Hechos 19:18 - Biblia Dc en Mixe de Quetzaltepec

¹⁸ Tääts näjyëtu'un mëti'ipë ja Jesús myëpëjktëpën, ojts ja pyoky tmaaywyatstë mayjyä'äy wyintum ko ënety ëxëëk të jyuuky'atë.

Biblia Mixe de Quetzaltepec

¹⁸ Tääts näjyëtu'un mëti'ipë ja Jesús myëpëjktëpën, ojts ja pyoky tmaaywyatstë mayjyä'äy wyintum ko ënäty ëxëëk të jyuuky'atë.

Hechos 19:18 ပူးပေါင်းရင်းမြစ်များ

Romanos 10:10

jä'ä ko aawjoty jootjoty tsyoony ets nmëpëjkmëty ko npata'anëm ja mëtëypyë ja nipaye'eyën, ets mëët ja aaw ayuk yajnikäjpxy ko Jesukristë yë'ë mëët yajpaata'any ja nitsokën.

Mateo 3:6

Tmaaywyatstë ja pyoky ets ja Juan yajnëëpätëtë Jordán nëëjotm.

Salmos 32:5

Ënet të nmëmaaywyätsy ets ka'apës nitu'uk ja mpoky të nkuyu'utsy; tëës ja npoky nmaaywyajtsta'ay e mijts, Wintsën, tëës xypyokymye'kxy.

1 Juan 1:9

Pën nmaaywyajtsëm ja npoky'ajtëmë, jyëkyejpy ntuk'ijxpäjtmëty ja Dios, wa'atspë, ko myä'kxäämpy ja npoky'ajtëmë ets tu'kë'ëyë mëti'ipë të ntuuntëko'oyëmën.

Ezequiel 36:31

Ets ko xyjyä'ämyätstëty wi'ix ëxëëk të mjuuky'atën ets wi'ix winë ëxëëk të xytyuntën, kë'ëm nëjkx xytyëtyu'unjawëtë ja mnëëjëty mpokyëty ets ja ëxëëkpë ja mjuukyajtënëty.

Ezequiel 16:63

Ko xyjyä'äymyätsëty mëk nëjkx mtsëtyuny ets ëxëëkëm nëjkx mnäjyawëty, ka'ap xy'ëknimëtya'akanëty ja mtuuntëko'oy mkajpxtëko'oyën ko ënety të nmä'äkxta'ayës ja mpoky. Ëjts Wintsën, ëjts ënaanp.

Jeremias 3:13

Yi'iyë mkupëkëp ko tëë mpokytyuny, ko yë mWintsën Dios të xykyäjpxy kyumëtoownaxy, ko ja mjot mnini'kx të xymyo'oy wiink ye'etyëjk jam kepypya'tkë'ëm ets ka'ap të xypyatuny ja n'ënä'äm ntëyajtënës. Ëjts Wintsën, ëjts ënaanp.

Proverbios 28:13

Mëti'ipë ja'ay kyuyu'tsypyën yë pyoky, ka'ap oy jyuuky'ata'any; e mëti'ipë nyikäjpxypën ko tyuuntëkoy nëjkxëp yajpokymye'kxy.

Hechos 19:17

Ni'ëmukë ja jutiis ja'ayëty ets ka'apë jyutiisëty, mëti'ipë jam tsënaaytyëpën Éfeso, tnija'awëtyääytyë ets ja tsyë'këtyë. Jëtu'un ja Wintsën Jesús ja xyëëw ni'ikyë myëjtëjkëy.

Hechos 19:19

Näyjyëtu'un mëti'ipë ijty patooy panajxtëpën, ojts ja nyoky tyajmintë ets tnino'ktë ma ja mayjyä'äyën. Ko ojts yajmaaypyëtsimy jënu'un ja noky tsyoowpaatyën, jä'ä wyimpëtsëëmy wëxtyikxy majk mil aakyë'ë poop pujxn.

Santiago 5:16

Paaty, maaywyatstë ja mpokyëty nixim niyam ets nätyuknija'amyätsëtë ja Dios winpity atëjy ets mtso'oktëty. Tuunp ni'ik ko ja oyjyä'äy Dios tja'amyetsy.