Hechos 18:21 - Biblia Dc en Mixe de Quetzaltepec

²¹ Ko nyäjyëkajpxënë ets y'ënäny: Pën ënaanp Dios, minëpës jatëkok. Tääts ja Pablo tyëjkëy kepy nëëwinye'epyëjoty ets tsyo'ony jam Éfeso.

Biblia Mixe de Quetzaltepec

²¹ Ko nyäjyëkajpxënë ets y'ënäny: Pën ënaanp Tios, minëpës jatëkok. Tääts ja Pablo tyëjkëy kepy nëëwinye'epyëjoty ets tsyo'ony jam Éfeso.

Hechos 18:21 ပူးပေါင်းရင်းမြစ်များ

Mateo 26:39

Ënet ja Jesús ojts wäänë jyëkämke'eky ets nyäkyoxtënaaytyakë naaxkëjxy ets ja Dios nja'amyejtsy, jëtu'un y'ënäny: Dios Teety, pën mëpaat'ajtp etsës ka'ap n'ëyowëty, këtii xyajkutukëty ets ya'atë ta'amnëë n'uukëtyës; je'eyëp ko ka'ap jëtu'un tyunëtëty jyatëtëty winë tääjës ëjts ntsokyën, yë'ë tunëtëp jatëtëp mëti'ipë mits të xytyuknipëjktaakën.

Marcos 6:46

Ko nyäjyëkäjpxyë, tääts pya'tëjkëy kopkëjxm Dios mëkajpxpë.

Lucas 9:61

Jëtu'un ja wiinkpë y'ënëmaayë: Wintsën, mpatsonäämpy mijts, je'eyëp ko nëjkxës jëwyiin n'ëknäjyëjpkäjpxyë maas yë ntëjkën.

Hechos 15:29

ka'ap ja jëyujk xytsyu'utstëty mëti'ipë tsaamëxan të yajtukwintsë'ëkën, ka'ap ja ne'pyny xyjyë'kxtëty, ka'ap ja jëyujk xytsyu'utstëty mëti'ipë ka'anëm wyintaxynyëmën, ets ka'ap mëpaat xytyuunk'atë ja pëjkën ukën ka'apë myëtëyëtyën, ma ja wiink ye'etyëjk ëkë ja wiink to'oxytyëjk xymyëët'ajnëtën. Pën mpatuuntëp ya'atë, oypyë ënety mtuuntëp. Dios mkënu'kxëtëp.

Hechos 18:19

Ko jyajtë jam Éfeso, jam ja Pablo ojts tyajwë'ëmy ja Priscila ets ja Aquila ets ojts nyijkxy jam tsajptëkotm tääts tyëjkëy kajpxpë mëtyakpë mëët ja jutiis ja'ayëty.

Hechos 18:20

Ënet ojts ja Pablo tjamënu'kxta'aktë ets jeexyë jam wäänë jyaak wë'ëmy. E kä'äp ja Pablo tkupëjky.

Hechos 18:24

Näy jää tiempo tu'uk jyä'äjty ja jutiis ja'ay jam Éfeso, mëti'ipë xyëëwajtypyën Apolo, Alejandría kyukajpnëty. Oy ijty kyäjpxy myëtyä'äky ets nyija'ap ja Dios ja y'aaw y'ayuk.

Hechos 19:1

Naamtamnëm ënety ja Apolo y'itynyëm Corinto ko ja Pablo tuknajxy ja tunjot kopkjot ets jyä'äjty Éfeso ma tpatyën ja mëpëjkpëtëjk.

Hechos 19:17

Ni'ëmukë ja jutiis ja'ayëty ets ka'apë jyutiisëty, mëti'ipë jam tsënaaytyëpën Éfeso, tnija'awëtyääytyë ets ja tsyë'këtyë. Jëtu'un ja Wintsën Jesús ja xyëëw ni'ikyë myëjtëjkëy.

Hechos 19:21

Ko jëtu'un ya'atë jyäjty kyëpejty, ënät ja Pablo ojts myäy tyäjy ko nyëjkxa'any jam Macedonia y'itjotm ets näjyëtu'un jam Acaya y'itjotm ets jya'ta'any jam Jerusalén. Näyjyëtu'un ënety myäy tyäjy ko y'ëknëjkxëty Jerusalén tääts ok nyëjkxa'any jam Roma.

Hechos 20:16

Ka'ap ja Pablo ënety pyo'oxa'any Asia, paaty kä'äp ojts nyijkx Éfeso, jä'ä ko tsojk jya'ta'any jam Jerusalén ets ja pentecostés xëëw jam tyajnaxa'any.

Hechos 21:14

Koos n'ijxtë ko ja Pablo ka'ap wyinmaaytyëkatsa'any, täätsës ojts ka'ap n'ëk'akajpxtujknëtë etsës n'ënantë: Wä'än t'ixy wi'ix ja Wintsën të tyukmëtsokyë.

Hechos 21:29

Jëtu'un ja jutiis ja'ay y'ëna'antë ko tëë ënety ja Pablo jëwyiinyëp yaj'a'ijxnaxy kajpnjoty mëët ja Trofimo, griego ja'ay, Éfeso kyukajpnëty. Paaty jëtu'un y'ëna'antë ko ja Pablo, ja griego ja'ay mëët tyëkë ma ja mëjtsajptëjkën, ma ka'ap pyaat'atyë tyëkëtëty mëti'ipë ka'ap jyutiis'atën.

Romanos 1:10

Xëmës ja Dios n'amëtoy npëjktsoy ets yë'ë tyajkutukëty ets miits nëjkx nku'ixëtë.

Romanos 15:32

Pën ënaanp ja Dios etsës jotkujk nja'tëty ma miitstsëtyën ets nxoontakmëty, npo'kxmëty npëjkmëty ko miits ënety jam nku'ixëtë.

1 Corintios 15:32

Koos jeexyë ëjts nkë'ëmwinma'any të nyajtunyës, koos të ntsiptuny mëët ja ja'ayëty mëti'ipë jëtu'unëtyën tä ëwa'an jëyujkën, ¿tiis jeexyë të npaaty të n'ixyës? Pën tëy ko ja o'kpë ka'ap jyuukpyëktë, jëtu'un ijxtëm ja ja'ay y'ëna'antën: Tsojk nka'ayëm n'ukëmë, jä'ä ko jëpom n'ooka'anëmë.

1 Corintios 16:7

Ka'apës tëyë nnaxa'any, jeky jam nwë'ëma'anyës pën yajkutujkpy ja Wintsën.

1 Corintios 16:8

E yaa Éfeso nwë'ëma'anyës maapaat ja pentecostés xëëw tpaatyën,

1 Corintios 4:19

Pën y'a'ijxëp ja Wintsën, jyëkyejpy tsojk ninëjkxtëty. Tääts n'ixëtyës pën janty jotmëk ya'atë ja'ayëty mëti'ipë amëj akëjxm näjya'awëtëpën, këtiipë je'eyë y'aaw tmëtë'ëtstëty.

2 Corintios 13:11

Tyamës nkajpxwë'ëmy mëku'uktëjkëty, ntukmëtsojktëp ets akujk jotkujk mjuuky'atëty. Yë'ë ixta'atë mëti'ipë wa'atsën. Patuntë mëti'ipë ojts ntuknijayëtën ets itë tu'ukyë mëët ja jotkujk'ajtën. Pën mtuuntëp jëtu'un, m'itantëp mëët ja Dios mëti'ipë ja oyjyot oywyinma'any yäjkpyën tëy tëtä'äky.

Efesios 1:1

Ëjts Pablo, Jesukristë y'ayuk kajpxwa'kxpë mëët ko ja Dios jëtu'un të tuknipëjktaakë. Yë'ëjës ya'atë noky ntuknikäjxtëp mëti'ipë ja Dios jä'ä''ajtëtëpën ets myëpëjktëp ja Kristë Jesús jam Éfeso.

Deuteronomio 16:1

Ko yë Abib po'o tpaatëty jää xynyixëëwtuntëty yë ëmaayxyëëw, ma ja Dios xymyëjjaw xyjyäänty jyawëtëtyën, jä'ä ko miits wa'ats xynyijawëtë ko jä'ä tsu'um ojts yë Dios jap Egiptë mjuutëtë.

Hebreos 6:3

Yë'ë jää jëtu'unpë ntu'unmëty ko Dios tyajkutukëty.

Santiago 4:15

Nikë jëtu'un n'ëna'anmëty: Pën ënaanp ja Dios, ënät njuuky'ajtmëty, ënät winë ntu'unmëty.

1 Pedro 3:17

Nikë oy ko ja oypyë yajku'ëyowë, pën jëtu'un ja Dios tsoky, ets këtii ko yajku'ëyowë ja ëxëëkpë.

Apocalipsis 1:11

mëti'ipës xynyëmaayën: Kuja'a nokyjoty tiijaty m'ijxypyën ets tuknikäx ja mëpëjkpëtëjk mëti'ipë yajpatëpën ma ja niwëxtujkpë ja kajpnën jam Asia y'itjotm: jam Éfeso, Esmirna, Pérgamo, Tiatira, Sardis, Filadelfia ets Laodicea.

Apocalipsis 2:1

Nnijayë yë tsajpjotmëtë kukäjpxy jampë yajpaatyën Éfeso ma ja mëpëjkpëtëjk ye'eymyuktën: Jëtu'un y'ënä'äny ja mëti'ipë myëët'ajtypyën ja wëxtujkpë ja matsa'a jam ma y'a'oy kyë'ëjotmën ets yajpaaty ma ja wëxtujkpë ja cerë ato'oyënën aak pu'ts pujxnpë.