Hechos 17:22 - Biblia Dc en Mixe de Quetzaltepec

²² Ënet ja Pablo wya'kujkëy jam Areópago mayjyä'äy akujky, ets y'ënäny: Miits, Atenas ja'ayëty, mëtowtë. N'ijxypyës ko miitsëty ni'ik mëk xywintsë'ëkëtë mëti'ipë mtios'ajtëpën.

Biblia Mixe de Quetzaltepec

²² Ënät ja Pablo wya'kujkëy jam Areópago mayjyä'äy akujky, ets y'ënäny: Miits, Atenas ja'ayëty, mëtowtë. N'ijxypyës ko miitsëty ni'ik mëk xywintsë'ëkëtë mëti'ipë mtios'ajtëpën.

Hechos 17:22 ပူးပေါင်းရင်းမြစ်များ

Jeremias 50:38

Wä'än tsipaatë ja nyëëjotëty, wä'än tëtsta'ay yë myëj nëëjëty. Jä'ä ko yë Babilonyë yi'iyë y'ëwtatyp yë awinax ëxëëkpë, paaty të tyajtëkoy yë jyot wyinma'any.

Hechos 17:15

Mëti'ipë ja Pablo jyämyëët'ajtëpën, Atenas paat ojts tpaja'të. Ko wyimpijnëtë, ënät ja Pablo tuknikejxy ja ayuk ets nëëmëtëty ja Silas ets ja Timoteo ets ënätyë myintëty.

Hechos 17:16

Jam Atenas, tam ënety ja Pablo tjëjp'ixy ja Timoteo ets ja Silas. Ënet t'ijxpaty ko ujts ënety ja kajpn yajpaaty mëët ja awinax.

Hechos 17:19

Tääts tyajtso'ontë ja Pablo ets ojts tyajnëjkxtë ma tijtën Areópago ets tyajtëëwtë: Yë'ë ëëts njanijawëjantëp, ¿tii ijxpëjkën jempyë tyam myajmiinpy?

Hechos 17:34

Tam jënaakën y'ijtë mëti'ipë ojts myëpëktën ets ja Pablo tpatso'ontë. Tu'uk txëëwaty Dionisio mëti'ipë wintsën'ajtpën jam Areópago ets tu'uk ja to'oxytyëjk txëëwaty Dámaris ets ja wiinkëtypë mëti'ipë mëpëjktën.

Hechos 19:35

Ja jääpyë jampë kajpnjotmën, ojts tyaj'amony ja mayjyä'äy ets t'ënëmaay: Miits Éfeso ja'ayëty, mëtowtë. Nyija'awëtëp ni'ëmukë yë naaxwiinyëtë ja'ay ko ya'atë naax kajpn yë'ë kyëwent'ajtyp yë nwintaj'ajtëm Artemisa tsyajptëjk ets y'awinax yë'ë mëti'ipë tso'onpën tsajpjotm.

Hechos 25:19

Jä'ä ko yë'ë tyukni'ë'ënëtëp ja myëpëjkën, ets ja Jesús mëti'ipë o'kën ko ja Pablo y'ënä'äny ko tëë jyuukpyiky.