Hechos 2:30 - Biblia Dc en Mixe de Quetzaltepec

³⁰ Yë David, Dios käjpxynyajxpë ijty, nyija'ap jä'ä ko ënety ja Dios tëë mëktä'äky tyukwinwanëty ko ja y'u'unk y'ok tu'uk tpëjkta'aka'any mëti'ipë y'ëxajëpën ja David ja kyutujkën.

Biblia Mixe de Quetzaltepec

³⁰ Yë David, Tios käjpxynyajxpë ijty, nyija'ap jä'ä ko ënäty ja Tios tëë mëktä'äky tyukwinwanëty ko ja y'u'unk y'ok tu'uk tpëjkta'aka'any mëti'ipë y'ëxajëpën ja David ja kyutujkën.

Hechos 2:30 ပူးပေါင်းရင်းမြစ်များ

2 Samuel 23:2

Yë Wintsën yë myëk'ajtën y'oyajtën jëtu'un y'ënä'äny maas ëjtsën; yë'ë kë'ëm ja aaw ayuk të tpëjktä'äky maas ëjts ja nyä'änën.

2 Pedro 1:21

Jä'ä ko ka'ap ja kyäjpxynyajxpëtëjk ojts yë'ë tnikajpxtë mëti'ipë kë'ëm myääytyëp tyajtëpën, kënu'kxymyëk'ajtën ojts winma'any myo'ojëtë.

2 Timoteo 2:8

Ja'amyäts ja Jesukristë, mëti'ipë ojts jyuukpyikyën ko y'o'ky, ja David ja y'u'unk y'ok, ijxtëmës nnimëtyä'äkyën.

Romanos 1:3

Ma tnimëtyä'äkyën ja Dios ja y'u'unk, Wintsën Jesukristë, mëti'ipë mëxu'unk'ajtën jëtu'un tä oy pën ja'ayën; yë'ë ja David ja y'u'unk y'ok;

Marcos 12:36

Kë'ëm ja David y'ënäny ko ja Kënu'kxymyëkajtën ojts yajkäjpxyë: Jëtu'un ja Wintsën t'ënëmaay ja nWintsënës: U'nyë yaatsow maajës yë n'a'oykyë'ëjën, koonëm yë mmëtsip nmëmëta'akëtyës.

Apocalipsis 19:16

Ma kyë'ëjën ets ma kyë'ëpoontyën jam tmëët'aty këxja'ay: Yajkutujkpë kopk ma ja yajkutujkpëtyën ets Wintsënkopk ma ja wintsënëtyën.

Apocalipsis 17:14

Tääts mëët tsyiptuna'antë mëti'ipë yajtijpën Kupixyny U'unk; nëjkxëp myëmëta'akëtë ja mëti'ipë yajtijpën Kupixyn U'unk, jä'ä ko wintsëntëjk Wintsën ja y'ity, ets yajkutujkpëtëjk Yajkutujkpë; mëët nëjkx y'ity mëti'ipë ja Dios të wyinwitsëtën ets mëti'ipë wintëy wiinkujk mëët ja Dios y'itën.

Hebreos 7:21

E ja Dios ojts kë'ëm nyäyajkäjpxyë ets ja Jesús tyeety'atëty ko t'ënëmaay: Tëës nnäyajkäjpxyë, ka'apës ja nwinma'any tyëkatsëty, xëmëkyëjxm mijts mteety'atëty.

Hebreos 6:17

Dios ojts jëtu'un tuknipëjktaakë ets tyajnikëxë'ëka'any pën y'ëxajëjantëpën ja kuma'ayën mëti'ipë të ënety të twinwanën, ka'ap nijëna'a tyëkatsyën. Paatykyëjxm ojts kë'ëm nyäxyëëwkukäjpxyë ko ja waantakën tpëjktäky.

Hebreos 4:7

Paaty ja Dios jatëkok të tpëjktä'äky tu'uk ja xëëw, tyampë, mëti'ipë ja Dios ojts tuknikäjpxyën ja David, ko y'ënäny: Pën mëmëtoowtëp miits ja Dios ja y'aaw y'ayuk, këtii ja mjot mwinma'any juun xypyëjkta'aktëty.

Hebreos 3:7

Paaty, ijxtëm y'ënä'änyën ja Kënu'kxymyëkajtën: Pën tyam mmëtoow'ijtëp wi'ix ja Dios y'ënä'änyën,

Romanos 15:12

Näyjyëtu'un ja Jeséas ojts y'ënä'äny: Jotkujk ja Jesé ja y'u'unk y'ok y'ita'any, mëti'ipë yajkutukaanpën ma ja naax kajpnën, ets ja ja'ay yë'ë tyuk'ijxpäta'anyë.

Hechos 1:16

Mëku'uktëjkëty, kopkpëky ko ënety jëtu'un tyuna'any jyata'anyë ijxtëm ja Kënu'kxymyëkajtën ojts tyaj'ëna'anyën ja David, ma tnimëtyä'äkyën ja Judas, mëti'ipë tyu'uwinwoowën ja ja'ayëty mëti'ipë myajtstën ja Jesús.

Lucas 24:44

Tääts y'ënëmaayëtë: Mëti'ipës të xyäty të xykyëpetyën, yë'ë mëti'ipë ojts ntuk'ëwaanëtën ko ënety jää mëët miitsëty njaak'ityës, ko kopkpëky ko jëtu'un njata'anyës ijxtëm xynyimëtya'aktësën ja Moisés ja y'ënä'ämën, ja Dios ja kyäjpxynyajxpë ets ja Salmos.

Mateo 27:35

Ko ënety të tyajkruutspätë, tääts ja tsiptuunpëtëjkëty ojts suertëjoty t'ijxpëtsëmtë ja Jesús ja wyit, pënjaty tuka'ajëp.

Mateo 22:43

Ënet ja Jesús y'ënëmaayëtë: Pën jëtu'un, ¿wi'ix ko ja David yajkajpxpëtsëmyë ja Dios ma tmëkäjpxyën ja Kristë, Wintsën. Ma y'ënä'änyën ja David:

Miqueas 5:2

E mijts Belén, mëti'ipë näjyëtu'un yajtijpën Efrata, mutskpë kyajpn'atyën ma Judá kyajpnën, jam tu'uk ënä'ämpë pyëtsëma'any mëti'ipë nëjkx yajkutukyën Israel, yë'ë jyä'äy yë tëëyëpë jyuuky'atën.

Isaías 7:14

Yë Wintsën yë'ë kë'ëm yakäämpy yë ijxpäjtën: tu'uk ja to'oxytyëjk tyajmëxu'unk'ata'any ja u'unk maay, ets tyajxëëwpäta'any Emanuel.

Jeremias 30:9

Ëjts nëjkx xymyëtuny, ëjts maas nxëëwatyën Wintsën, nëjkxëp tmëtuntë yë David, mëti'ipës npëjkta'akäämpyën ënä'ämpë yajkutujkpë.

Hebreos 1:1

Tëëyëp, kanaak ok ojts ja Dios tmëkäjpxy ja n'ap'ajt n'ok'ajtëm ets kanaakjëjp ja winma'any tja'ixtaay ko ojts tjayajkäjpxy ja käjpxynyajxpëtëjk.