Hechos 19:19 - Biblia Dc en Mixe de Quetzaltepec

¹⁹ Näyjyëtu'un mëti'ipë ijty patooy panajxtëpën, ojts ja nyoky tyajmintë ets tnino'ktë ma ja mayjyä'äyën. Ko ojts yajmaaypyëtsimy jënu'un ja noky tsyoowpaatyën, jä'ä wyimpëtsëëmy wëxtyikxy majk mil aakyë'ë poop pujxn.

Biblia Mixe de Quetzaltepec

¹⁹ Näyjyëtu'un mëti'ipë ijty patooy panajxtëpën, ojts ja nyoky tyajmintë ets tnino'ktë ma ja mayjyä'äyën. Ko ojts yajmaaypyëtsimy jënu'un ja noky tsyoowpaatyën, jä'ä wyimpëtsëëmy wëxtyikxy majk mil aakyë'ë poop pujxn.

Hechos 19:19 ပူးပေါင်းရင်းမြစ်များ

Hechos 13:8

Tääts ja patooy panajxpë, Elimas, jëtu'un griego ayuk yajtijy, ojts t'akajpxë ja yajkutujkpë ets ka'ap tmëpëkëty mëti'ipë ja Bernabé ets ja Saulo nyimëtyaktëpën.

Éxodo 32:20

Ënet ojts jam amëjaaw tnëtexy ja awinax jëtu'umpë kyëxë'ëkyën tä tsajpkaajën ets piw nuuk tuuntaay mëët yë jëën, e ja waypyë ënety të jyajta'ayën jap ojts nëëjoty tkuwëjëtyä'äy; tääts ja Israel ja'ayëty t'ënëmaay ets ya'atë ja nëë t'uuktëty.

Génesis 35:4

Tä tukkë'ëtëjkëtyääytyë ja Jacob, tu'kë'ëyë mëti'ipë ënety ka'ap tiosëtyën ets tyajjënajktaaytyë ja tyatsktëyëty, jam ojts ja Jacob tnitajta'ay ma tu'uk yë xoj'ëjxën, jam winkon Siquem.

Hechos 13:6

Tääts ja Chipre itjot tuknajxtë ets jyajtë jam ma Pafos kajpnën. Jamts tpatë tu'uk ja jutiis mëti'ipë xëëwmääpyën, jä'ä xyëëwajtyp Barjesús, Dios kyäjpxynyajxpë nyätyijyë.

Daniel 2:2

Ënet twinwoowmujky kanaak ja këpetyjyä'äytyëjk, najtsja'apëtëjk, kajpxpojkpëtëjk ets ja ijxpëkyjyä'äytyëjk ets tyajniwijtëty ja kuma'ay. Ojts myiinta'atë ja ja'ayëty jam ma ja yajkutujkpën mëti'ipë ojts yajmëkajpxtën,

Isaías 30:22

Nëjkxëp xy'ëxëëk'ijxnë ja m'awinax, ja mtsaapotsy ets mkepy tsyetsy mëti'ipë ja ja'ay y'oytyuuntëpën mëët yë poop pujxn ets pu'ts pujxn. Ëxëëk nëjkx xy'ijxnë ets pu'uxmën putsta'akën nëjkx xyajnajxnë.

Hebreos 10:34

Ojts xypya'ëyowtë ja tsumyjä'äy ets jotkujk ojts xymyo'otë mëti'ipë ënety mjä'ä'ajtëpën ko myaj'amëtoowtë, jä'ä ko xynyijawëtë ko wäänë oypyë mmëët'ajtëp jam tsajpjotm mëti'ipë xëmëkyëjxm ijtpën.

Lucas 14:33

Näyjyëtu'un miitsëty pën ka'ap xy'ëxmatstë tu'kë'ëyë winë, ka'ap tjëkyëpy n'ijxpëjkpë'atëty.

Isaías 8:19

Nëjkxëp ja'ay m'ënë'ëmxëtë: Yajtëwtë o'kpë ets najtsja'apëtëjk mëti'ipë amë'pxy kajpxtëpën ets ka'ap yajmëtoy wi'ixën y'ëna'antë. ¿Ëkë pën ënaanp ko ka'ap tjëkyepy tu'uk yë naax kajpn tyajnitëwëty yë tyios ëkë o'kpë anëmë wi'ix myintën ja xyëëw jyuukyajtën ja ja'ayëty mëti'ipë juuky'ajtëpën?

2 Crónicas 33:6

Tä tyaj'o'ky ja y'u'unk y'ëna'k ets nino'ky nixämy mëti'ipë tyukwintsë'këyën ja Ben-hinom; ojts tyajmëjnajxnë ja näpyatoy näpyanaxë, ja najtsja'awën, ja toonkajpk ets ja kaxpojkën. Tim tëkatsy ojts winë tuunë, aakjä'ä mëti'ipë ja Wintsën y'ëxëëk'ijxypyën.

1 Crónicas 10:13

Jëtu'un ojts ja Saúl y'ooky tyëkoy, mëët ko ënety ka'ap oy winë të tuny, jä'ä ko myëtëjkëy ja poky, mëët ko tkamëmëtooy ja Wintsën ja y'ënä'ämën tyiyajtën ets mëët ko ojts ja najtsja'apë winë tyajtëëwnë

Éxodo 7:22

E ja xëëwmääpyëtëjkëty ets ja wijyjyä'äytyëjkëty ojts näjyëtu'un tyaj'awinpitë ja nëë ne'pny, jëtu'un ojts tuntë tä ënety yë'ëjëty tuunk'atën, yë mëj'ënä'ämpë je'eyëm ka'ap tja'akyukë ja aaw ayuk tä ja Moisés ets ja Aarón jya'ëna'antën, jëtu'un ojts y'ëti'itsy tä ënety ja Dios të t'akäjpxyën.

Éxodo 7:11

E yë mëj'ënä'ämpë ojts tnikäxë ja wyijyjyä'äytyëjk ets ja xyëëwmääpyëtëjk, yë'ëjëty jëtu'un tä ënety winë tuntën, näjyëtu'un ojts y'ëtëtstëpë.

Lucas 15:8

N'ëkpëjktakmëty tu'uk ja to'oxytyëjk mëti'ipë myëët'ajtypyën majk ja meenywyä'kxy ets tu'uk pyutëkoyëty, ¿ka'ap jëtää ja jyëën tyajmëjëty ets tyëkëty päätë'kpë tyëkoty koonëm tpaatëtyë?

Hechos 19:18

Tääts näjyëtu'un mëti'ipë ja Jesús myëpëjktëpën, ojts ja pyoky tmaaywyatstë mayjyä'äy wyintum ko ënety ëxëëk të jyuuky'atë.