Hechos 17:32 - Biblia Dc en Mixe de Quetzaltepec

³² Ko ja ja'ay tmëtoowtë ko ja Pablo y'ënä'äny ko ja o'kpë jyuukpyiky, tääts ja Atenas ja'ay je'eyë xyiktë; tam wiinkpë mëti'ipë ënantën: Jää ënety jatëkok xyjyaaknikäjpxy.

Biblia Mixe de Quetzaltepec

³² Ko ja ja'ay tmëtoowtë ko ja Pablo y'ënä'äny ko ja o'kpë jyuukpyiky, tääts ja Atenas ja'ay je'eyë xyiktë; tam wiinkpë mëti'ipë ënantën: Jää ënäty jatëkok xyjyaaknikäjpxy.

Hechos 17:32 ပူးပေါင်းရင်းမြစ်များ

Hechos 26:8

¿Tii ko miitsëty ka'ap xymyëpëktë ko yë Dios yajjuukpyikyë yë o'kpë?

Hechos 17:18

Mäjtskpëky ënety ja wijyjyä'äytyëjk jam yajpaatë: epicúreos tu'pëky yajtijtë, ets jatu'kpëky estoicos, ets y'ëna'antë: ¿Tii tääpë ja'ay atsä'pxy nyimëtyaktëp? Ets ja wiinkpë y'ënantë: Wiink tios yë yowë nyikajpxtëp. Paaty jëtu'un y'ënantë jä'ä ko ënety ja Pablo tnikäjpxy tnimëtyä'äky ja Jesús ets ko o'kpë jyuukpyëka'any.

2 Corintios 6:2

Jä'ä ko jëtu'un kyëxja'ayëty ma ja Dios ja y'aaw y'ayukën: Ma ënety nixëëwëtyën jää të nmëtoow'ity, ma ënety ja nitsokën jyää'atyën jää të nputëkë; tyam ja xëëw jëmëjt të tpaaty. Tyam yë xëëw po'o ma ja nitsokën jyää'atyën.

Hechos 25:19

Jä'ä ko yë'ë tyukni'ë'ënëtëp ja myëpëjkën, ets ja Jesús mëti'ipë o'kën ko ja Pablo y'ënä'äny ko tëë jyuukpyiky.

Hechos 24:25

Tääts ja Pablo ojts nimëtyä'äky wi'ix pyaat'atyën ja'ay jyä'äy'atëty, wi'ix nyäyajt'itëtëty ets wi'ix ja Dios nëjkx ja naaxwiinyëtë ja'ay tpaye'eyën. Ënet ja yajkutujkpë Félix tsyë'këy ets ja Pablo yajnëmaay: Nëjkx tyämyë. Jää jatëkok nwoowtsowëty koos ënety n'ëwaatsë'aty.

Hechos 2:13

E wiinkëtypë ja'ay je'eyë tukxiktë ets y'ënantë: Tëë ënät y'uuktë, mukëtëp yë'ëjëty.

1 Corintios 4:10

Koos ja Kristë nmëpëktë, tsuuja'ayës nyajtijtë; nkukajpxëpës ja Kristë ko miits myajtijtë wijy kejy; ëëtsëty ka'apës njotmëk'atë, e miitsëty amëk jotmëk myajpaatë. Ka'apës ja'ay xytsyoktë, e miitsëty myajtsojktëp.

Hechos 17:31

Jä'ä ko tëë ja Dios tuknipëjktaakë jëna'a ja naaxwiinyëtë ja'ay tpaye'eyä'änyën ijxtëm pyaat'atyën. Yë'ë të tuknipëky tu'uk ja ja'ay mëti'ipë të twin'ixyën; ets tëë xytyuk'ijxëmë ja myëk'ajtën ko ojts tyajjuukpyiky jatëkok oy ënety të y'ëk'ooky.

Lucas 14:18

E tu'kë'ëyë ja ja'ayëty je'eyë ja mä'kxën tpëjktsoowtë. Tam mëti'ipë ënanën: Naaxës të njuy, yë'ëjës nëjkx n'ixa'any, mëpaat xynyamä'kxëty.

2 Crónicas 36:16

Yë'ëjëty ka'ap tmëjpëjktaktë ja aaw ayuk, je'eyë tnëxik tukxiktë mëti'ipë ja Wintsën jyakajpxën; koonëm ja Wintsën yajxon tyajjoot'anpëjktë ets ka'ap ojts t'ëkjëkyäjpnë wi'ix jyotxäämëtyën.

1 Corintios 1:23

e ëëtsajtëm yë'ë nikajpx nimëtyakëm ja Jesukristë, mëti'ipë ojts kruutskëjxm y'ookyën. Yë'ë ya'atë jutiis ja'ayëty näwyinkajpxpätë jya'awëtëp; ets mëti'ipë ka'ap jyutiis ja'ay'atën, tsuuwinma'any tijtë;

Hechos 13:41

Ixtë, miitsëty mëti'ipë päjxtëpën, mëj'ix naak'ixtë ets mtimkyutëkoytyëty, jä'ä ko ntunäämpyës ja mëjëtypë ma ënety jam mjuuky'atën, mëti'ipë ka'ap xymyëpëktëtyën oy ënety pën mjatukmëmëtya'akëtë.

Hebreos 13:13

Tsojk mpanëjkxëm ja Jesús kajpnpë'am, tsojk n'ëyo'owëm ijxtëm ja Jesús y'ëyooyën.

Hebreos 11:36

Ojts wiinkpë yajnëxi'ik yajtukxi'iktë ets yajwojp yajka'tstë, wiinkëtypë pujxntejpxy yajtuktsuumtë ets pujxn tëkoty yajpëjktaktë.

Lucas 23:36

Näyjyëtu'un ja tsiptuunpëtëjkëty nyëxik tyukxikëtë ja Jesús, winkon tninëjkxtë ets tuk'uuka'antë ja tsatsym nyëë xun,

Lucas 23:11

Ënet ja Herodes mëët ja tsyiptuunpëtëjk nëxik tukxiktë ja Jesús, ka'ap tmëj'ixtë ets ja wit tukxojxtë ijxtëm ja yajkutujkpë wyitën. Tääts jatëkok tuknikejxy ja Pilato.

Lucas 22:63

Ënet ja ja'ayëty mëti'ipë ënety ja Jesús jam kyëwent'ajtëpën nëxik tukxiktë, twinwojp tjëjpwojptë.

Génesis 19:14

Ënet ojts ja Lot tninëjkxy ja nimäjtskpë ja myë't, yë'ë mëti'ipë ënety pëkantëpën mëët ja nyëëx ets t'ënëmaay: Pëtë'ëktë ets kä'äktë ma ya'atë kajpnën, jä'ä ko yajkutëkoyäämpy yë Wintsën ya'atë kajpn tyam. Yë myë'tëty ninu'un ojts tkamëjpëjkta'aktë ja Lot ja y'aaw y'ayuk.

Hechos 17:33

Tääts ja Pablo wyinye'eytyutëtë.

1 Corintios 15:12

Pën yë'ëjës nnikäjpxyp nnimëtyäkpy ko ja Kristë jyuukpyijky, ¿tii ko miits jënaakën m'ëna'antë ko ja o'kpë ka'ap jyuukpyëka'antë?