Hechos 16:29 - Biblia Dc en Mixe de Quetzaltepec

²⁹ Ojts ja pujxntëjk këwent'ajtpë t'amëtoy ja kutë'kxn, ets tyëjkëy tsëyuuypyë pujxn tëkoty ets nyäkyoxtënaaytyakë Pablo ets Silas wyintuuy.

Biblia Mixe de Quetzaltepec

²⁹ Ojts ja pujxntëjk këwent'ajtpë t'amëtoy ja kutë'kxn, ets tyëjkëy tsëyuuypyë pujxn tëkoty ets nyäkyoxtënaaytyakë Pablo ets Silas wyintuuy.

Hechos 16:29 ပူးပေါင်းရင်းမြစ်များ

Apocalipsis 3:9

Ja mëjku'u ja myëtuunpëtëjk mëti'ipë nëkoo nätyijëtëpën ko jyutiis ja'ay'atë ets je'eyë y'anta'aktë, tëëjës ntuknipëjktaakë ets mwinkoxtänëtëty ets nijawëtëty ko mijts n'oyjyawë.

Hechos 24:25

Tääts ja Pablo ojts nimëtyä'äky wi'ix pyaat'atyën ja'ay jyä'äy'atëty, wi'ix nyäyajt'itëtëty ets wi'ix ja Dios nëjkx ja naaxwiinyëtë ja'ay tpaye'eyën. Ënet ja yajkutujkpë Félix tsyë'këy ets ja Pablo yajnëmaay: Nëjkx tyämyë. Jää jatëkok nwoowtsowëty koos ënety n'ëwaatsë'aty.

Daniel 6:26

ets ni'ënä'ämës ma tëkokyë naax kajpnën wä'än tyajwintsë'ëkë ets wä'än tyajmëjjawë yë Dios mëti'ipë Daniel y'ëwtajtypyën. Jä'ä ko juuky Dios yë'ë ets xëmëkyëjxm yë y'ity. Yë y'ënä'ämën kyutujkën ka'ap nijëna'a pën tyaj'atëkoyëty ets myëk'ajtën ka'ap nijëna'a jyëjpkëxy.

Jeremias 10:10

Yë Wintsën yë'ë Tios'ajtp mëtëy, yë Dios mëti'ipë juukyën, mëti'ipë xëmë yajkutujkpën. Ko jyoot'anpëky, yu'kxp yë naaxwiinyëtë; yë naax kajpn pojyën yu'kxpëky.

Jeremias 5:22

Ëjts mëti'ipë Wintsën'ajtpën, jëtu'unës n'ëna'any: ¿Jä'ä jëtää ko ka'apës xytsyë'ëkëtë? ¿Jä'ä jëtää ko ka'ap tsyëtyuytyë maas ëjtsënë? Ëjts të njapëjktä'äky mapaat yë mëjmejy nyaxëtyën, mapaat ka'ap nëkooyë muum nyasjä'ätsëtyën. Jëtu'un yë në'o'pky pyëti'iky ets jya'ëëtsy jyakomy, e ka'ap tninaxy mapaat të yaj'ënëëmën jya'tëty.

Isaías 66:5

Mëtoow'itë ja Wintsën ja y'aaw y'ayuk, miitsëty ninu'un xymyëj'ix xymyëjpëjkta'aktën ja y'aaw y'ayuk. Tä naakën mjëëky mmëku'ukëty mëti'ipë mwiink'ijxëtëpën, mëti'ipë m'ixjëtijt mpajëtijtëtëpën ko xykyajpxpaatë yë nxëëwës ets y'ëna'antë: Wä'än yë Wintsën tyaj'ixyë yë myëj'ajt y'oyajtën; n'ixantëpës. Je'eyëp ko yë'ëjëty nëxi'iky tukxi'iky wyë'ëma'antë.

Isaías 66:2

Ëjts ojts winë nyajkojta'ayës, ets jëtu'un ojts tsyo'onë'ëky tsyo'ontä'äky. Ëjts, Wintsën, ëjts ënaanp.

Isaías 60:14

Ja ja'ay ja y'u'unk y'ëna'këty mëti'ipë ëxëëk të mtunyën, nëjkxëp mniminyë ets mwintsë'ëkëja'anyë; tëkokyë mëti'ipë ka'ap të mëj ixyën nëjkxëp mniminyë ets mwinkoxtänëja'anyë, ets nëjkx mtijyë ja Wintsën ja kyajpn, ja Sión mëti'ipë ja Wintsën jyä'ä'ajtypyën, ja wa'ats Dios mëti'ipë jam yajpatpën ma Israel ja'ayëtyën.

Salmos 119:120

Tsëyuupyës yë njot nini'kx mijts mwintuuy mëët yë tsë'ëkë. Ëjts nwinkutsë'këpës yë m'ënä'ämën mtëyajtën.

Salmos 99:1

Yë Wintsën yë'ë yajkutujkp. Yë y'ënyääytyakn ma yajkutukyën jam yajpaaty kyukäjpxy akujky. Yë naax kajpn jëtu'un jyänty tsyëtyuytyë, ets tëkokyë yë naaxwiinyëtë mapaat y'ëwtityën.

Hechos 16:19

Ko ja to'oxy'ëna'k ja wyintsën t'ijxtë ko ka'ap y'ëkmeenypyatnëtë, ënät tmajtstë ja Pablo ets ja Silas, ets ojts tyajnëjkxtë ma ja kutuunkën, jap kajpn'ikujky.

Hechos 16:28

Ko ja Pablo t'ijxpaty ko nyäyaj'ooka'anyë, tääts mëk t'ënëmaay: Ka'ap wi'ix mnätyunëtëty. Aak tyap ëëtsëty ni'ëmukë.