Hechos 19:38 - Biblia Dc en Mixe de Quetzaltepec

³⁸ Yë Demetrio mëët ja tyuunpëtëjk, pën jap pën tni'ëënëja'antë, paaty yë kutuunk jyääjëty. Jam tnikajpxtëty pën nyi''ëënëjantëp ets jam yajpaye'eyëty nitu'ukjaty ja jyotmayëty.

Biblia Mixe de Quetzaltepec

³⁸ Yë Demetrio mëët ja tyuunpëtëjk, pën jap pën tni'ëënëja'antë, paaty yë kutuunk jyääjëty. Jam tnikajpxtëty pën nyi''ëënëjantëp ets jam yajpaye'eyëty nitu'ukjaty ja jyotmayëty.

Hechos 19:38 ပူးပေါင်းရင်းမြစ်များ

Hechos 13:7

Ya'atë xëëwmääpyë yë'ë ijty myëtuumpy ja yajkutujkpë Sergio Pablo. Wijy kejy ja yajkutujkpë ijty. Ënet ojts nikäxë ja Bernabé ets ja Saulo, Dios ja y'aaw y'ayuk y'amëtoow'itanëp.

1 Corintios 6:1

Ko miits jënaakën tiitsip xymyëët'atëty mëët ja mmëku'ukëty, ¿tii ko mnëjkxtëty jam ë'ënpë ma ja yajkutujkpën ka'apë myëpëktën, jëtu'un ijxtëm jeexyë jam m'ëëntën ma ja mëti'ipë mëpëjktëpën?

Hechos 18:14

Tam ënety ja Pablo tyimkajpxa'any ko ja yajkutujkpë Galión t'ënëmaay ja jutiis ja'ayëty: Jutiistëjkëty, ko jeexyë ya'atë ja'ay tii ëxëëk të tuny ëkë mëjpoky të tuuntëkoy, tyamës jeexyë nmëtoow'ity mëti'ipë mnikajpxtëpën,

Deuteronomio 17:8

Pën tsip oy ja nëë poky mëti'ipë yajnipaye'eyaanpën, ijxtëm ko pën ja myëku'uk tyaj'ooky, ëkë mëët të tsyiptuny, ko ënety pën të nyäyajtsëtyutyë, ëkë pën wi'ix të nyätyunyë jam kajpntum; jam mnëjkxtëty poj'am ma ja Wintsën ja y'it nyaaxwiinyëtën mëti'ipë të twin'ixyën,

Hechos 13:8

Tääts ja patooy panajxpë, Elimas, jëtu'un griego ayuk yajtijy, ojts t'akajpxë ja yajkutujkpë ets ka'ap tmëpëkëty mëti'ipë ja Bernabé ets ja Saulo nyimëtyaktëpën.

Hechos 13:12

E ko jëtu'un t'ijxy ja yajkutujkpë, tää ojts ënätyë tmëpëky ja Wintsën. Janty mëjmëtoy tja'awëy ja Wintsën ja y'ijxpëjkën.

Hechos 19:24

Jam ijty tu'uk ja ye'etyëjk mëti'ipë xyëëwajtypyën Demetrio, yë'ë poop pujxn tyuunk'ajtyp. Ya'atë ja'ay yë'ë ijty y'oytyuunpy yë tsajptëjk u'unk, jëtu'unpë kyëxë'ëkyën i'kën, yë'ë nyitsajptëjk ja Artemisa mëti'ipë tyijtëpën tios, may ijty tukmeenypyaatë ja mëti'ipë tyuunk'ajtëpën.

Hechos 19:39

Pën miitsëty jam tii xy'amëtowa'antë, jyëkyejpy jam xykyajpxtëty ma ja ye'eymyuk y'ityën.