Hechos 18:4 - Biblia Dc en Mixe de Quetzaltepec

⁴ Winsábëdë ijty nyijkx tsajptëkotm, ets ja ja'ay mëët kyäjpxy myëtyä'äky, jëtu'un ja ja'ay tjayajmëpëka'any, wä'än tjutiisëty ets tkajutiisëty.

Biblia Mixe de Quetzaltepec

⁴ Winsábëdë ijty nyijkx tsajptëkotm, ets ja ja'ay mëët kyäjpxy myëtyä'äky, jëtu'un ja ja'ay tjayajmëpëka'any, wä'än tjutiisëty ets tkajutiisëty.

Hechos 18:4 ပူးပေါင်းရင်းမြစ်များ

2 Corintios 5:11

Paaty ko yajnijawë ko ja Dios mëpaat yajwinkutsë'ëkë, paatykyëjxm ja ja'ay jëtu'un jyayaj'ënëëmëtë. Ko ja Dios wa'ats ëëts xy'ixy'atë ets ntsojktëpës ets miits näjyëtu'un xy'ixy'attëtyës.

Hechos 28:23

Ënet tkäjpxy'ajtë jëna'a jatëkok ye'eymyuka'antë. Ko tpaty ja xëëw ets ja ja'ay nimay ye'eymyujktë ma ja Pablo ënety të jyajtä'äkyën. Ënet ja Pablo tyëjkëy mëtyakpë, jëtu'un kyutsu'ujëy, tuk'ëwaanë ja ja'ay wi'ix ja Dios ja kyutujkën. Jä'ä tyukmëmëtyak ja Moisés ja y'ënä'ämën ets wi'ix ja Dios ja kyäjpxynyajxpë y'ëna'antën, jëtu'un ojts tjatukmëpëka'any ko Jesús yë'ë jëtu'un Kristë.

Hechos 17:17

Paaty jam tsajptëkotm nikajpx nimëtyaktë mëët ja jutiis ja'ayëty ets ka'apë jyutiis'atën mëti'ipë ja Dios y'ëwtajtëpën ets xëmë winjëpom ijty tnimëtya'aktë ko ye'eymyuktë.

Hechos 26:28

Tääts ja yajkutujkpë Agripa y'ëtsooy: Jëtu'un mmay mtajy ¿ko poj'amës mijts xyajmëpëka'any ma Kristënë?

Hechos 19:26

Tëë xy'ixtë xynyijawëtë ko tää ja Pablo jyëtity ets y'ënä'äny ko ka'apëk tyiosëty mëti'ipë ja'ay y'oytyuunpyën. Tëë ja'ay may yajtukmëpëktë jëtu'unpë ja winma'any, ka'ap yääyëty Éfeso, näjyëtu'un jam Asia nyaaxjotm.

Hechos 19:8

Tëkëëk po'o ja Pablo jam y'ijty ets xëmë ijty nyijkxy ma ja tsajptëjkën jam Éfeso, tukmëmëtyä'äky ja ja'ay ja Dios ja y'aaw y'ayuk amëk jotmëk, ets ja ja'ay tjatukmëpëka'any wi'ix ja Dios ja kyutujkënën.

Hechos 18:13

ets t'ënëmaaytyë ja yajkutujkpë: Ya'atë ja'ay, nëkoo naax kajpn t'ëkyajma'tnë jä'ä ko y'ënä'äny ets ja ja'ay ja Dios twintsë'ëkëtëty jëtu'un ijxtëm ka'ap kyutukyëtyën ma ja ënä'ämënën.

Hechos 17:11

Ja Jutiis ja'ayëty mëti'ipë jamëtyën Berea, oy ja winma'any tyajkëxë'ktë këtiinëm jyëtu'un'atë ja ja'ayëty mëti'ipë jamën Tesalónica. Ojts t'ëxajëtë ja Pablo, ets tmëtoow'ijtë ja oy aaw oy ayuk. Jëpom jëpom ja Dios ja y'aaw y'ayuk ijty t'ixpëjkëtë ets nijawëja'antë pën janty tëy mëti'ipë yajtukmëmëtyaktëpën.

Hechos 13:14

Jam Perge tsyo'ontë ets jyajtë Antioquía, Pisidia y'itjotm. Po'kxënxëëw ënety ko tyëjkëtyë jap tsajptëkoty ets nyaaxwä'tstë.

Lucas 16:31

Tääts ja Abraham y'ëtsooy: ¿Pën ka'ap tkupëktë mëti'ipë ja Moisés jyääyën ets wi'ix y'ëna'antën ja Dios ja kyäjpxynyajxpëtëjk, nän ka'ap tmëpëka'antë oy tu'uk ja o'kpë jyatimjyuukpyëjkpë.

Lucas 4:16

Ja Jesús ojts nyijkx jam Nazaret, ma ënety të yeeky të pyetyën. Ko tpaty ja po'kxënxëëw, ënät ojts tyëkë jap tsajptëkoty, ijxtëm ijty tuunk'atyën, tääts wya'kujkëy ets ja Dios ja y'aaw y'ayuk ojts tkajpxë.

2 Crónicas 32:11

Pën Ezequías mnëmaayëtëp ko yë mWintsën Dios yë'ë mkuwa'ananëtëp, nëkoopë mwin'ëënëtë, yë'ë jä'ä tyuunpy ets miitsëty m'ëk o'ktaaynyëtëty mëët ja yuu nëëtëëtsë.

Génesis 9:27

Dios yajkutukëp yë Jafed ets myëjëty kyëjääjëty; ets jam näjyëtu'un jyuuky'atëty ma ja Sem ja tsyënaaytyaknën, ets yë'ë näjyëtu'un wya'anëp tuunpë yë Canaán.

Juan 7:35

Tääts ja jutiis ja'ayëty nyäyajtëëwëtë nixim niyam: ¿Ma nyëjkxa'any ya'atë ja'ay ets ka'ap n'ëkpatënëty? ¿Kajts tjëkyepy jam muum nyëjkxëty wiink kajpn ets jam muum ma jyëpyo'kxykyajpnën tyaj'ijxpëkëty yë jutiis ja'ay?

Hechos 9:20

Tääts ënätyë ja Saulo tkajpxtso'ontäky ja Dios ja y'aaw y'ayuk jam tsajptëkotm ets y'ënäny ko ja Jesús yë'ë ja Dios ja Y'u'unk.

Hechos 14:1

Ko ja Pablo ets ja Bernabé jyajtë jam Iconio, ënät tyëjkëtyë ma ja jutiis ja'ayëty ja tsyajptëjkëtyën ets nimëtyaktë ja Dios ja y'aaw y'ayuk, may ja ja'ay myëpëjktë, wä'än tjutiis tkajutiisëty.

Hechos 18:19

Ko jyajtë jam Éfeso, jam ja Pablo ojts tyajwë'ëmy ja Priscila ets ja Aquila ets ojts nyijkxy jam tsajptëkotm tääts tyëjkëy kajpxpë mëtyakpë mëët ja jutiis ja'ayëty.