Hechos 2:27 - Biblia Dc en Mixe de Quetzaltepec

²⁷ Ka'ap mijts xyajwë'ëmëtyës o'kpëjutjoty, ni xykyayajkutukëty ets wyintëkoyëty ja mwa'ats Ja'ay nyi'kx kyopk.

Biblia Mixe de Quetzaltepec

²⁷ Ka'ap mijts xyajwë'ëmëtyës o'kpëjutjoty, ni xykyayajkutukëty ets wyintëkoyëty ja mwa'ats Ja'ay nyi'kx kyopk.

Hechos 2:27 ပူးပေါင်းရင်းမြစ်များ

Salmos 16:10

Jä'ä ko mijts ka'apës o'këntuuy xyajwë'ëma'any, ka'ap tjëkyepy jap jutjoty tu'uk yë wa'ats ja'ay xy'ëxmatsëty.

Hechos 2:31

Jëtu'un ja David ojts jëwyiinyëp nijawë ets ojts nikäjpxy ko ja Kristë ënety jyuukpyëka'any jatëkok ets ka'ap y'ëk'ijnëty o'kpëjutjoty, ni kyawintëkoyëty ja nyi'kx kyopk.

Apocalipsis 1:18

Ëjts jëtu'un mëti'ipë juukyajtpën. Tëës n'ëk'o'kpë ets tëëjës jatëkok njuukpyiky. Xëmëkyëjxmës tyam njuuky'ajnë. Ëjts nmëët'ajtypës ja o'kën kuttujkën ja nyi'ëwatsn.

Apocalipsis 20:13

Ja mejy ojts ja y'o'kpë tkë'ëyäky, ets ja o'kpë kutujktakn ojts tkë'ëyajkta'ay ja o'kpë jënu'un ënety jap yajpaatën ets tu'kë'ëyë yajpaye'eytyääytyë wi'ixjaty tii të tuntën oy ka'oy.

1 Corintios 15:55

Ets näjyëtu'un y'ënä'äny: Mijts o'kën, ¿ma ja mmëkajtën të nyijkxy ets myajja'ay'ookëty? ¿Maa ja mëti'ipë mtukyajja'ay'o'kpyën?

1 Corintios 15:52

tim pojën, tu'kwinmi'kxyë je'eyë, ko ja xuxn tu'k'okyë xyu'uxëty. Jä'ä ko nëjkxëp ja xuxn xyu'uxy ets ja o'kpë jyuukpyëktëty ets ka'ap y'ëk'o'knëtëty; ets ni'ëmukë nëjkx ntëkajtsëmë.

Juan 11:39

Ets ja Jesús y'ënäny: Jëkë'ëtë yë tsaa. Ënet ja Marta, mëti'ipë ja o'kpë myëkä'äx'ajtypyën, ojts y'ënë'ëmxëty: Wintsën, tokxu'knëp yë'ënë, jä'ä ko tëë myajktaxk xëëwpäjnë ma nyaaxtëjkënën.

Salmos 86:13

Mëjwiin këjää yë mtsojkën mja'awën xymyëëtëty mëët ëjts. Tëës mijts xyajtso'oky, ets ka'ap të xy'ëwa'atsy etsës n'ookëty ntëkoyëty etsës nka'ajëty jap o'kpëjutjoty.

Apocalipsis 3:7

Nnijayë yë tsajpjotmëtë kukäjpxy jampë yajpaatyën Filadelfia: Jëtu'un y'ënä'äny mëti'ipë wa'atsën, mëtëyën, mëti'ipë myëët'ajtypyën ja David ja y'ëwatsn; ka'apë pën mëpaat tyaj'ëtukyën mëti'ipë yë'ë yaj'ëwatsypyën ets mëti'ipë yë'ë yaj'ëtujkpyën ka'ap mëpaat pën tyaj'ëwa'atsy:

1 Juan 2:20

Tëë miits ja Dios mmo'ojëtë ja Kënu'kxymyëkajtën, paaty ja tëypyë jaantypë xynyijawëtë.

Lucas 4:34

¿Tiijës xytyuktëytyuunp, mijts Jesús Nazaretëtë ja'ay? ¿Yë'ë të xynyiminy etsës xyajkutëkoyä'änyë? Wa'ats mijts n'ixy'äty, Dios Kënu'kxypyë mijts.

Lucas 1:35

Tääts ja tsajpjotmëtë kukäjpxy y'ëtsooy: Minaanp ja Kënu'kxymyëkajtën ma mijtsën, Dios ni'ik këjxmëpë myëk'ajtën myajnitukëtëp ijxtëm tu'uk ja yootsën, paaty ya'atë mëxu'unk mëti'ipë minaanp ja'taanpën, wa'ats yë'ë, Dios U'unk yë'ë.

Marcos 1:24

Jesús, Nazaretëtë ja'ay, ¿tii mtsojkpy mëët ëëtsëty? ¿Yë'ë mijts të xynyiminy etsës xyajkutëkoya'antë? Wa'ats mijts n'ixy'äty; mijts Wa'ats yë Dios myajnaxyë.

Mateo 11:23

Ets miitsëty Capernaumëtë ja'ayëty, ¿tsajpjotm miits xytyijy myajmënëjkxa'antë? Niwi'ix'äämpy. Wäänë pa'tkë'p mnëjkxtëty ëyoowtaknjoty, jä'ä ko kooxyëp jeexyë ojts jëtu'unpë ja mëj'ajtën jam y'ëktunyë ma ja Sodomë kajpnën, tääpë kajpn tam jeexyë tyampaat yajpaaty.

Jonás 2:6

Jäppaatës të nkëtä'äky mejypya'tkë'p ma mëët yë naax nyäpyäätyë; jëtu'unës näjya'awëy tääjës jeexyë mijts xyaj'ityën jeky tsumy matsy. E mijts Wintsën, nTiosës, o'këntujpës të xyajtso'oky.

Salmos 116:3

Ja o'kën jëtu'unës të xytyukja'ty tä ja'ay yajtsumy yajxotyën mëët yë tejpxy, tëës ja monyëtukyë xytyukja'ty mëti'ipë jap tso'onpën o'kpëjutjoty tä jeexyë tsumy matsy nyajpaatyënës jëtu'unës të näjyawëty mëët ja tsë'ëkë ets ja pëjkën ijxën.

Salmos 89:19

Ojts tu'kxëëw tu'kjëmëjt xymyëkäjpxy yë mtuunpëtëjk, jëtu'un tä ja'ay tii twin'ixyën, ets ojts xy'ënëëmë yë mja'ay mëti'ipë ënety oy mëtuunëpën: Tëës tu'uk jotmëkja'ay nwin'ixy maas yë nnaax nkajpnën, mëj'äämpyës të npëjktä'äky ets tëës nputëkë.

Salmos 49:15

E ëjts yë'ëjës Dios xyajtso'okaanp o'kënjëjp'am ets yë'ëjës xyajnëjkxaanp ma tsyëënën.

Hechos 4:27

Tëyajtën yë'ë, ko yë Herodes ets ja Poncio Pilato yaa të ye'eymyuktë mëët ja mayjyä'äy, ma ya'atë kajpnën, jutiis ets mëti'ipë ka'ap jyutiisëty, ets ja mWa'ats Tuumpë Jesús të yajmëtsippëky, mëti'ipë të xywyinwitsyën.

Hechos 3:14

Miitsëty yë'ë ojts xyajnitukëtë ja wa'ats ja'ay mëti'ipë ka'ap tii poky tmëëtëtyën ets xyaj'ëwaatsëpëtsëëmtë ja yaja'ay'o'kpë.

Lucas 16:23

Jap ënety y'ëyoy ja kumeenyjyä'äy ma ja o'kpë nyipätën, tääts ojts y'ijxë'ëky ets t'ijxpaty ko jam tsajpjotm yajpaaty ja Abraham mëët ja Lázaro.

Lucas 24:44

Tääts y'ënëmaayëtë: Mëti'ipës të xyäty të xykyëpetyën, yë'ë mëti'ipë ojts ntuk'ëwaanëtën ko ënety jää mëët miitsëty njaak'ityës, ko kopkpëky ko jëtu'un njata'anyës ijxtëm xynyimëtya'aktësën ja Moisés ja y'ënä'ämën, ja Dios ja kyäjpxynyajxpë ets ja Salmos.

Hechos 2:26

Paatyës jotkujk näjyawëty etsës yë xoontakën nnikäjpxy; oyës n'ookëty, ka'ap tiijotmay, jyëjp'ixëp ëjts ni'kx nkopk ja juukyajtën,

Hechos 2:28

Tëës mijts xytyuknijawë ja në'ë tu'u mëti'ipës xyajja'tëpën ma ja juukyajtënën, ets mijts xyajjotkujkta'akaanpës mwintuuy mwinkujk.