Hechos 19:10 - Biblia Dc en Mixe de Quetzaltepec

¹⁰ jëtu'un ojts jam tyuny mäjtsk jëmëjt, paaty ja ja'ay ojts tnija'awëtya'atë ja Wintsën ja y'aaw y'ayuk jam Asia, mëti'ipë jutiis ja'ayën ets mëti'ipë ka'ap jyutiisëty.

Biblia Mixe de Quetzaltepec

¹⁰ jëtu'un ojts jam tyuny mäjtsk jëmëjt, paaty ja ja'ay ojts tnija'awëtya'atë ja Wintsën ja y'aaw y'ayuk jam Asia, mëti'ipë jutiis ja'ayën ets mëti'ipë ka'ap jyutiisëty.

Hechos 19:10 ပူးပေါင်းရင်းမြစ်များ

Hechos 20:31

Paaty yajxon mnäkyëwent'atëtëty. Ja'amyätstë ko miits tëkëëk jëmëjt ojts nyaj'ijxpëktë xëënaxy tsuunaxy ets ka'ap të ntukmëpo'kxtë ja ijxpëjkën, jëëpy yaxp miits të nkajpxwijtë nitu'ukjaty.

2 Timoteo 1:15

Tëë xynyijawë ko tëëjës xynyikäkta'atë ja Asia ja'ayëty, ja Figelo ets ja Hermógenes.

Colosenses 3:11

Ka'ap yë'ë kyopkpëkyëty pën griegë ja'ay ets jutiis ja'ay, pën tsuky ets pën katsukyën, wä'än tpën ja'ayëty tiija'ayëty, wä'än yë'ëjëty mëti'ipë ka'ap kyajpxwijyëtyën, ëkë mëtuunpë nitookpyë ëkë wä'än t'ëwaatsëtumpëty. Yë'ë kopkpëky ko ja'ay y'ity mëët ja Kristë mëti'ipë tu'kë'ëyë winë myëët'ajtääpyën.

Gálatas 3:28

Ka'ap ma y'ëktuunnë pën jutiis kajutiis, mëtuunpë ëkë kamëtuunpë, ye'etyëjk ëkë to'oxytyëjk, jä'ä ko tu'ukyë miitsëty ijxtëm ja ja'ay tu'ukpën, jä'äkyëjxm ko tu'ukyë mëët ja Kristë Jesús m'itë.

Romanos 10:18

E nyajtëëpyës yam: ¿Wä'än jëtää ka'ap ja ja'ay të tmëtowtë ja Dios ja y'aaw y'ayukë? Myëtoowtë jä'ä. Jä'ä ko jëtu'un kuja'ay myiny: Tëë yajmëtoy ja y'ayuk mapaat yë naaxwiinyëtën yajpaatyën ets të yajnijawë mapaat yë naaxwiinyëtë jyëjpkukëxën.

Romanos 10:12

Jesús ni'ëmukë ja'ay tnitënaaytyä'äy, wä'än tjutiis tkajutiisëty, ets tmooytyä'äy ja kënu'kxën mëti'ipë mëkajpxëpën.

Romanos 1:16

Ka'apës ntuktsëtyuny ja oy aaw oy ayuk, jä'ä ko ja Dios ja myëk'ajtën ets tpaatëty ja nyitsokën ni'ëmukë ja ja'ayëty mëti'ipë mëpëjktëpën, jëyëjp yë jutiis ja'ayëty ets näjyëtu'un ja ka'apë jyutiisëty.

Hechos 16:6

Tääts ja Pablo mëët ja myëku'uktëjk tsyo'ontë ets ojts nyëjkxtë Frigia ets Galacia, jä'ä ko ka'ap ja Kënu'kxymyëkajtën ojts tyajkutuky ets ja Dios ja y'aaw y'ayuk tkajpxwa'kxtëty jam Asia.

Apocalipsis 1:11

mëti'ipës xynyëmaayën: Kuja'a nokyjoty tiijaty m'ijxypyën ets tuknikäx ja mëpëjkpëtëjk mëti'ipë yajpatëpën ma ja niwëxtujkpë ja kajpnën jam Asia y'itjotm: jam Éfeso, Esmirna, Pérgamo, Tiatira, Sardis, Filadelfia ets Laodicea.

Apocalipsis 1:4

Yë Juan, nnijayë ja niwëxtujkpë ja kajpn ma yajpaatën ja mëpëjkpëtëjk mëti'ipë ye'eymyujktëpën jam Asia y'itjotm. Ëxajëtë ja kënu'kxën ets ja jotkujk'ajtën mëti'ipë yäjkpyën ja tëëyëmpë yajpaatyën ets mëti'ipë tää'ataanpën, näjyëtu'un ja wëxtujkpë ja Dios ja jya'awën myëk'ajtën mëti'ipë ijtëpën ma ja kyutujktaknën,

1 Pedro 1:1

Yë Pedro, Wintsën Jesukristë y'ayuk kajpxnajxpë, tyam mtuknikäxëtë kajpxpo'kxën mëti'ipë kujë kääkë yajpatëpën ma Ponto y'itjotm, Galacia, Capadocia ets Bitinia y'itjotmën,

Hechos 20:18

Ko jyajtë, tää ja Pablo t'ënëmaay: Miitsëty mnija'awëtëp wa'ats wi'ixës winë oy të ntunyën koos yaa më''ëka'any nmiiny, ma ja Asia kajpn tnitänën ja wiinkëtypë ja kajpn.

Hechos 19:22

Ënet tkejxy jam Macedonia nimäjtsk ja pyutëjkëpë, Timoteo ets Erasto, e yë'ë, ojts jyaak wë'ëmy jam Asia.

Hechos 19:8

Tëkëëk po'o ja Pablo jam y'ijty ets xëmë ijty nyijkxy ma ja tsajptëjkën jam Éfeso, tukmëmëtyä'äky ja ja'ay ja Dios ja y'aaw y'ayuk amëk jotmëk, ets ja ja'ay tjatukmëpëka'any wi'ix ja Dios ja kyutujkënën.

Hechos 18:11

Ënet ja Pablo ojts wyi'im jam Corinto tu'kjëmëjt ja kujkm ets ja ja'ay tuk'ijxpëjky ja Dios ja y'aaw y'ayuk.

Hechos 18:4

Winsábëdë ijty nyijkx tsajptëkotm, ets ja ja'ay mëët kyäjpxy myëtyä'äky, jëtu'un ja ja'ay tjayajmëpëka'any, wä'än tjutiisëty ets tkajutiisëty.

Hechos 2:9

Tääts yë ja'ay mëti'ipë tso'ontëpën Partia, Media, Elám, Mesopotamia, Judea, Capadocia, Ponto, Asia,

Hechos 6:9

E tam ënety ja ja'ayëty yajpaatë ma ja tsajptëjkën mëti'ipë yajtijpën Najtspëkë Ja'ay Tsyajptëjk, mëti'ipë tso'ontëpën Cirenë, Alejandría, Cilicia ets Asia. Jä'ä ojts ja Esteban mëët nyäy'ojëtë,

Hechos 13:12

E ko jëtu'un t'ijxy ja yajkutujkpë, tää ojts ënätyë tmëpëky ja Wintsën. Janty mëjmëtoy tja'awëy ja Wintsën ja y'ijxpëjkën.

Hechos 19:20

Jëtu'un ja Wintsën ojts ja y'aaw y'ayuk myëjtëkë ets myëjëy kyëjääjëy ja kyutujkën.