeexyë muum tii joon tkuti'pxa'anyën, xii yaa muum o'ktakn tpëjktä'äky ets jap kyuka'anaxëty mëti'ipë y'ëxëëk'ijxypyën.

Mateo 4:24

Ojts yajnimëtyä'äky ja Jesús ma Sirië y'itjotmën mëti'ipë tyuun kyajpxën ets ja ja'ay tyajmiintë ja pa'amja'ay, mëti'ipë mëk pëjkëpën, mëti'ipë ja ku'oypyë myëët'ajtëpën, mëti'ipë mo'tëp ets mëti'ipë kë'ëxujxp tekyxyujxtëpën. Ni'ëmukë ja Jesús ojts tyajtsokta'ay.

Hechos 16:12

Jamës ntso'ontë etsës ojts nnëjkxtë Filipos, Roma jam ënä'ämp ma tääpë kajpnën, mëj'äämpy nyäxy ma Mecedonië nyaaxjotmën. Jamës n'ijtë jeky jyawë.

Hechos 16:9

Jamts ja Pablo koots yajtuk'a'ijxnajxy, tu'uk ja Macedonia ja'ay jam tyänë ets myënu'kxtä'äkyë ets nyëjkxëty Macedonia y'itjotm ets ja ja'ay jam tputëkëty.

Hechos 18:18

Ënet ja Pablo ojts jyaak wë'ëmy kanaak xëëw jam Corinto. Ok ojts nyäjyëkajpxënë ma ja mëpëjkpëtëjkëtyën, ets mëët ja Priscila ets Aquila tyëjkëy jap kepy nëëwinye'epyëjoty ets nyëjkxtë jam Sirië y'itjotm. Jam Cencreas, jam ojts nyäkyukeepyë, ka'anëm ënety tyëkë kepy nëëwinye'epyëjoty, jä'ä ko ojts tja'amyetsy ko ënety jëtu'un ja waantakën të tpëjktä'äky.

Hechos 19:21

Ko jëtu'un ya'atë jyäjty kyëpejty, ënät ja Pablo ojts myäy tyäjy ko nyëjkxa'any jam Macedonia y'itjotm ets näjyëtu'un jam Acaya y'itjotm ets jya'ta'any jam Jerusalén. Näyjyëtu'un ënety myäy tyäjy ko y'ëknëjkxëty Jerusalén tääts ok nyëjkxa'any jam Roma.

Hechos 20:1

Ko y'ëmoontaaytyë, tääts ja Pablo ja mëpëjkpëtëjk tmëkajpxmujky ets ojts tjotmëkwinkajpxë. Ok nyäjyëkäjpxyë ets ojts nyijkxy jam Macedonia.

Hechos 20:19

Xëmës yaa të nyajpaaty ma miitsëtyën yu'unk naxym, nmëtunyës ja Wintsën Jesús; tëëjës ëxëëk njaty nkëpety ets tëëjës një'ëy nyä'äxy ko ja jutiis ja'ayëty të xyjyayaj'ooka'antës.

Hechos 20:2

Kajpnkajpn tjotmëkwinkajpxëy ja mëpëjkpëtëjk, jëtu'un jyä'äjty jam Grecië.

Hechos 21:3

Koos jam najxtë ënätës n'ijxpatë ja Chipre kajpn, nëë'itkujkpyë yajpaatyën etsës nja'ajtë jam Sirië nyaaxjotm. E jä'ä ko ënety ja kepy nëëwinye'epyë ja tsëmy tyajënaka'any jam Tirë, paatyës jam nnajxtë.

Hechos 25:3

Ënet ja Festo t'amëtoowtë ja mëyajtën ets ja Pablo tyajminëty jam Jerusalén. Jëtu'un ënety ja jutiis ja'ayëty të tuknipëjktaakëtë ets ja Pablo tyaj'ooka'antë tu'ujoty.

2 Corintios 1:15

Mëët ya'atë ja jotkujk'ajtën, jëtu'unës nja'ëna'any ko miits nni''ixa'antë jëwyiin mäjtsk ok nipëtë'ëkën.

2 Corintios 11:26

Tëë xii yaa njëtityës. Nija'apës ja ëyo'on ma mëj nëëkomën, näjyëtu'un ma ja mä'tspëtyën, maas ja nmëkukajpnën, näjyëtu'un xynyë'ëtän xytyu'utänëtës mëti'ipë ka'ap jyutiis'atën. Tëës n'ixy ja ëyo'on ma ja mëjëtypë kajpnën ets näjyëtu'un aayjyotm pejyjotm ets ma ja mejyën; tëëjës n'ixy ja ëyo'on jotmay ma ja mëti'ipë nätyijëtëpën mëpëjkpëtëjk.

2 Corintios 7:5

Je'eyës nja'ajtë jam Macedonia, ka'apës npo'kxtë, xii yaas ja jotmay npaatë. Aak tsip, wintuuy jëxkë'ëy ets xëmës n'aawjoty njootjoty ntsë'ëkëtë.

Gálatas 1:21

Oknëm ojts nnëjkxyës jam Sirië y'itjotm ets Cilicia y'itjotm.