Hechos 19:13 - Biblia Dc en Mixe de Quetzaltepec

¹³ Jam ënety jënaakën ja jutiis ja'ayëty jyëtitë kajpnjotm ets ja ku'oypyë tyajpëtsëmtë ma ja ja'ayëtyën. Näy jä'ä ja Jesús ja myëk'ajtën yajtuunëtëp, ets nëëmëtë ja ku'oypyë: Ëjts ënaanp Jesús xyëëwkyëjxm, mëti'ipë ja Pablo kyajpxwä'kxypyën, ëxmats yë ja'ay.

Biblia Mixe de Quetzaltepec

¹³ Jam ënäty jënaakën ja jutiis ja'ayëty jyëtitë kajpnjotm ets ja ku'oypyë tyajpëtsëmtë ma ja ja'ayëtyën. Näy jä'ä ja Jesús ja myëk'ajtën yajtuunëtëp, ets nëëmëtë ja ku'oypyë: Ëjts ënaanp Jesús xyëëwkyëjxm, mëti'ipë ja Pablo kyajpxwä'kxypyën, ëxmats yë ja'ay.

Hechos 19:13 ပူးပေါင်းရင်းမြစ်များ

Mateo 12:27

Miitsëty, jëtu'un m'ëna'antë koos paatyës yë ku'oypyë n'ixkexy jä'ä ko yë'ëjës yë ku'oypyë wintsën xymyoopy yë mëk'ajtën; e pën jëtu'un, ¿pën miits ja mja'ay mooyëtëp ja myëk'ajtën ko ja ku'oypyë t'ixkäxtë? Paatykyëjxm, yë'ë kë'ëm yajwinkëxë'ktëp ko miitsëty ma'at ja mwinma'anyëty.

Marcos 9:38

Ënet ja Juan t'ënëmaay ja Jesús: Wintsën, tëëjës n'ixtë tu'uk ja ja'ay mëti'ipë mijts ja mmëkajtën yajtuumpyën ets ja ku'oypyë t'ixkexy. Tëës n'akajpxtuktë jä'ä ko ka'ap ëëtsajtëm xypyajëtijtëm.

Lucas 11:19

Pën janty tëy ¿pën yë mja'ay yë kuttujkën mooyëtëp ets ku'oypyë t'ixkäxtëty? Yë'ëjëty nyija'awëtyëp ko yë'ë Dios mooyëtëp yë kuttujkën, paaty yë'ëjëty nëjkxëp mpoky'ixëtë.

Lucas 9:49

Tääts ja Juan t'ënëmaay ja Jesús: Wintsën, tëëjës n'ixy tu'uk ja ja'ay mëti'ipë mijts ja mmëkajtën yajtuumpyën ets ja ku'oypyë t'ixkexy. Yë'ë ko ka'ap ëëtsajtëm xypyajëtijtëmë, tëëjës nja''akajpxtuka'antë.

Marcos 5:7

Tääts ayaxp ajojkp t'ënëmaay: ¿Tii mtsojkpy mëët ëjts? Dios ni'ik këjxmëpë y'u'unk. Nmënu'kxtäkpy mijts, tun ja mëyajtën Tioskëjxm, këtiis xyajjotkëxy.

Mateo 26:63

E ja Jesús amonyë y'ijty. Tääts ja teety wintsën y'ënëmaayë: Ja juuky Dios yam ntukajpxpejtypyës ets tëy tëtä'äky xynyikajpxëty. Tuk'ëwa'anëtyëk ëëts pën mijtsëtën mKristë, ja Dios ja y'U'unk.

1 Reyes 22:16

Ënet ja yajkutujkpë y'ënëmaayë: ¿Naak'okën mijts xytsyoky n'ënëëmëty ko yë'ëjës ntsojkpy etsës mijts xytyuk'ëwaanëty mëti'ipë mëtëyën ets yë'ë yë Wintsën mëët yë xyëëw xynyikajpxëty?

1 Samuel 14:24

E yë'ë tëy yë Israel ja'ayëty yajxon ënety të y'ënu'kxëtyääynyëtë, jä'ä ko ka'ap ënety ni pën të kyäy, jä'äkyëjxm ko ënety yë Saúl të y'ënä'äny: Poky yë ja'ay wyë'ëmëty mëti'ipë kääpyën ma ka'anëm yë xëëw kyëtä'äkynyëmën, maas ënety ka'ap të n'ijxnajxta'aynyën yë nmëtsipës.

Josue 6:26

Ënet yë Josué ojts yajxon timnyikäjpxy ya'atë aaw ayuk mëët yë Wintsën xyëëwkyëjxm ets y'ënäny: Poky nëjkx yë ja'ay wyi'imy mëti'ipë ok kyoj'o'oyëpën ya'atë Jericó kajpn. Ko tkojtsoonëty ja kajpn potsy'ëjx yë'ë nëjkx y'ooky ja kyä'äxkopk, e ko tpëjktaknëty ja nyi'akaj yë'ë nëjkx y'ooky ja kyutëëm.

Génesis 4:14

Tyamës mijts xy'ëxkexy yaa naaxwiiny. Kopkpëky ko ëjts ënät jëtu'unyë n'anëty npojëty ets nmëjëkäm'atëty. Ets po'kxën nijëna'ajës nka'ixëty. E koos muum pën xypyaatëty tääjës xyaj'ook xyajtëkoyëty.

Génesis 4:12

Oy jënu'un mjatun mjaye'eyëty, ka'ap nitii wyintëwëty ma mkam mtu'ujën. Jëtu'unyë m'anëty mpojëty naaxwiiny ets nijëna'a mkapo'kxëty.

Salmos 109:10

Wä'än yë y'u'unk y'ëna'k jëtu'unyë t'antë tpojtë ets t'amëtowtë yë wit meeny muum. Wä'än tyaj'ëxwoptë ma ja tyëjkëtyën mëti'ipë tëë xit ko'ow jyajtaaynyën.

Hechos 19:14

Niwëxtujk ijty ja jutiis ja'ay jëtu'un y'ëtë'ëtstë, yë'ë ja y'ëna'k ja Esceva, teety wintsën y'ity.

2 Corintios 11:4

Mmëtënaaytyëp miits ko pën mnija'tëtë ets mtuk'ëwa'anxëtë wiinkpë ja Jesús, ka'apë të ntuk'ëwaanëtë, ets xykyupëktë jotkujk ja wiinkpë winma'any, ka'apë jyä'äjëtyën mëti'ipë të xykyupëktën ets näjyëtu'un xy'ëxajëtë mëti'ipë tyijtëpën oy aaw oy ayuk, ka'apë jyä'äjëtyën mëti'ipë të xynyijawëtën.