Hechos 2:5 - Biblia Dc en Mixe de Quetzaltepec

⁵ Nimay ënety ja jutiis ja'ay të myintë Dios ëwtajtpë jam Jerusalén mëti'ipë tso'ontëpën wiink naax wiink kajpn.

Biblia Mixe de Quetzaltepec

⁵ Nimay ënäty ja jutiis ja'ay të myintë Tios ëwtajtpë jam Jerusalén mëti'ipë tso'ontëpën wiink naax wiink kajpn.

Hechos 2:5 ပူးပေါင်းရင်းမြစ်များ

Éxodo 23:16

Mnixëëwtunëp näjyëtu'un yë pëjktä'äky ma ëka'any xyajpëtë'ëka'anyën yë mpëjktä'äky, näjyëtu'un mëti'ipë jää myajpëtë'kpyën ma jajëmëjt kyëjxnën, ma ënety xyajpëtë'ktaaynyën tëkokyë mëti'ipë të xynyi'ipy të xykyojyën.

Zacarías 8:18

Ënet ja Wintsën mëti'ipë maaytyääyëpën winë ojts xymyëkäjpxyës, etsës xy'ënëmaay:

Mateo 24:14

Ets ya'atë aaw ayuk oypyë ma Dios kyutujkën yajnimëtyä'äkyën, nëjkxëp yajkajpxwä'kxy ma tu'kë'ëyë naaxwiinyëtën ets nëjkx ja ja'ay tnija'awëtya'atë, täänëm ja naaxwiinyëtë kyukëxëty.

Lucas 17:24

Jä'ä ko jëtu'un ijxtëm ja wëtsukën, ko tyi'kxy, tyukjajëtyääpy yë tsajp, jëtu'un ja naaxwiinyëtë ja'ay ja y'U'unk kyëxë'ëka'any ko ënety wyimpity.

Lucas 2:25

Jam ënety tu'uk ja ja'ay tsyëënë Jerusalén, Simeónk'ajtp. Oy ets wa'ats jyuuky'äty ma Tiosën, wyintsë'këp ja Dios ets y'owëxijtyp jëna'a ja Israel ja'ay nyitso'oka'antën. Ja Simeón myëët'ajtyp ijty ja Kënu'kxymyëkajtën,

Lucas 24:18

Ënet tu'uk mëti'ipë xyëëwajtypyën Cleofas y'ëtsooy: ¿Mijts nätyu'uk yaa Jerusalén të mja'ajtä'äkyë, paaty xykyanijawë tii të tyuny të jyätyë?

Juan 12:20

Ënet ja ja'ayëty mëti'ipë ënety të nyëjkxtën Dios ëwtajtpë xëëwjoty jam Jerusalén, tam jënaakën ja griego ja'ayëty.

Hechos 10:2

Xëmë ja Cornelio ijty twintsë'ëkë ja Dios, näjyëtu'un mëti'ipë tsënaaytyëpën jam ma tyëjkën, pyutëjkëp ijty ja ja'ay mëët ja wit meeny ko pën kyaka'ajtxëty ets xëmë tja'amyetsy ja Dios.

Hechos 10:7

Tääts ko ja tsajpjotmëtë kukäjpxy tsyo'ony, ënät ja Cornelio tmëjwooy nimäjtsk ja tyuunpë ets näjyëtu'un tu'uk twoowtsooy ja tsiptuunpë mëti'ipë myëku'ukja'apën ets wyintsë'këp ja Dios.

Hechos 13:50

E ja jutiis ja'ayëty ojts t'akajpxëtë ja to'oxytyëjkëty mëti'ipë wintsë'ëkë ijtëpën ets mëti'ipë oy juuky'ajtëpën; näjyëtu'un t'akajpxëtyë ja ye'etyëjkëty mëti'ipë mëj'äämpy ijtëpën ma ja kajpnën ets yë'ëjëty tyajjotma'atëty ja ja'ayëty ets yaj'ëxwojppëtsëmtëty ja Pablo ets ja Bernabé.

Hechos 2:1

Ko ja pentecostés xëëw tpaty, jää ënety ni'ëmukë të ye'eymyujkta'atë ja mëpëjkpëtëjk ma tu'uk ja tëjkën.

Hechos 22:12

Jam ënety tu'uk ja ja'ay mëti'ipë xyëëwajtypyën Ananías, yë'ë ja Moisés ja y'ënä'ämën pyatuunëp ets ni'ëmukë ja jutiis ja'ay mëti'ipë tsënaaytyëpën jam Damaskë oy nyimëtyä'äkyë.

Hechos 8:2

Tam jënaakën mëti'ipë ja Dios myëpëjktëpën, yë'ë yajnaaxtëjkëtyë ja Esteban ets tnijëëy tniyaxtë.

Hechos 8:27

Tääts tsyo'ony ets jam tu'u'am tpaty tu'uk ja Etiopíë ja'ay mëti'ipë ënety ja Dios ojts të t'ëwtatyën jam Jerusalén. Ya'atë ja'ay mëj tuunk ënety nyëkëjxm'ajtyp, yë'ë tyuunk'ajtyp ja meenykyoonë'k ma ja yajkutujkpën, ja to'oxytyëjk jampë y'ën'emyën Etiopíë.

Deuteronomio 2:25

Ëjts yam jëtu'un ntuknipëjktakëp ets tëkokyë yë naax kajpn mtsë'ëkëtëty. Ko tmëtoy'atëty mwinkontë, jëtu'un tsyëyuuypyëjkta'atëty ets ka'ap jyotkujk'atëty mëët ja tsë'ëkë.

Colosenses 1:23

Je'eyëp ko mëk mëpaat myajpaatë ma mëpëktën, këtii xymyajtstu'utëty mëti'ipë të xymyëpëktën ets mëti'ipë të xymyëtowtën. Yë'ë jëtu'un ya'atë aaw ayuk mëti'ipë të yajkajpxwä'kxyën oy tyimmaajëty ma ja it naaxwiinyëtën, ëjts Pablo je'eyës të nputëkë ets të yajkäjpxywä'kxy.