Hechos 20:17 - Biblia Dc en Mixe de Quetzaltepec

¹⁷ Jam ënety yajpaaty ja Pablo Mileto, ënät twoowtsooy ja mëjja'aytyëjkëty, mëpëjkpëtëjk, mëti'ipë jamëtyën Éfeso.

Biblia Mixe de Quetzaltepec

¹⁷ Jam ënäty yajpaaty ja Pablo Mileto, ënät twoowtsooy ja mëjja'aytyëjkëty, mëpëjkpëtëjk, mëti'ipë jamëtyën Éfeso.

Hechos 20:17 ပူးပေါင်းရင်းမြစ်များ

Hechos 11:30

Ojts tyajmuktë ja näypyutëkë ets ja Bernabé tmënëjkxëty ja putëjkën mëët ja Saulo ets tmo'otëty ja mëjja'aytyëjk jam Judea.

Hechos 14:23

Ojts ja Pablo ets ja Bernabé tnikajpxpätë ja mëjja'aytyëjk maajëty ja mëpëjkpëtëjk ye'eymyuktën, ets ja Dios tuknija'amyäjtsëtë ets y'ayuu'ajtë, ets tukë'ëtëjkëtyë ja Wintsën mëti'ipë ënety të tmëpëktën.

Hechos 15:23

Yë'ëts ojts ja noky tmënëjkxtë mëti'ipë ënaanpën: Ëëts, ijxpëjkpëtëjkëty ets ja mëjja'aytyëjk, miits yë mmëku'uktëjkëty. Nkajpxpo'kxtë miitsëty mëti'ipë ka'ap jyutiisëty, mëti'ipë tsënaaytyëpën jam Antioquía, Sirië ets Cilicia.

Hechos 15:4

Ko jyajtë jam Jerusalén, oy kyupëjkëtë ja ijxpëjkpëtëjk, ja mëjja'aytyëjkëty ets ja mëpëjkpëtëjkëty. Ënet ja Pablo ets ja Bernabé tuk'ëwa'anëtyääytyë wi'ix ënety ja Dios të tyunyën ma yë'ëjëtyën.

Hechos 15:6

Tääts ye'eymyujktë ja ijxpëjkpëtëjkëty mëët ja mëjja'aytyëjkëty ets nimëtyaktë ya'atë ja winma'any.

Hechos 16:4

Ënet tsyo'ontë ets ojts nyëjkxtë maajaty ja kajpnën. Jamts tnikäjpxy tnimëtyaktë wi'ix ja ijxpëjkpëtëjk mëët ja mëjja'aytyëjk ënety të tyaktën ja kajpxwijën jam Jerusalén.

Hechos 18:19

Ko jyajtë jam Éfeso, jam ja Pablo ojts tyajwë'ëmy ja Priscila ets ja Aquila ets ojts nyijkxy jam tsajptëkotm tääts tyëjkëy kajpxpë mëtyakpë mëët ja jutiis ja'ayëty.

Hechos 20:15

Ënet jatëkok jam ntso'ontës etsës komjëpom nnajxtë Quío, kom wëxtëjkm nja'ajtës jam Samos. Tu'kxëëwës ojts njaaknëjkxtë etsës nja'ajtë Mileto.

Hechos 20:28

Jëtu'un yam n'ënëëmëtë, jëjp'ixy m'ittëty ets näkyëwent'atëtë; näjyëtu'un ja mëpëjkpëtëjk këwent'atë, jä'ä ko ja Dios yë myëjaaw myëk'ajtën të tpëjktä'äky ma miitsëtyën ets xykyëwent'atëty mëti'ipë ja Dios jyä'äy'äjtypyën mëti'ipë të tku'ookën.

1 Timoteo 5:17

Ja mëjja'aytyëjk mëti'ipë nyikopk'ajtëpën ja mëpëjkpëtëjk, paat'ajtëtëp ja wintsë'kën ets ja putëjkën; wäänëni'ik pyaat'atëtë mëti'ipë ja Dios ja y'aaw y'ayuk kyajpxwa'kxtëpën ets yaj'ijxpëjktëpën.

Tito 1:5

Ko mijts ojts nyajwë'ëmy jam Creta, yë'ëkyëjxm ets xyaj'apaatëty ja tuunk mëti'ipë ënety jam apaatëjaanpën ets xypyëjkta'akëty mëti'ipë nyimëjja'ay'atëpën ja mëpëjkpëtëjk ma ye'eymyuktën, jëtu'un ijxtëm ënety të ntuknipëkyën.

Santiago 5:14

Pën pëjkëp, wä'än ja mëjja'aytyëjk twoy ets ja Dios tyuknija'amyätsëtëty ets tyukjaaxëtëty ja olivë on Wintsën xyëëwkyëjxm.

1 Pedro 5:1

Nkajpxwijäämpyës tyam ja mëjja'aytyëjkëty ma miits jam mye'eymyuktën, ëjts mëja'aynyës näjyëtu'un ijxtëm yë'ëjëtyën ets n'ijxës ja Kristë ko y'ëyooy; xypyatpës näjyëtu'un tä yë'ëjëtyën ja mëj'ajtën oyajtën mëti'ipë ok nikëxë'ëkaanpën.

2 Juan 1:1

Ja mëjja'ay Juan, tyajnaxy ja kajpxpo'kxën ma ja mëpëjkpëtëjkëtyën mëti'ipë ja Dios të wyin'ixëtën. Mëjwiin këjää miits ntsoktë njawëtë ets näjyëtu'un ni'ëmukë mëti'ipë të tnijawëtën ja tëyajtën,

3 Juan 1:1

Ja mëjja'ay Juan. Tkajpxpo'kxy ja nmëku'uk'ajtëm Gayo, mëti'ipë mëtëy tsojkp ja'apën.