Hechos 19:22 - Biblia Dc en Mixe de Quetzaltepec

²² Ënet tkejxy jam Macedonia nimäjtsk ja pyutëjkëpë, Timoteo ets Erasto, e yë'ë, ojts jyaak wë'ëmy jam Asia.

Biblia Mixe de Quetzaltepec

²² Ënät tkejxy jam Macedonia nimäjtsk ja pyutëjkëpë, Timoteo ets Erasto, e yë'ë, ojts jyaak wë'ëmy jam Asia.

Hechos 19:22 ပူးပေါင်းရင်းမြစ်များ

2 Timoteo 4:20

Jam ja Erasto të wyi'im Corinto, e ja Trófimo yë'ëjës të nyajwë'ëmy jam Mileto, jä'ä ko të pya'ampety.

Romanos 16:23

Mkajpxpo'kxëtëp ja Gayo, jam maas nja'ajtä'äkyën, ma ja mëpëjkpëtëjk ye'eymyuktën. Mkajpxpo'kxëtëp näjyëtu'un ja Erasto, mëti'ipë ja kajpn meeny pyëjkë'kpyën ets ja nmëku'uk'ajtëm Cuarto.

Hechos 19:29

Ënet ja mayjyä'äy jyoot'anpëjktë ets tmajtstë ja Gayo ets ja Aristarco, nimäjtsk Macedonia ja'ayëty mëti'ipë ënety mëët ja Pablo jyëtitën ets tpawijts tpapo'të, jëtu'un tyajja'ajtë jam ma tsajptëjkën.

Hechos 19:10

jëtu'un ojts jam tyuny mäjtsk jëmëjt, paaty ja ja'ay ojts tnija'awëtya'atë ja Wintsën ja y'aaw y'ayuk jam Asia, mëti'ipë jutiis ja'ayën ets mëti'ipë ka'ap jyutiisëty.

Hechos 18:5

Ko ja Silas ets ja Timoteo jam jyajtë, Macedonia tsyoontë, ënät ja Pablo tu'ukyë tpatëjkëy ja Dios ja y'aaw y'ayuk tkajpxwa'kxë, ets tuk'ëwa'anëy ja jutiis ja'ayëty ko Jesús yë'ë jëtu'un Kristë.

Hechos 16:3

Tääts ja Pablo wyinmaay ets ja Timoteo pyajämyëët'atëtëty, je'eyëp ko jëyëjp ojts tnatsujk'ëwtijtë ja ye'etyëjkajtën ets ka'ap ja jutiis ja'ay y'ijxma'atëtëty, jä'ä ko wa'ats ja jutiis ja'ayëty ënety tnijawëtë ko ja Timoteo ja tyeety griegë ja'ay.

Hechos 16:1

Tääts ja Pablo ets ja Silas jyajtë jam Derbe ets Listra. Jamts tpatë tu'uk ja mëpëjkpë, Timoteo xyëëwajtyp. Jutiis ja'ay tyaak'ajtyp, mëpëjkp näjyëtu'un; je'eyëp ko tyeety, griego ja'ay.

Hechos 13:5

Ko jyajtë mejypyë'am ma txëëwatyën Salamina, ënät tkajpxwa'kxtso'ontë ja Dios ja y'aaw y'ayuk ma ja jutiis ja'ayëty ja tsyajptëjkëtyën. Tam ënety mëëtëty ja Juan, jä'ä ojts pyutëkëtë.

1 Tesalonicenses 1:8

Tëë tsyo'ontä'äky ja Wintsën ja y'aaw y'ayuk ma miitsëtyën ets të myëjtëkë, ka'ap jyämyëty je'eyë Macedonia ets Acaya, näjyëtu'un oymyaajëty ets yajnijawë wi'ix xymyëpëktën ja Dios. ¿Wi'ixës njaaktimy'ëna'anëty?

2 Corintios 8:1

Mëku'uktëjkëty, yë'ë yam miits tyam ntuk'ëwaanëjantëp wi'ix ja Dios ja y'oyajtën të tyaj'ixyë ma ja mëpëjkpëtëjkëtyën jam Macedonia.

2 Corintios 1:16

Jëtu'unës ojts n'ëk'ënaanpë ko ënety miits jam ninaxa'antë koos nnëjkxëty Macedonia ets jatëkok koos nwinpitëty. Jëtu'un xypyutëkëtëtyës koos ënety nnëjkxy jam Judea.

Hechos 20:1

Ko y'ëmoontaaytyë, tääts ja Pablo ja mëpëjkpëtëjk tmëkajpxmujky ets ojts tjotmëkwinkajpxë. Ok nyäjyëkäjpxyë ets ojts nyijkxy jam Macedonia.

2 Corintios 11:9

E koos jam n'ojtsy ma miitsëtyën, ojtsës nyajmëyäty mëti'ipës ënety xykya'ijtëpën, je'eyëp ko kä'äp ojts miits n'amëtowtë, ka'ap ojts pën n'atsipyës. Ko ja nmëku'uk'ajtëm jyajtë mëti'ipë ënety tso'ontëpën Macedonia, yë'ë ojts xymyo'otë mëti'ipë ënety ëjts nyajmëyäjtypyën, kä'äp miits n'amëtoowtë tii ets kä'äpyëm tii n'amëtowa'antë.

2 Corintios 2:13

Oy jyajëtu'unëty, ka'apës ja n'aaw njot xyoontä'äky. Jä'ä ko ka'ap ojts jam npaatyës ja mmëku'uk'ajtëmë Tito, paaty ojts näjyëkyäjpxyës jam ets ojts nnëjkxyës Macedonia.

Hechos 19:21

Ko jëtu'un ya'atë jyäjty kyëpejty, ënät ja Pablo ojts myäy tyäjy ko nyëjkxa'any jam Macedonia y'itjotm ets näjyëtu'un jam Acaya y'itjotm ets jya'ta'any jam Jerusalén. Näyjyëtu'un ënety myäy tyäjy ko y'ëknëjkxëty Jerusalén tääts ok nyëjkxa'any jam Roma.

Hechos 20:34

wa'ats miits xynyijawëtë ko kë'ëmës të nitunë ets të npaatyës tiijës xykyaka'atp ets näjyëtu'unës ja nmëku'uktëjk të nputëkë mëti'ipës të xypyajämyëët'atën.

2 Corintios 8:19

Näy kë'ëm ja mëpëjkpëtëjk të wyin'ixyë etsës mëët nnaxëty ntëkëty etsës xytyukputëkëty ma ja näypyutëkë myaj'amëtowtën ets ja Wintsën yajmëjjaw yajjaantyjyawëty ets jëtu'un nyajnikëxë'kmëty ko mputëkëja'anëm ja nmëku'uk'ajtëmë.