Hechos 2:43 - Biblia Dc en Mixe de Quetzaltepec

⁴³ Ja ja'ayëty mëj'ixy t'ijxtë ko ja ijxpëjkpëtëjkëty tyaj'ixëtë ja Dios ja myëj'ajtën kanaakpëky.

Biblia Mixe de Quetzaltepec

⁴³ Ja ja'ayëty mëj'ixy t'ijxtë ko ja ijxpëjkpëtëjkëty tyaj'ixëtë ja Tios ja myëj'ajtën kanaakpëky.

Hechos 2:43 ပူးပေါင်းရင်းမြစ်များ

Juan 14:12

Tëy miits nëëmëtë, pën xymyëpëjkpës, tyunëp näjyëtu'un ja tuunk mëti'ipës ntuunpyën; ets tyunëp ja tuunk jaakmëjpë, yë'ë koos jap nnëjkxy ma ja Dios Teetyën.

Lucas 8:37

Jä'äkyëjxm ja Gerasa ja'ayëty ni'ëmukë tmëpëjktsoowtë ja Jesús ets jam tsyoonëty, tsë'këtëp ja ni'ik. Ënet ja Jesús kepy nëëwinye'epyëjoty tyëjkëy ets tsyo'ony.

Lucas 7:16

Ko jëtu'un t'ijxtë, tääts ni'ëmukë tsyë'këtyë ets ja Dios tmëjja'aw tjaantyjya'awëtyë ets y'ënantë: Tu'uk ja Dios kyäjpxynyajxpë të kyëxë'ëky ma ëëtsajtëmën. Näyjyëtu'un y'ënantë: Tëë ja Dios tniminy tnija'ty ja jyä'äy.

Marcos 16:17

Ja ja'ay mëti'ipë mëpëjktëpën, yë'ë tyuntëp: Ëjts mëët yë nxëëw nëjkx t'ixkäxtëty ja ku'oypyë; kyajpxtëp ja wiink ayuk;

Jeremias 33:9

Yë Jerusalén kajpn nëjkxëpës mëj këjää ntukxoontä'äky, nëjkxëp jam yaj'ixy ja nmëj'ajt n'oyajtënës ets nijawëtëty tu'kë'ëyë ja naax kajpn. Nëjkxëp tsyë'ëkëtë ko ënety tnijawëtë wi'ix ja Jerusalén kajpn tpaatyën ja näypyutëkë maas ëjtsën ets wi'ix të jyotkujkta'aktën.

Hechos 9:40

Tääts ja Pedro tkäjxpëtsëëmtaay ja ja'ayëty ets nyäkyoxtënaaytyakë ets ja Dios ojts tmëkäjpxy ets ja o'kpë tniwa'akwinpijty ets y'ënäny: Tabitá, pëtë'ëk. Ënet ja o'kpë ojts y'ijxwä'kxy ets ja Pedro yajwintë'kxy ets wyä'tskujkëy.

Hechos 4:33

Ets ja ijxpëjkpëty ni'ikyë mëk'ajtën mëët tnikäjpxy tnimëtya'aktë ko tëë ja Wintsën Jesús jyuukpyiky jatëkok. Ni'ikyë ja Dios kyënu'kxëtë ni'ëmukë.

Oseas 3:5

Ok jatëkok yë Israel ja'ayëty tniwinpita'antë yë Dios ets t'ixta'aja'antë, mëti'ipë Wyintsën'ajtëpën ets ja David mëti'ipë kyutujkpë'ajtëpën. Ko ënety tpaaty ja xëëw jëmëjt winta'ak naaxkow nëjkx tnimintë yë Wintsën ets tkukajpxëja'antë ko ënety jotkujk yajjuuky'atëtë.

Ester 8:17

Maajaty ja kajpnën mëjpë mutskpë, ma jyä'äjtyën ya'atë ënä'ämën mëti'ipë ja yajkutujkpë ojts tkäjxwä'kxyën, ja Jutiiyë ja'ayëty yajxon tukxoontaktë, ojts may tnixëëwtuntë ets may kyääytyë y'uktë. Ëpëky ojts ja ja'ay ja jampë kyukajpn'atën may tpuwa'akëtë ja Jutiiyë ja'ayëty ets jëtu'un nyäyajnajxëtë Jutiiyë ja'ayën, jä'ä ko t'ijxnëtë aak kutsë'ëkë ja Jutiiyë ja'aynyë.

Hechos 9:34

Tääts ja Pedro t'ënëmaay ja Eneas: Eneas, Jesukristë yam myajtsokëp. Pëtë'ëk, yajpëtë'ëk mmaapäjn. Tääts ja Eneas ënätyë pyëti'ky.

Hechos 2:22

Miitsëty, Israel ja'ay ja tyiktsëty y'aatsëty, mëtowtë mëti'ipës yam nkajpxäämpyën: Ijxtëm miitsëty wa'ats xynyijawëtën, ojts ja Dios tyaj'ixyë ja kyutujkën mëët ja Jesús, Nazaretëtë ja'ay, ko tyaj'ixyë ja myëj'ajtën y'oyajtën ets kanaakjëjp ja ijxpät.

Hechos 5:5

Je'eyë ja Ananías jëtu'un tmëtooy, ooky tyimnakëtäky. Ets mëti'ipë y'ijxtën nyija'awëtën, ni'ëmukë tsyë'këtyë.