Hechos 2:20 - Biblia Dc en Mixe de Quetzaltepec

²⁰ Pi'itsaanp ja xëëw, ja po'o ne'pnyën y'awinpita'any ka'anëm ënety ja Wintsën myinyëm, ets jää nëjkx yaj'ixy ja Wintsën ja myëj'ajt y'oyajtën.

Biblia Mixe de Quetzaltepec

²⁰ Pi'itsaanp ja xëëw, ja po'o ne'pnyën y'awinpita'any ka'anëm ënäty ja Wintsën myinyëm, ets jää nëjkx yaj'ixy ja Wintsën ja myëj'ajt y'oyajtën.

Hechos 2:20 ပူးပေါင်းရင်းမြစ်များ

Isaías 13:10

Ja matsa'a ka'ap y'ëktë'kxanëtë; ja xëëw nëjkxëp pyi'itsy, ja po'o ka'ap y'ëkyaj'ixanë.

Isaías 13:15

Pën ënety yajpatpën, kupuxy nëjkx y'ooky, pën ënety yajmajtspën, nëjkxëp ja'ay yaj'ookyë.

Isaías 13:9

Miimp wiinkoonp ja Wintsën ja xyëëw ma ja ëyo'on y'ita'anyën, ma ja tsyip y'äkë tyajnaxa'anyën, mëti'ipë ja naaxwiinyëtë yaj'awinpitäämpyën anë'ëk tëëtsë'ëk, yajkutëkooytya'ajäämpy ja pokyjyä'äytyëjk mëti'ipë yajpatëpën naaxwiiny naaxkëjxy.

Isaías 24:23

Ko ënety ja Wintsën mëti'ipë maaytyääyëpën winë yë'ë yajkutuky jam Sión; pi'itsaanp yë xëëw ets po'o ets ja wintsëntëjkëty mëti'ipë jam kukajpnajtëpën y'ixantëp ja Wintsën ja myëj'ajt y'oyajtën.

Isaías 34:8

Jëtu'un nëjkx ja Wintsën ja tsyip y'äkë tyajnaxy, jää jëmëjt nëjkx tyaj'ity ja tëytyu'unën, mëët ko ënety ja Sión kajpn o'ktëy të jyäty të kyëpety.

Jeremias 4:23

Ojts n'ixyës ja naaxwiinyëtë ko kajtëm nitii ijxën oypyë tmëëtëty; ojts n'ijxyës ja tsajp, je'eyë kootspuknë kyëxë'ëky.

Joel 2:1

Yajxu'uxtë yë pujxnxuxn jam ma Sión kopkën; yaktë ja mëto'owën jam ma Wintsën yë kyopkën. Wä'än tyajxijtyu'kxtë ja mëti'ipë jam Judá tsënaaytyëpën, jä'ä ko tim wiinkoonp ja Wintsën ja xyëëw,

Joel 2:31

Pi'itsäämpy yë xëëw ets po'o, ne'pnyën jyajta'aja'any; ka'anëm ënety yë Wintsën yë xyëëw tpaaty mëti'ipë mëj'äämpy ets kutsë'ëkë itaanpën.

Joel 3:14

Tam ja'ay jyätyë ma ja joyjotmën ma jam yajnijawëja'anyën wi'ix tu'uktu'uk ja nipaye'eyën y'ita'any. Tëë wyinkony ja Dios ja xyëëw.

Amós 8:9

Ets Wintsën të y'ënä'äny: Jä'ä xëëw kujkyxyëëwës nëjkx nyajkootsë ets je'eyë ënety yajxon xëëw të jyajtä'äky koos nyaj'awinpita'any yë naaxwiinyëtë koots.

Malaquías 4:5

Ëk'ixtë: Ëjts yë'ëjës yam nkäxäämpy yë Elías yajkutujkpë, ma ka'anëm tpaatyën ja xëëw po'o ma ëyo'on jotmay y'ita'anyën.

Mateo 24:29

Ko ënety të nyäxy ja ëyo'on jotmay, jää nëjkx ja xëëw wyinkootsë ets ka'ap ja po'o y'ana'any. Ka'ata'ajaanp ja matsa'a tsajpwinm ets ja ënä'ämpëtëjk yajkutujkpëtëjk nëjkxëp yu'kxpëjkta'atë.

Mateo 27:45

Ojts kyootsë ja naaxwiinyëtë, kujkxyëëw ënety, ets jëtu'un y'ijty jënäkyxyëëwpaat.

Marcos 13:24

Ko ënety ja ëyo'on jotmay të nyäxy, ënät ja xëëw wyinkootsëja'any ets ka'ap ja po'o y'ana'any,

Lucas 21:25

Yaj'ixaanp jam winë ma xëëwën, ma po'ojën ets ma ja matsa'ajën; ets naaxwiiny jëtu'unyë nëjkx ja naax kajpn myoonkëta'ak tyujkëta'aktë, ko y'ënaanta'akëty ja mejy ets nëë o'pky nëkooyë pyëtë'knëty, nëjkxëp tsyë'ëkëtë.

Hechos 2:19

Nyaj'ixanëpës jam tsajpwinm mëti'ipë ja ja'ay mëk jyawëtëpën, ets ja ne'pny ets ja jëënjok nyaj'ixa'anyës yaa naaxwiiny.

Hechos 2:21

Ets ni'ëmukë ja ja'ayëty mëti'ipë ja Wintsën ja xyëëw kyajpxpatëpën, jä'ä nëjkx nyitso'oktë. Tääts ja Pedro jyaak'ënany:

1 Corintios 5:5

Tääts ya'atë ja'ay yajkë'ëyakëty ma ja mëjku'ujën ets ka'ap t'ëktuunëty ja kyë'ëm winma'any ets kyutëkoyëty ja nyi'kx kyopk pokymyëëtpë ets ja jya'awën nyitso'okëty ko ja Wintsën myinëty.

1 Tesalonicenses 5:2

Wa'ats miits xynyijawëtë ko ja Wintsën myina'any oyjyëna'ajëty ma ënety ka'ap pën tjëjp'ixyën, ijxtëm tu'uk ja mä'tspë koots jyä'tyën.

2 Pedro 3:10

Ko ënety ja Wintsën myiny, jëtu'un nëjkx myiny ijxtëm ja mä'tspën tsuu koots tyëjktëkën. Ënet ja tsajp nëjkx mya'ta'ay, pëmiimpën nëjkx yajmëtoy, näjyëtu'un nëjkx tyooytyëkooytyä'äy mëët yë jëën ets ja naaxwiinyëtë mëët tu'kë'ëyë winë nëjkxëp ja Dios tpaye'eytyä'äy.

2 Pedro 3:7

E ja naax ets ja tsajp mëti'ipë tyam n'ijxëmën, tëë ja Dios tuknipëjktaakë ko tyajkutëkoyä'äny mëët ja jëën, ets ko tyajkutëkoyä'äny ja ëxëëkja'aytyëjk ko ënety ja tëytyu'unën ets ja paye'eyën tyunyë jyätyë.

Apocalipsis 16:8

Ets ja mëmajktaxkpë ja tsajpjotmëtë kukäjpxy tyajtukwatsy ja tyexy xëëwkëjxm ets ja xëëw ja mëk'ajtën yajmooy ets tyajxëëw'an o'kta'ajëty ja ja'ay.

Apocalipsis 6:12

Ko ja Kupixyny U'unk tyaj'ëwatsy ja mëtëtujkpë ja tsa'ayën, ënätës n'ijxy ko mëk ja ujx nyäjxy. Ojts ja xëëw yëk jyajta'ay, ijxtëm yëk witën mëti'ipë ja'ay pyëjktaktëpën ko pën y'ooky; ja po'o tsapts y'awinpijty ijxtëm ja ne'pynyën,