Hechos 17:16 - Biblia Dc en Mixe de Quetzaltepec

¹⁶ Jam Atenas, tam ënety ja Pablo tjëjp'ixy ja Timoteo ets ja Silas. Ënet t'ijxpaty ko ujts ënety ja kajpn yajpaaty mëët ja awinax.

Biblia Mixe de Quetzaltepec

¹⁶ Jam Atenas, tam ënäty ja Pablo tjëjp'ixy ja Timoteo ets ja Silas. Ënät t'ijxpaty ko ujts ënäty ja kajpn yajpaaty mëët ja awinax.

Hechos 17:16 ပူးပေါင်းရင်းမြစ်များ

1 Reyes 19:10

Tä ja Elías y'ëtsooy: Mijts Wintsën mëti'ipë maaytyääyëpën winë, yë'ëjës nmëkja'ap ets yë'ë ko ni'ikyë, paatyës yam nikäjpxy ko yë Israel ja'ayëty tëë tja'atyëkooynyëtë ja käjpxytyu'unën mëti'ipë tyuuntën mëët mijts, tëë tjijta'atë ja mwintsë'këntyakn ma myajmëjjawën ets tëë tyaj'o'kta'atë ja mtuunpëtëjk. Ëjtsyë atu'uk të njaakwë'ëmyës juuky, ets nän tääjës nyajpaajëtity etsës näjyëtu'un xyaj'ooka'antë.

1 Reyes 19:14

Tä y'ëtsooy: Mijts Wintsën mëti'ipë maaytyääyëpën winë, yë'ëjës nmëkja'ap ets mëët yë'ë ko ni'ikyë paatyës yam nikäjpxy, ko yë Israel ja'ayëty tëë tja'atyëkooynyëtë ja käjpxytyu'unën mëti'ipë tyuuntën mëët mijts, tëë tjijtaaynyëtë ja mwintsë'këntyakn ma myajmëjjawën ets tëë tyaj'o'kta'atë ja mtuunpëtëjk. Ëjtsyë atu'uk të njaakwë'ëmyës juuky, e ëjts nän tääjës nyajpatity etsës näjyëtu'un xyaj'ooka'antë.

Salmos 119:136

Komkomëty yë nwiinnëëjës pyëtsimy tä yë mëjnëë pyëyi'ikyën mëët ko ja naaxwiinyëtë ja'ay ka'ap tpatuny ja m'ijxpëjkën.

Salmos 119:158

Nkatimy'ixäämpyës yë ja'ay mëti'ipë jyiiky myëku'uk kyë'ëyajktëpën, mëti'ipë ka'ap tpatuntën ja m'ënä'ämën mtëyajtën.

Salmos 69:9

Mëët yë'ë koos niku'ëwa'an'aty yë mtsajptëjk, wiinkës nnäjyawëty ko pën ëxëëkjaty tnikäjpxy tnimëtyä'äky, janty ëjtsës ntimjya'ap xytyimpatp ko pën ëxaty y'ënä'äny.

Jeremias 20:9

Koos n'ëna'any: Ëjts ka'apës yë Wintsën n'ëkja'amyätsanë ets ka'apës yë xyëëw n'ëknikajpxanë; koos jëtu'un n'ëna'any ënät jap njootjotyës njawë yë m'aaw m'ayuk tsyooypyiky jëënën ets jëtu'unës ntimjyawë tim tsääpy tim no'kp yowë, tyimtuktëjkëp njawës nwaay npajk. Koos njaakkumä'kxëja'any, nijënu'un tkajëkyepy.

Miqueas 3:8

E ëjts, tëëjës yë Wintsën yë mëjaaw, tëy'ajtën ets jotmëk'ajtën xymyo'oy täätsës yë Israel ja'ayëty ntukwinmëtowtëty wi'ix yë Wintsën tmëtëkoytyën.

Marcos 3:5

Tääts ja Jesús wyintë'kxëtë mëët yë joot'an ets moonp tujkp jä'äkyëjxm ko juun ja jyot wyinma'anyëty tpëjkta'aktë. Paaty t'ënëmaay ja ye'etyëjk mëti'ipë ënety ja kyë'ëjën ooky: Xajtëw. Tääts ja ye'etyëjk xyajtëëy ets ja kyë'ë tsyoky.

Juan 2:13

Ëmaayxyëëw ënety wiinkoonëp mëti'ipë jutiis ja'ayëty myëjja'awëtëpën, ko ja Jesús ojts pya'tëkë jam Jerusalén.

Hechos 17:15

Mëti'ipë ja Pablo jyämyëët'ajtëpën, Atenas paat ojts tpaja'të. Ko wyimpijnëtë, ënät ja Pablo tuknikejxy ja ayuk ets nëëmëtëty ja Silas ets ja Timoteo ets ënätyë myintëty.

Hechos 17:21

Paaty ja Pablo jëtu'un yajnëmaay, jä'ä ko jam Atenas yë'ë ja ja'ay ijty myëtowantëp ja jemypyë ja winma'any, mëti'ipë jemy yajmëtoy'ajtpën.

Hechos 17:23

Koos yaa nnaxy ntëkë ma mnaax mkajpnëtyën, ënätës të n'ixy ma miits ja mtios xy'ëwtatën jam kyëxja'ayëty: Ja Dios ka'apë yaj'ixy'ätyën. E oy, ja mëti'ipë m'ëwtajtëpën ets ka'ap xy'ixy'atë, yë'ëjës ëjts nnikäjpxy nnimëtyäkpy.

Hechos 18:1

Ënet ja Pablo jam tsyo'ony Atenas ets ojts nyijkxy Corinto.

Hechos 20:22

Tyam, jamës nnëjkxy Jerusalén, Kënu'kxymyëk'ajtënës xywoowtsoop, ni nkanijawës wi'ixës jam njata'any.

1 Tesalonicenses 3:1

Paaty, koos ënety ka'ap n'ëkmëmëta'akanëtë ja jotmay, paatyës ojts ntimwyë'ëmtë jam Atenas

2 Pedro 2:7

Dios yaj'ëwaatspëtsëëm ja Lot, mëti'ipë oyjyä'äyën ets ka'ap akujk jotkujk y'ijty mëët ja ëxëëk ja'ay ja jyuuky'ajtënëty.