Hechos 16:26 - Biblia Dc en Mixe de Quetzaltepec

²⁶ Ajotkumonë ojts ja mëk ujx myiny ets ja pujxntëjk yu'kxpëjky, ënät ja pujxntëjk'aaw y'ëwatsy, näjyëtu'un kya'ataay ja tsumyjä'äy ja pyujxntejpxy pujxnëty.

Biblia Mixe de Quetzaltepec

²⁶ Ajotkumonë ojts ja mëk ujx myiny ets ja pujxntëjk yu'kxpëjky, ënät ja pujxntëjk'aaw y'ëwatsy, näjyëtu'un kya'ataay ja tsumyjä'äy ja pyujxntejpxy pujxnëty.

Hechos 16:26 ပူးပေါင်းရင်းမြစ်များ

Hechos 4:31

Ko ja Dios tja'amyäjtstaaytyë, tääts ja tëjk tsyëyuuypyijky ma ënety jam të nyiye'eypyätën ets ja ja'ayëty t'ëxajëtyääytyë ja Kënu'kxymyëk'ajtën ets amëk jotmëk nimëtyaktë ja Dios ja y'aaw y'ayuk.

Hechos 5:19

Tu'uk ojts ja Wintsën ja y'anklës myiny ets ja pujxntëjk tyaj'ëwatsy ets pyëtsëëmtë. Tääts y'ënëmaayëtë:

Hechos 12:10

Tääts nyajxtë ma mëtu'uk ja këwent'ajtpën ets wiinkpë ja këwent'ajtpë näjyëtu'un tjaakninajxtë. Ko jyajtë pujxntëjk ëkë'ëm, ënät ja mëj pujxntëjk'aaw kë'ëm y'ëwatsy ets pyëtsëëmtë. Ko y'ëwaatsëpëtsëëmtë, tää wäänë jyaakye'eytyë ets ajotkumonë ja Pedro ojts nätyu'uk yaj'ëxmatsy.

Hechos 12:7

Ënet ja Wintsën ja y'anklës ajotkumonë nyimiinë ets pujxn tëkoty jyajtäky. Tääts ja Pedro yajtoony, ojts yajyuxy ets yajnëmaay: Pëtë'ëk pojën. Tääts ja pujxntejpxy nyëpojtaay kyë'ëkëjxm,

Salmos 146:7

Yë'ë nyipaye'epy ja ja'ay mëti'ipë ëxëëk jajtp këpäjtpën, kyääkymyoopy jyi'kxymyoopy ja ja'ay mëti'ipë yuu'o'këpën. Yë Wintsën yaj'ëwaatsëpëtsëëmpy ja ja'ay mëti'ipë tsumy matsy ijtpën.

Mateo 28:2

Ajotkumonë tyëjkëy naaxwiinyëtë yu'kxpë, jä'ä ko tu'uk ojts ja Dios ja y'anklës tsyoony tsajpjotm ets kyëtäky naaxwiinyëtë, jam jut'ëkë'ëm nyäpyëjktakë ets tjëkëëy ja mëjtsaa mëti'ipë ënety ja jut y'akë'ë'ajtypyën.

Isaías 42:7

Ntsojkpyës ets xyaj'ijxë'ëkëty ja wiints, xyaj'ëwaatsëpëtsëmëty ja tsumjyä'äy, mëti'ipë api'its akoots yajpatëpën.

Salmos 102:20

ets tmëtoowkukëja'any yë jyi'iyënëty yaxënëty ja tsumjyä'äytyëjk, ets tyajtso'oka'any ja ja'ay mëti'ipë yi'iyë y'ëwxijnëp ja o'kën;

Apocalipsis 11:13

Ënätyë ja ujx myiiny mëk ets niwëxtujk mil ja ja'ay y'o'ktë ko tu'kpëky ja majk pëkpyë kajpn kyuja'awnajxy mëët ja ujx, e ja ja'ay mëti'ipë ka'ap y'o'ktën, yajxon tsyë'ëkëtë ets tmëja'awëtyë ja Dios ja tsajpjotmëpë.

Isaías 61:1

Ja Wintsën ja myëk'ajtën y'oyajtën tyaa yajpaaty mëët ëjts, jä'ä ko tëëjës yë Wintsën xykyënu'kxy; të xykyexyës etsës njotkujkmo'ojëty ja ëyoopëja'aytyëjk, nyajtso'ok nyaj'akëta'akëtyës ja jëëpyë yaxpë, nyaj'ëwaatsëpëtsëmëtyës ja tsumpyë matsypë, njuutëtyës pujxn tëkoty mëti'ipë natëk nawa'akë të yajmatsyën;

Salmos 79:11

Mëtoow'it yë y'ëjën tyu'kën yë tsumjyä'äytyëjk, ets yajnitso'ok mëët yë mmëkajtën yë ja'ayëty mëti'ipë jyëjp'ijxtëpën ja o'kën tëko'oyën.

Apocalipsis 6:12

Ko ja Kupixyny U'unk tyaj'ëwatsy ja mëtëtujkpë ja tsa'ayën, ënätës n'ijxy ko mëk ja ujx nyäjxy. Ojts ja xëëw yëk jyajta'ay, ijxtëm yëk witën mëti'ipë ja'ay pyëjktaktëpën ko pën y'ooky; ja po'o tsapts y'awinpijty ijxtëm ja ne'pynyën,

Salmos 68:6

Dios yë'ë myoopy yë jyëën tyëjk mëti'ipë atu'uk yajpatpën ets mëti'ipë winwa'atstuuy juukyajtpën, yajpëtsëëmpy yë tsumjyä'äy pujxn tëkoty ets tyajjotkujkë ma jyuuky'ajtënën; Ja ja'ayëty mëti'ipë käjpxykyumëmëtoownajxtëpën jam nëjkx tsyëënëtë ma ka'ap tii y'ity wyintëyën.

1 Reyes 13:28

Ënet ja mëjja'aypyë käjpxynyajxpë ojts nyijkxy, ma jam ja o'kpën, tu'ujotm tpaty, tamnëm nyatänëty ja kaa ets ja krukts. Ja mëj kaa ka'ap ënety tsu'utsynyëm ja o'kpë, nän ka'ap ënety wi'ix të tuny ja krukts.