Hechos 16:35 - Biblia Dc en Mixe de Quetzaltepec

³⁵ Ko xyiinytyäky, ënät ja kutuunk tkäjxtë ja kyäjpxynyajxpë ma ja pujxntëjk këwent'ajtpën ets n'ënëëmëtëty wä'än ja Pablo ets ja Silas tnajtsmatsë.

Biblia Mixe de Quetzaltepec

³⁵ Ko xyiinytyäky, ënät ja kutuunk tkäjxtë ja kyäjpxynyajxpë ma ja pujxntëjk këwent'ajtpën ets n'ënëëmëtëty wä'än ja Pablo ets ja Silas tnajtsmatsë.

Hechos 16:35 ပူးပေါင်းရင်းမြစ်များ

Hechos 5:40

Ojts tja'akyukëtyë mëti'ipë ja Gamaliel kyajpxën. Tää twoowtsoowtë ja ijxpëjkpëtëjk ets tyajkwojpëtë je'eyë, ets t'ënëmaaytyë ko ka'ap t'ëknimëtyaknëtëty ja Jesús. Tääts t'ëxmajtstë.

Hechos 4:21

Ënet ja kutuunktëjkëty ojts kyajpx'ëtsë'ëkëtë je'eyë ets jëtu'unyë y'ëxmajtsëtë, ka'ap tpatë ja winma'any wi'ix tyiytyunëtëty, jä'ä ko ja ja'ayëty tyukmëjja'awëtyëp ja Dios mëët mëti'ipë ënety të tyuny të jyätyën.

Jeremias 5:22

Ëjts mëti'ipë Wintsën'ajtpën, jëtu'unës n'ëna'any: ¿Jä'ä jëtää ko ka'apës xytsyë'ëkëtë? ¿Jä'ä jëtää ko ka'ap tsyëtyuytyë maas ëjtsënë? Ëjts të njapëjktä'äky mapaat yë mëjmejy nyaxëtyën, mapaat ka'ap nëkooyë muum nyasjä'ätsëtyën. Jëtu'un yë në'o'pky pyëti'iky ets jya'ëëtsy jyakomy, e ka'ap tninaxy mapaat të yaj'ënëëmën jya'tëty.

Salmos 76:10

Ko yë naaxwiinyëtë ja'ay jyoot'anpëky, mijts ni'ikyë mxoontä'äky, oyxyëp janty tu'k nu'unën jyoot'anpëky, mijts jëtu'un xyjyawë tä jeexyë tu'uk yë kujän myajtukujenyën.

Lucas 12:11

Ko pën myajnëjkxëtëty ma ja tsajptëjkën, ma ja kutuunktëjkëtyën ets ma ja tëytyuunpëtëjkëtyën, ka'ap xymyëmay xymyëtajtëty wi'ix m'ëtsowtëtyën ëkë pën tii mkajpxtëp;

Hechos 16:34

Tää ja Pablo ets ja Silas wyoowëtë ja pujxntëjk këwent'ajtpë ma tyëjkën kääpyë ukpë. Janty jotkujk nyäjya'awëyë mëët ja jyä'äy ko ënety tëë ja Dios tmëpëktë.

Hechos 16:36

Ënet ja pujxntëjk këwent'ajtpë t'ënëmaay ja Pablo: Tëës ja kutuunktëjk xytyuk'ënä'ämtë ets n'ëxmatstëty. Oy mnëjkxtëty akujk jotkujk.

Hechos 16:38

Ets ja kukäjpxy wyimpijtë ets tuk'ëwa'anëtyë ja kutuunk wi'ix ja Pablo ja ayuk ënety të t'ëtsoowinpityën. Ënet ja kutuunk tsyë'këtyë ko tnija'awëtyë ko ja Pablo ets ja Silas Romë ja'ayëty.

Josue 4:17

Tä ja Josué tjanty y'ënëmaay ets pyëtsëmtëty.