Hechos 20:29 - Biblia Dc en Mixe de Quetzaltepec

²⁹ Nija'apës, ko yaa ntsoonëtyës, minantëp mëti'ipë win'ëënantëpën ets ja mëpëjkpëtëjk tyajwinma'anytyëkoya'antë. Jëtu'un jyata'antë ijxtëm ja pa'uk tyajkutëkoyën ja kupixyny.

Biblia Mixe de Quetzaltepec

²⁹ Nija'apës, ko yaa ntsoonëtyës, minantëp mëti'ipë win'ëënantëpën ets ja mëpëjkpëtëjk tyajwinma'anytyëkoya'antë. Jëtu'un jyata'antë ijxtëm ja pa'uk tyajkutëkoyën ja kupixyny.

Hechos 20:29 ပူးပေါင်းရင်းမြစ်များ

Mateo 7:15

Näkyëwent'atëtë ma tääpë win'ë'ëmpëtëjkëtyën mëti'ipë nätyijëtëp ko Dios myëtuuntëp. Jëtu'un janty yujy janty tëtä'äky mniminëtë kupixynyën, e jap jyootjoty jëtu'un jyä'äy'atë pa'ukën.

2 Pedro 2:1

Ijtë näjyëtu'un ja ja'ayëty tëëyëp mëti'ipë nätyijëtën ko ja Dios kyäjpxynyajxpë'atëtë ma ja Israel ja'ayëtyën, tää tyam yaa jëtu'unpë ja'ayëty ma miitsëtyën. Yë'ë ja'ay tyuk'ijxpëkantëp ja jot winma'any mëti'ipë yajtëkoopyën, ets t'ixtijtëty ja Wintsën mëti'ipë të yajtso'okëtën; ko jëtu'un y'ëtë'ëtstë, ënätyë ëyo'on tpaata'antë.

Hechos 20:28

Jëtu'un yam n'ënëëmëtë, jëjp'ixy m'ittëty ets näkyëwent'atëtë; näjyëtu'un ja mëpëjkpëtëjk këwent'atë, jä'ä ko ja Dios yë myëjaaw myëk'ajtën të tpëjktä'äky ma miitsëtyën ets xykyëwent'atëty mëti'ipë ja Dios jyä'äy'äjtypyën mëti'ipë të tku'ookën.

Juan 10:12

e mëti'ipë nyituunpyën yi'iyë myëju'uny, ko t'ixy myiny ja pa'uk tääts t'ëxmatsy ja kupixyny ets kye'eky, jä'ä ko ka'ap ja kupixyny tjä'äjëty. Tääts ja pa'uk tpajëtijtä'äky ja kupixyny ets t'awojpwä'kxy.

Lucas 10:3

Nëjkxtë. Ëjts miits nkäjxtëp ijxtëm ja kupixyny nyëjkxtë pa'uk akujky.

Mateo 10:16

Ëk'ixtë. Jëtu'un yam miits nkäxtë ijxtëm ja kupixyny nyëjkxtën pa'uk'akujky. Wijy kejy mnäpyëjkta'akëtëty ijxtëm ja tsa'anyën. Yujy mnäpyëjkta'akëtëty ijxtëm ja pakën.

Zacarías 11:17

Janty mon janty tuk yajpaaty yë kupixyny këwent'ajtpë mëti'ipë nyikekpyën yë kyupixyny. Wä'än jam tka'ay yë tëypyujxn ma y'a'oykyë'ëjën ets ma a'oypyë wyiinën.

Jeremias 23:1

Jëtu'un yë Wintsën y'ënä'äny: Janty mon janty tuk yajpaatë yë kupixyny këwent'ajtpë mëti'ipë nyäy'ijxtëpën ko ye'eytyëkoy yë nkupixynyës.

Sofonías 3:3

Jëtu'un yë kopktëjkëty ya'axtë jyoktë kaajën ets nyipaye'epyëtëjkëty myu'utë nyiitstë waxën mëti'ipë të'ëts'itjotm yajpatpën, mëti'ipë ka'ap tyajwë'ëmyën yë waay pajk komjëpom.

Jeremias 13:20

Ëk'ijxë'ëktë ets xy'ixtëty wi'ix yë mëtsip jam anëkëjxmtsow myäymyintën. ¿Ma ënät ja mja'ay mëti'ipës njëjp'ijxyp mputëkëtëty, mëti'ipë mnätyukmëjpëjktakëpën?

Ezequiel 22:27

Yë ënä'ämpëtëjkëty mëti'ipë yajpatëpën ma ya'atë kajpnën jëtu'un jyä'äy'atë waxën mëti'ipë piw nuuk tyuunpyën yë y'o'kpë; yaja'ay'ookaanp je'eyë ets tyämäämpy jyä'ätsäämpy ja jot ne'pny ko kyumeenytyä'äky.

Ezequiel 34:8

Ëjts Wintsën, njuukyajtënës yam ntukajpxpejtyp: Tëë jëyujk kanaakjëjp tmä'tsta'atë yë nkupixynyës ets të ttsu'utstë, jä'äkyëjxm ko ka'ap tmëët'atë këwent'ajtpë. Yë nkupixynykyëwent'ajtpës ka'ap të t'ixta'atë ja nkupixynyës. Yë kupixyny këwent'ajtpë kë'ëm tyäty nyäkyëwent'atëtë ets ka'ap tkëwent'atë yë nkupixynyës.

Daniel 11:34

Ko ënety tpaaty ja xëëw jëmëjt jëna'a yaj'ixjëtit yajpajëtitëtyën, nëjkxëp wäänë yajputëkëtë, oy nëjkx may ja ja'ay jyapuwa'akëtë je'eyëp ko ka'ap wyinë aaw wyinë jotëty.

Lucas 12:32

Këtii mtsë'ëkëtë, oy miits mja'itë ijxtëm niwäänëpë ja kupixynyën, ja Dios mëët ja y'oyjyot y'oywyinma'any tëë tuknipëjktaakë ko mo'oja'anëtë ja kyutujktakn.

Juan 21:15

Ko y'ajop'ajtaaytyë ets ja Jesús tyajtëëy ja Simón Pedro: Simón, Juan yë myaank, ¿Xytsyojkpës mijts wäänë ni'ikë këtiinëm ya'atëtyë? Ets ja Pedro y'ëtsooy: Ntsojkpy mijts, Wintsën, mnija'ap mijts ko ntsoky. Ets ja Jesús y'ënëmaayë: Këwent'ajtëkës yë nkupixyny.

1 Pedro 5:2

Jëtu'un ijxtëm ja jëyujk ijxpë t'ijx'ity tkëwent'atyën ja kyupixyny, jëtu'un këwent'atë ja Dios ja jyä'äy. Winë aaw winëjot mtuntëty ijxtëm ja Dios tsokyën, ka'ap y'atsipëty ets ka'ap yë meeny yi'iyë xytsyojkën'atëty.

Judas 1:18

Ko y'ënantë: Ma ja xëëw ënety kyëxanën, tää'atantëp ja ja'ay mëti'ipë je'eyë ja Dios ja jyä'ä nyëxi'ikan tyukxi'ikantëpën, jëtu'un winë tuna'antë tä ja y'ëxëëk winma'anyëtyën, ijxtëm ënety kë'ëm timtsyoktën.