Hechos 19:2 - Biblia Dc en Mixe de Quetzaltepec

² Ets tyajtëëy ja mëpëjkpëtëjk: ¿Ojts miits ja Kënu'kxymyëkajtën xy'ëxajëtë ko ja Jesús xymyëpëjktë? Ets y'ëtsoowtë: Oy jeexyë ëëts je'eyë tmëtoowtë ko jyääjëty ja Dios yë Kyënu'kxymyëk'ajtën.

Biblia Mixe de Quetzaltepec

² Ets tyajtëëy ja mëpëjkpëtëjk: ¿Ojts miits ja Kënu'kxymyëkajtën xy'ëxajëtë ko ja Jesús xymyëpëjktë? Ets y'ëtsoowtë: Oy jeexyë ëëts je'eyë tmëtoowtë ko jyääjëty ja Tios yë Kyënu'kxymyëk'ajtën.

Hechos 19:2 ပူးပေါင်းရင်းမြစ်များ

Juan 7:39

Ko ja Jesús jëtu'un y'ënäny yë'ë Kënu'kxymyëkajtën tyij mëti'ipë y'ëxajëtëpën ja mëpëjkpë, jä'ä ko ka'anëm ënety ja Jesús tsyajp petynyëm, paaty ja Kënu'kxymyëjajtën ënety ka'ap myinyëm.

Hechos 10:44

Tam ënety ja Pedro kyäjpxynyëm ko ja Kënu'kxymyëkajtën tyukëtakëtë ni'ëmukë ja ja'ayëty mëti'ipë jam myëtoow'ijtëpën ja Pedro ja y'aaw y'ayuk.

Hechos 19:5

Ko tmëtoowtë ko ja Pablo jëtu'un nimëtyä'äky, ënät ojts nyëëpätë Wintsën Jesús xyëëwkyëjxm.

Hechos 2:17

Ko ënety ja naaxwiinyëtë kyëxanë, jääjës ja ja'ay ni'ëmukë nmo'oja'any ja njot nja'awën. Miits ja mnëëxëty, mmaankëty kyajpxtëp myëtya'aktëp ja n'aaw n'ayukës. Ja myä'äy'ëna'këty y'ixtëp ja mëti'ipës ënety ntuk'ixantëpën, ets ja mëjja'aytyëjkëty nëjkxëp mya'atë pyo'ktë oy tsuj.

Romanos 1:11

Jä'ä ko ntsojkpyës ets npaata'an n'ixa'antë ets nputëkëtëty mëët ja Kënu'kxymyëkajtën ets amëk jotmëk myajpaatëty.

1 Corintios 6:19

¿Ka'ap miits xynyijawëtë ko ja Dios mni'kx mkopk myajwa'anxëtë tä ja mëjtsajptëjkën ets ko mtsënaaytyakn'atëtë ja Kënu'kxymyëkajtën mëti'ipë ja Dios të mmo'ojëtënë?

Gálatas 3:5

Ko ja Dios mmo'ojëtë ja Jyot jya'awën ets tyaj'ixyë ja myëj'ajtën ma miitsëtyën, ¿tii ko jëtu'un tuny? ka'ap yë'ëkyëjxmëty ko xypyatuntë ja Moisés ja y'ënä'ämën, yë'ëkyëjxm ko xymyëpëktë ja Dios ja y'aaw y'ayuk mëti'ipë tëë xymyëtoow'itën, ¿këtiijë?

1 Samuel 3:7

Yë Samuel ka'anëm ënety nijëna'a yë Wintsën t'ixynyën, jä'ä ko ka'ap ënety jëtu'un nyänyikëxë'ëkyënëm.