Hechos 20:27 - Biblia Dc en Mixe de Quetzaltepec

²⁷ jä'ä ko tëë xëmë ntuk'ëwaanëtë mëti'ipë ja Dios tsyojkpyën, ka'apës tii të nkuyu'utsy.

Biblia Mixe de Quetzaltepec

²⁷ jä'ä ko tëë xëmë ntuk'ëwaanëtë mëti'ipë ja Tios tsyojkpyën, ka'apës tii të nkuyu'utsy.

Hechos 20:27 ပူးပေါင်းရင်းမြစ်များ

Hechos 20:20

E xëmë miits të ntuk'ëwaanëtë winjëën wintëjk ets ma ja mayjyä'äyën mëti'ipë mtuk'oy'attëpën, ko të nyaj'ijxpëktë.

1 Tesalonicenses 2:4

Ni'ikyë ja Dios ojts t'oy'ixy ets xytyuknipëjktës etsës nkajpxwa'kxtëty ja oy aaw oy ayuk ets jëtu'unës nimëtya'aktë. Ka'apës yë'ëjëty ntsoktë etsës ja ja'ay xy'oyjyawëtëty, yë'ëjës ntsojktë etsës ja Dios xytyukjotkëta'aktëtyës, mëti'ipë tyuk'ijxnajxypyën Wi'ixës ja n'aaw njotëty.

2 Corintios 4:2

Ka'apës tii ayu'utsy të ntuntë jëtu'un tä jeexyë tii yajtsëtyu'unjawën; ka'apës pën je'eyë të nwin'ëëntë ets ja Dios ja y'aaw y'ayuk të nyajtëkajtsëtë, tëy jaantyës të nnikäjpxy të nnimëtya'aktë mayjyä'äyjoty Dios wyintum.

Gálatas 4:16

E tyam ¿Mëtsipës jëtää të n'awinpityë jä'äkyëjxm koos të nnikäjpxy ja tëypyë jaantypë?

Efesios 1:11

Tiosës të xywin'ixy etsës ja kuma'ayën n'ëxajëty ko ja Kristë mëët n'ityës, jëtu'un ijxtëm të tuknipëjktaakën yë Dios mëti'ipë tu'kë'ëyë winë tyuunpyën ijxtëm tsokyën.

1 Corintios 11:23

Näy Wintsënës yë ijxpëjkën të xymyo'oy mëti'ipë miits të nmo'otën. Jä'ä koots ma ja Wintsën ënety yajkë'ëyaka'anyën, jää tkoonë'ky tu'uk ja tsajpkääky.

Hechos 20:35

Xëmë të ntuk'ijxpëktë ko jëtu'un winë xytyuntëty, ets ja mmëku'uk xypyutëkëtëty mëti'ipë tii yajmëyajtëpën. Ja'amyätstë ja Wintsën Jesús ja y'aaw y'ayuk ko jëtu'un y'ënäny: Wäänë jotkujk mëti'ipë ja ja'ay putëjkëpën ets këtiinëm mëti'ipë yajputëjkëpën.

Hechos 2:23

Tääpë ye'etyëjk, ojts miits myajtukë'ëtëkëtë, ijxtëm ja Dios ënety të tuknimay të tuknitajën, miits ojts xyaj'ooktë, ko ja ëxëëkja'aytyëjk xytyukyajkruutspäjtë.

Lucas 7:30

E ja fariseë ja'ayëty ets ja tsajptëkotyëtë yaj'ijxpëjkpëtëjkëty, ka'ap tkupëjktë mëti'ipë ja Dios ënety të jyatukmëtsokëtën, jä'ä ko ka'ap ënety të tkupëktë ets ja Juan yajnëëpätëtëty.

Mateo 28:20

ets xytyuk'ijxpëktëty wi'ix tpatuntëtyën tu'kë'ëyë mëti'ipë miitsëty të ntuk'ënä'ämtën. E ëjts jëtu'unës n'ëna'any ko yajpaataanpës xëmë ma miitsëtyën mapaat yë naaxwiinyëtë jyää'atyën.

Salmos 32:11

Xoonta'aktë jam ma Wintsënën, miitsëty naaxwiinyëtë ja'ayëty ninu'un oy mja'ay'atën ets ninu'un winë mëtëy xytyuntën. Xoonta'aktë ets tukyaax tukjokëtë ko jotkujk myajpaatë.

Juan 15:15

Ka'ap miits n'ëktijnëtëty tuunpë, jä'ä ko ja tuunpë ka'ap nijawë tii ja wyintsën tyuunpyën. Mëku'uk miits ntijtë, jä'ä ko tëë ntuk'ëwa'anëtya'atë wi'ixës ja nTeety të xynyëëmën.

Jeremias 23:22

Ko jeexyë të tnijawëtë yë n'aaw n'ayukës yu'utsypë, tëë jeexyë tnikäjpxy tnimëtya'aktë yë n'aaw n'ayukës maas yë nnaax nkajpnën; ojts jeexyë tjëwowtë ma ëxëëk tu'ujën ets jeexyë t'ëxmajtstë ja y'ëxëëk juukyajtënëty.

Hechos 13:36

Jä'ä ko ja David ojts oytyuny ma ja jyä'äyën ijxtëm ja Dios ënety tsokyën, ko ojts y'o'knë jam nyaaxtëjkëy ma ja tyeety y'apën ets ja nyi'kx kyopk ojts wyintëkoy.

Salmos 40:10

Ka'apës të ntuk'amony mijts ja mtëyajt m'oyajtën; tëës nikäjpxy nimëtyä'äky ko mijts aak'oy winë xytyuny ets myajnitsokp. Ka'apës nijëna'a të nkuyu'utsy yë mtsojkën mja'awën ets mtëyajt mjaantyajtën ma mnaax mkajpnën mëjpë këjääpë.

Jeremias 26:2

ets t'ënëmaay: Jam mwa'ak'oyëty tsajptëjk'ëkë'ëm, jam xynyikajpxta'ajëty tu'kë'ëyë ja aaw ayuk mëti'ipë të ntukmëmëtyä'äkyën, wä'än ja ja'ay tmëtowtë mëti'ipë tso'ontëpën Judá, mëti'ipë miintëpën ma tsajptëjkën. Nitii xykyaninaxëty wa'ats xynyikajpxta'ajëty.

Jeremias 42:21

E yë'ëjës të nnikäjpxy mëti'ipë ja Wintsën të t'ëtsoowinpityën, mëti'ipë miitsëty mTiosajtëpën, e miitsëty ka'ap xymyëmëtowa'antë.

Ezequiel 40:4

Ënet tääpë ja'ay xy'ënëmaayës: Ëk'ix yajxon ets yajxon mëtoow'it; yajxon xytyim ix xytyimtunëty mëti'ipë yam ntuk'ixäämpyën, jä'ä ko mijts Wintsën yaa të mwoowminyë ets ntuk'ixëty ya'atë. Ok nëjkx xytyuk'ëwaanë yë Israel ja'ayëty tëkokyë mëti'ipë yam m'ixäämpyën.

Josue 8:35

Josué wa'ats tkajpxtaay ja aaw ayuk ma ja naax kajpnën mëti'ipë ënety ja Moisés të tyajwë'ëmyën ma ja Israel ja'ayëtyën, ja ja'ayëty ojts tmëtoowta'atë wä'än mëjja'ay mutskja'ayëty ets wä'än jaaypyaat jaaypyo'kxyëty.

Jeremias 34:6

Yë Jeremías käjpxynyajxpë ojts ja aaw ayuk tkajpxnajxta'ay ma ja yajkutujkpën Sedequías jam Jerusalén.