Hechos 17:4 - Biblia Dc en Mixe de Quetzaltepec

⁴ Ënet ja jutiis ja'ay jënaakën tmëpëjktë ets tu'ukyë yajpatë mëët ja Pablo ets ja Silas ets näjyëtu'un may myëpëjktë ja ja'ayëty ka'apë jyutiis ja'ay'atën ets may ja to'oxytyëjkëty mëj'äämpyë wintsë'ëkëpë y'itën.

Biblia Mixe de Quetzaltepec

⁴ Ënät ja jutiis ja'ay jënaakën tmëpëjktë ets tu'ukyë yajpatë mëët ja Pablo ets ja Silas ets näjyëtu'un may myëpëjktë ja ja'ayëty ka'apë jyutiis ja'ay'atën ets may ja to'oxytyëjkëty mëj'äämpyë wintsë'ëkëpë y'itën.

Hechos 17:4 ပူးပေါင်းရင်းမြစ်များ

Hechos 17:12

Tääts may ja jutiis ja'ay myëpëjktë, näjyëtu'un ja griegë ja'ayëty; jëtu'un ja to'oxytyëjkëty mëj'äämpë ets wintsë'ëkëpë y'itën ets näjyëtu'un ja ye'etyëjkëty nimay.

Hechos 14:4

Ja ja'ayëty mäjtskpëky ojts nyäwya'kxëtë, tam mëti'ipë pyukajpxëtëpën ja jutiis ja'ayëty ets tam mëti'ipë pyukajpxëtëpën ja ijxpëjkpëtëjkëty.

Hechos 13:43

Ko ye'eywya'kxnëtë tsajptëkotm, nimay ënety ja jutiis ja'ay jam ets näjyëtu'un ja ja'ayëty mëti'ipë ënety të tmëpëjknëtën ja jutiis ja'ay ja myëpëjkënëty, jä'ä pyanëjkxtë ja Pablo ets ja Bernabé. Ënet ja Pablo ets ja Bernabé ojts tkajpxwijtë ja ja'ayëty ets nyäyaj'itëtëty mëët ja Dios ja tsyojkën jya'awën.

2 Corintios 8:5

Wäänëni'ik ja näypyutëkë tyajktë këtiinëm ijxtëm ënety njëjp'ixtënës. Je'eyë ojts nyäpyëjkta'akëtë Wintsën kyë'ëjotm ets tpatuuntë ja Dios ja tsyojkën.

Hechos 28:24

Jënaakën tkupëjktë wi'ix ja Pablo y'ënä'änyën, ets ja wiinkëtypë ka'ap tmëpëjktë.

Hechos 15:22

Ënet ja ijxpëjkpëtëjk mëët ja mëjja'aytyëjk ets ni'ëmukë ja mëpëjkpëtëjk twin'ijxtë mëti'ipë mëët nyëjkxtëty ja Pablo ets ja Bernabé jam Antioquía. Yë'ë ojts tnikajpxpätë ja Judas, mëti'ipë näjyëtu'un yajtijpën Barsabás ets ja Silas, mëti'ipë ënety mëj'äämpy ijtpën ma ja mëpëjkpëtëjkëtyën.

Hechos 13:50

E ja jutiis ja'ayëty ojts t'akajpxëtë ja to'oxytyëjkëty mëti'ipë wintsë'ëkë ijtëpën ets mëti'ipë oy juuky'ajtëpën; näjyëtu'un t'akajpxëtyë ja ye'etyëjkëty mëti'ipë mëj'äämpy ijtëpën ma ja kajpnën ets yë'ëjëty tyajjotma'atëty ja ja'ayëty ets yaj'ëxwojppëtsëmtëty ja Pablo ets ja Bernabé.

Hechos 21:28

tääts tukyax tukjojkëtyë: Miits Israel ja'ayëty, putëjkëtëkës. Tëë ya'atë ja'ay yaa jyä'ty, winnaax wiinkajpn jyänty jyëtity, tuk'ijxpëky ja ja'ay ko ka'ap twintsë'ëkëtëty ja Moisés ja y'ënä'ämën ets wiinkjaty tnimëtyä'äky ja tsajptëjk. Tëë näjyëtu'un ja griego ja'ay tyajtëkë ma mëjtsajptëjkën ets të tyaj'ëxëëkëtë ya'atë it naaxwiinyëtë wa'atspë.

Hechos 19:10

jëtu'un ojts jam tyuny mäjtsk jëmëjt, paaty ja ja'ay ojts tnija'awëtya'atë ja Wintsën ja y'aaw y'ayuk jam Asia, mëti'ipë jutiis ja'ayën ets mëti'ipë ka'ap jyutiisëty.

Hechos 18:4

Winsábëdë ijty nyijkx tsajptëkotm, ets ja ja'ay mëët kyäjpxy myëtyä'äky, jëtu'un ja ja'ay tjayajmëpëka'any, wä'än tjutiisëty ets tkajutiisëty.

Hechos 17:34

Tam jënaakën y'ijtë mëti'ipë ojts myëpëktën ets ja Pablo tpatso'ontë. Tu'uk txëëwaty Dionisio mëti'ipë wintsën'ajtpën jam Areópago ets tu'uk ja to'oxytyëjk txëëwaty Dámaris ets ja wiinkëtypë mëti'ipë mëpëjktën.

Hechos 17:17

Paaty jam tsajptëkotm nikajpx nimëtyaktë mëët ja jutiis ja'ayëty ets ka'apë jyutiis'atën mëti'ipë ja Dios y'ëwtajtëpën ets xëmë winjëpom ijty tnimëtya'aktë ko ye'eymyuktë.

Hechos 16:3

Tääts ja Pablo wyinmaay ets ja Timoteo pyajämyëët'atëtëty, je'eyëp ko jëyëjp ojts tnatsujk'ëwtijtë ja ye'etyëjkajtën ets ka'ap ja jutiis ja'ay y'ijxma'atëtëty, jä'ä ko wa'ats ja jutiis ja'ayëty ënety tnijawëtë ko ja Timoteo ja tyeety griegë ja'ay.

Hechos 15:40

e ja Pablo yë'ë wyoow ja Silas ets ja mëpëjkpëtëjk ojts kyënu'kxëtë ma Tiosën ets tsyo'ontë;

Hechos 15:32

Dios kyäjpxynyajxpëtëjk ja Judas ets ja Silas, jä'ä ojts tjotmëkwinkajpxëtë ets tyajjotmëkpëjktë ja mëpëjkpëtëjkëty.

Hechos 15:27

Ya'atës yam nkäjxtëp mëti'ipë xyëëwajtëpën Judas ets Silas, yë'ë winë mtukmëmëtya'akanëtëp.

Hechos 14:1

Ko ja Pablo ets ja Bernabé jyajtë jam Iconio, ënät tyëjkëtyë ma ja jutiis ja'ayëty ja tsyajptëjkëtyën ets nimëtyaktë ja Dios ja y'aaw y'ayuk, may ja ja'ay myëpëjktë, wä'än tjutiis tkajutiisëty.

Hechos 4:23

Ko ja Pedro ets ja Juan y'ëwa'atspëtsëëmtë, tääts ja myëku'ukëty ojts tninëjkxtë ma ënety jamëtyën, ets tukmëmëtyaktë wi'ix ënety ja teety wintsëntëjk ets ja mëjja'aytyëjk të y'ënë'ëmxëtën.

Hechos 2:44

Tu'ukyë ja mëpëjkpëtëjk ijty ja wyinma'anyëty ets tu'knax winë tyajkwa'kxtë mëti'ipë myëët'ajtëpën.

Juan 7:35

Tääts ja jutiis ja'ayëty nyäyajtëëwëtë nixim niyam: ¿Ma nyëjkxa'any ya'atë ja'ay ets ka'ap n'ëkpatënëty? ¿Kajts tjëkyepy jam muum nyëjkxëty wiink kajpn ets jam muum ma jyëpyo'kxykyajpnën tyaj'ijxpëkëty yë jutiis ja'ay?

Cantares 6:1

¿Ma ënät të nyijkxy ja ye'etyëjk mëti'ipë mtsojkpy mja'apën, to'oxytyëjk oypyë tsujpë? ¿Ma ënät të nyijkxy? Oy mpajamtëty ets n'ixtä'ämyëty.

Proverbios 13:20

Yë'ë oyjyawë yë wijyjyä'äytyëjk ets wijy m'awinpitëty; yë'ë oyjyawë tsuuja'aytyëjk ets tsuu m'awinpitëty.

Proverbios 9:6

Këtii xëmë tsuu myajpaatë, oy mjuuky'atëty: jëtu'un mnaxtëty mtëkëtëty tä ja'ayën mëti'ipë niwijy nikujk yajpatpën.

Zacarías 2:11

Ko ënety jëtu'un tyunyë jyätyë, may yë naax kajpn tnimina'any yë Wintsën. Ets Wintsën nëjkx y'ënä'äny: Tyaapë kajpnëty nän ëjts yë nkajpn. Ënätës nëjkx ntsëënë ma miitsëtyën. Jëtu'un nëjkx xywyinjawëtë ko yë Wintsën mëti'ipë maaytyääyëpën winë yë'ëjës të xykyexy.

Hechos 17:10

Ko kyootsëy, ënätyë ja mëpëjkpëtëjk tnajtskäjxëtë ja Pablo ets ja Silas jam Berea. Ko jam jyajtë, ënät ojts nyëjkxtë ma ja jutiis ja'ayëty ja tsyajptëjkëtyën.

Hechos 17:14

Ënet ja mëpëjkpëtëjk ënätyë kyäjxtso'onëtë ja Pablo, ets nyëjkxëty maatsow ja mejypya'ajën yë Silas ets Timoteo ojts wyë'ëmtë jam Berea.