Hechos 2:24 - Biblia Dc en Mixe de Quetzaltepec

²⁴ E tëë ja Dios tyajjuukpyiky, ets tëë tyaj'ëwaatsëpëtsëmy ma ëxëëk të jyätyën ko të y'ooky, jä'äkyëjxm ko ka'ap ja o'kën tii mëk'ajtën tmëëtëty ets yaj'ookëtëty.

Biblia Mixe de Quetzaltepec

²⁴ E tëë ja Tios tyajjuukpyiky, ets tëë tyaj'ëwaatsëpëtsëmy ma ëxëëk të jyätyën ko të y'ooky, jä'äkyëjxm ko ka'ap ja o'kën tii mëk'ajtën tmëëtëty ets yaj'ookëtëty.

Hechos 2:24 ပူးပေါင်းရင်းမြစ်များ

Salmos 116:16

Wintsën, ëjts mijts xytyuunpë'ajtp. Ëjts xy'u'unk'ajtp ja to'oxytyëjk mëti'ipë mmëtuunëpën. Mijts të xypyojtuky ja tejpxy mëti'ipës të nyajtuktsumyën.

Isaías 10:7

E yë Asiria yajkutujkpë ka'ap jëtu'un myäy tyäjy ets ka'ap jyëtu'unëty tuknipëjktaakë. Yë'ë jä'ä myäy tyäjy ko tyimyajkutëkooyäämpy ja naax kajpn.

Isaías 25:8

Nëjkxëp ja Wintsën tyajjëwä'äky ja o'kën tëko'oyën xëmëkyëjxm, pyo'ta'ajäämpy yë wyiin nëë mëti'ipë jëëytyëp yaxtëpën ets jyëpëjkta'ajäämpy naaxwiinyëtë apëtsëmy ja nänyëxi'ik nätyukxi'ikë ma nyaax kyajpnën. Yë Wintsën jëtu'un të y'ënä'äny.

Isaías 26:19

E ja mja'ay mëti'ipë të y'ooktën juuky'atantëp jatëkok, juukpyëkaanp jatëkok ja wyääy pyajkëty. Mëti'ipë jap naaxjoty maatëpën ma'aywyijjantëp jatëkok ets jotkujk jyuuky'ata'antë. Jä'ä ko mijts jëtu'un ja mtë'kxën mjajën të xykyexy tä tu'uk maanik kyä'äyën, mëti'ipë të y'ooktën juukpyëkantëp jatëkok naaxwiiny naaxkëjxy.

Isaías 53:10

Ja Wintsën ojts mëk yaj'ëyoyë mëët ja pëjkën ijxën. E yë'ëkyëjxm ko nyäkyë'ëyajkë tä tu'uk wintsë'kënën, winë xëëw winë jëmëjt jyuuky'ata'any ets y'ixäämpy ja y'u'unk y'ok, mëët yë'ëkyëjxm nëjkx oy wyimpëtsëmy jyëjpëtsëmy mëti'ipë ja Wintsën të tuknipëjktaakën.

Oseas 13:14

¿Ets ënät nyajtsokpëtyës o'kpë jutjotyë? ¿Ets ënät nyajpëtsëëmpëtyës o'këntujpë? ¿Maa ënät ja o'kën ja myëk'ajtën kyutujkën? Yë'ëjës yam ntsojkpy, jä'ä ko ka'apës tyaapë ja'ay n'ëkpa'ëyowanë.

Mateo 27:63

ets t'ënëmaaytyë: Yajkutujkpë, yë'ë ëëts nja'amyäjtstëp ko tääpë win'ë'ënpë ojts y'ënä'äny ma ënety jyaak juuky'ätynyëmën, ko kom tëkëëk xëëw jyuukpyëka'any.

Juan 10:18

Ka'ap pën xypyëjkës ja juukyajtën, koos nyäky nkë'ëmtsojkënës jëtu'un. Nmëët'ajtypyës ja kuttujkën etsës nyakëty etsës n'ëxajëty jatëkok. Jëtu'unës ja nTeety të xymyo'oy ja ënä'ämën.

Juan 10:35

Yajnija'ap ko ka'ap tjëkyepy ja Dios ja y'aaw y'ayuk këxja'aypyë yajninaxëty; ets ja Dios, nän tios ojts tijy ja ja'ayëty mëti'ipë ja y'aaw y'ayuk tyukmëtoowën.

Juan 12:39

Paaty ka'ap myëpëjktë jä'ä ko jëtu'un ënety kuja'ay myiny ma ja käjpxynyajxpë Jeséas ojts tkuja'ayën:

Juan 20:9

Jä'ä ko ka'anëm ënety oy tmëpëky mëti'ipë miinpën kuja'ay ko kopkpëky ko jatëkok jyuukpyëka'any.

Hechos 1:16

Mëku'uktëjkëty, kopkpëky ko ënety jëtu'un tyuna'any jyata'anyë ijxtëm ja Kënu'kxymyëkajtën ojts tyaj'ëna'anyën ja David, ma tnimëtyä'äkyën ja Judas, mëti'ipë tyu'uwinwoowën ja ja'ayëty mëti'ipë myajtstën ja Jesús.

Hechos 13:30

Ka'ap ojts ooky wyi'im, Dios jatëkok yajjuukpyëjkë.

Hechos 13:37

E mëti'ipë ja Dios të tyajjuukpyikyën, ka'ap ja nyi'kx kyopk të wyintëkoy.

Hechos 17:31

Jä'ä ko tëë ja Dios tuknipëjktaakë jëna'a ja naaxwiinyëtë ja'ay tpaye'eyä'änyën ijxtëm pyaat'atyën. Yë'ë të tuknipëky tu'uk ja ja'ay mëti'ipë të twin'ixyën; ets tëë xytyuk'ijxëmë ja myëk'ajtën ko ojts tyajjuukpyiky jatëkok oy ënety të y'ëk'ooky.

Hechos 2:32

Tëëts ja Dios tyajjuukpyiky ja Jesús, ëëtsajtëm tëë wa'ats n'ijx nija'awëmë.

Hechos 3:15

Jëtu'un xyaj'o'ktë mëti'ipë ja juukyajtën xymyo'oyëmën. E ja Dios tëë yajjuukpyikyë ets ëëtsëty tëëjës kë'ëm ntimy ixtë.

Hechos 3:26

Ko ja Dios tyajjuukpyijky ja y'u'unk, jëyëjp ojts miits mtuknikäxëtë ets mkënu'kxëtëty ets xy'ëxmatstëty ja m'ëxëëktu'un m'ëxëëk kajpxënëty.

Hechos 4:10

E oy ko xyajtëwtë, tyamës nikajpxtë ma miitsëtyën ets ma tëkokyë ja Israel ja'ayëtyën; ko ya'atë ja'ay, mëti'ipë yam m'ijxtëpën: ja Jesús ja xyëëw, mëti'ipë Nazaret kukajpn'ajtën yë'ë të yajtso'okyë, mëti'ipë miits myajkruutspäjtën ets mëti'ipë ja Dios jatëkok të yajjuukpyikyën.

Hechos 5:30

Ja Dios, mëti'ipë ëëts ja n'ap n'ok y'ëwtajtën, yë'ë të tyajjuukpyiky ja Jesús, mëti'ipë miits myaj'o'ktën jam kruutskëjxm.

Romanos 10:9

Pën m'aawjoty pyëtsimy ets m'ëna'any ko Jesús yë'ë Wintsën ets pën mmëpëjkpy m'aawjoty mjootjoty ko Dios të yajjuukpyikyë, mpatäämpy ja nitsokën,

Romanos 14:9

Paaty ja Kristë y'o'ky ets jyuukpyijky jatëkok, jëtu'unts tniwintsën'atëty mëti'ipë juukyëtyën ets mëti'ipë ookyëtyën.

Romanos 4:24

näjyëtu'un ojts ëëtsajtëm nyajnimëtyakëmë. Jä'ä ko ja Dios yajmëjnajxyp näjyëtu'un ëëts ja nmëpëjkën'ajtëmë, ko nmëpëjkëmë mëti'ipë yajjuukpyëjkën ja nWintsën'ajtëm Jesús ko y'ëk'o'ky.

Romanos 6:4

Ets ko nyajpatëmë jëtu'un ijxtëm jeexyë tu'ukyë të n'o'këmën ets të nnaaxtëjkëmë mëët ja Kristë, jëtu'un të njuukpyëjkëmë näjyëtu'un ijxtëm ja Kristë ojts jyuukpyikyën, mëët ja Dios Teety ja myëj'ajtën ets nmëët'ajtmëty ja jempyë juukyajtën.

Romanos 8:11

Ets pën ijtp ja Dios ja Kyënu'kxymyëk'ajtën ma miitsëtyën, mëti'ipë ja Jesús ojts yajjuukpyikyën, yë'ë myo'ojäämpy ja juukyajtën ja mni'kx mkopkëty mëti'ipë o'kpën mëët ja Dios ja Myëjaaw myëk'ajtën, mëti'ipë juukyajtpën ma miitsëtyën.

Romanos 8:34

¿Pën xy'ëkyajnitujkëmëp? Kristë Jesús mëti'ipë ojts y'ookyën ets mëti'ipë ojts jyuukpyikyën ets tam yajpaaty Dios y'aka'anytsyow ma xynyinu'kxtakëmën.

1 Corintios 15:12

Pën yë'ëjës nnikäjpxyp nnimëtyäkpy ko ja Kristë jyuukpyijky, ¿tii ko miits jënaakën m'ëna'antë ko ja o'kpë ka'ap jyuukpyëka'antë?

1 Corintios 15:15

Ko jeexyë ka'ap ja Kristë ojts jyuukpyiky, win'ë'ënpë jeexyë ëëts n'awinpitë, jä'äkyëjxm koos n'ëna'antë ko n'ijx nija'awëtyëpës mëti'ipë ja Dios tyuunën, jä'ä ko tëëjës n'ëknikajpxtëpë ko ja Dios Teety tëë ja Kristë tyajjuukpyiky. Pën tëy ko ja o'kpë ka'ap jyuukpyëka'any, ka'ap tyiyëty ko ja Dios Teety tëë ja Kristë tyajjuukpyiky.

1 Corintios 15:20

E yë'ë tëy'ajtën'ajtp ko ja Kristë të jyuukpyiky, yë'ë jëtu'un ijxtëm më''ëka'any pyëti'ikyën ja pëjktä'äky, yë'ë jëyëjp të jyuukpyiky.

1 Corintios 15:4

ko ojts tyajnaaxtëkëtë ets jyuukpyijky kom tëkëëk xëëw, ijxtëm näjyëtu'un ja Dios ja y'aaw y'ayuk kyëxja'ayëtyën;

1 Corintios 6:14

Jëtu'un ijxtëm ja Dios të tyajjuukpyikyën ja Wintsën, näjyëtu'un xyajjuukpyëka'anëm mëët ja myëk'ajtën.

2 Corintios 4:14

Jä'ä ko nnija'awëm ëëtsajtëm ko ja Dios mëti'ipë yajjuukpyëjkën ja Jesús, näjyëtu'un xyajjuukpyëka'anëmë, ets mëët miitsëty mëët tu'ukyë xyajnëjkx'anëmë wyintum wyinkujk.

Gálatas 1:1

Ëjts Pablo, ka'apës jyä'äyëty të xykyexy, ni ja'ayës të xykyapëjktä'äky oy ayuk käjpxynyajxpë; Jesukristë mëët ja Dios Teety mëti'ipë ojts tyajjuukpyikyën ja Jesukristë, yë'ëjës të xypyëjktä'äky oy ayukkajpxwa'kxpë.

Efesios 1:20

ko ja Kristë ojts tyajjuukpyiky ets tyajtsajpejty ets tyajnaaxwe'tsy y'aka'any'äämpy,

Colosenses 2:12

Jëtu'un miitsëty ijxtëm ja Kristë jeexyë mëët të mnaaxtëkëtën nëëpäjtënkyëjxm ets tëë mëët mjuukpyëktë jä'ä ko të xymyëpëktë ja Dios ja myëk'ajtën, ja Dios mëti'ipë Kristë yajjuukpyëjkën.

1 Tesalonicenses 1:10

ets xyjyëjp'ixtë ko myina'any ja Jesús, ko tsyoona'any jam tsajpjotm ja Dios U'unk, mëti'ipë juukpyëjkën. Yë Jesús yë'ë xyajnitso'oka'anëm ma ja mëj ëyo'onën mëti'ipë miimp wiinkoonpën.

Hebreos 13:20

Ja Dios mëti'ipë yäjkpyën ja jotkujk'ajtën ets mëti'ipë ojts tyajjuukpyikyën ja Wintsën Jesús, jëtu'unpë yajpaatyën tä kupixyny këwent'ajtpën, mëti'ipë mëët ja nye'pny ja käjpxytyu'unën të tyaj'apaatën xëmëkyëjxm,

Hebreos 2:14

Jëtu'un ijxtëm ja ja'ay tu'kjëëky tu'kmëku'ukpë ja jot ne'pyny tmëët'atën, jëtu'un ja Jesús y'ijty mëët ja Dios ets mëët ja o'kën tmëmëtaktaay ja ëxëëkpë, mëti'ipë ijty o'kën tëko'oyën myëët'ajtypyën.

1 Pedro 1:21

Mëët yë'ë ko yë Kristë të xymyëpëktë paaty ja Dios näjyëtu'un xymyëpëktë, mëti'ipë të tyajjuukpyikyën ja Kristë jatëkok ets të tmëjjaw të tjaantyjyawë, jëtu'unts të xypyëjkta'aktë ja mjot mwinma'anyëty ma Tiosën ets xy'a'ix xyjyëjp'ixtë.

Apocalipsis 1:18

Ëjts jëtu'un mëti'ipë juukyajtpën. Tëës n'ëk'o'kpë ets tëëjës jatëkok njuukpyiky. Xëmëkyëjxmës tyam njuuky'ajnë. Ëjts nmëët'ajtypës ja o'kën kuttujkën ja nyi'ëwatsn.