Hechos 16:25 - Biblia Dc en Mixe de Quetzaltepec

²⁵ Tsu'umkujk ënety, tap tmëtowtë ja wiinkëtypë ja pujxntëjkja'ayëty ko ja Pablo mëët ja Silas tyëjkëtyë Dios mëkajpxpë ets tkuuy'ëwtë.

Biblia Mixe de Quetzaltepec

²⁵ Tsu'umkujk ënäty, tap tmëtowtë ja wiinkëtypë ja pujxntëjkja'ayëty ko ja Pablo mëët ja Silas tyëjkëtyë Tios mëkajpxpë ets tkuuy'ëwtë.

Hechos 16:25 ပူးပေါင်းရင်းမြစ်များ

Santiago 1:2

Mëku'uktëjkëty, akujk jotkujk miits mnäjyawëtëty ko xymyënax xyajnaxtë ja ëyo'on jotmay kanaakjëjp.

Salmos 119:62

Ko kyujkytsyu'um'aty, jääjës npëtë'ëky etsës nyajnaxy yë kukkajpxën ja'awëkyëtakkën ma mijtsën, mëët ko ja m'aaw m'ayuk y'oyëty ets tyiyajtënëty.

Romanos 5:3

Ka'ap yi'iyë ntukxoontakmëty ja jotkujk'ajtën, näjyëtu'un ko n'ëyo'owmëty, jä'ä ko nnija'awëm ko ja ëyo'on yë'ë xyajmëkpëjkëm ets nmëmëtakmëty.

Salmos 77:6

wa'atsës nja'amyetsy koos ijty n'ëy nyä'äxy koots. Maas yë njot nwinma'anyën nmay ntajyës etsës kë'ëm näyyajtëyë.

Hebreos 5:7

Ko Kristë jyuuky'äjty yaa naaxwiiny mëk'äämpy ojts tmënu'kxtä'äky ets tmëjë'ëy tmëyä'äxy ja Dios, pën mëpaat yaj'ëwaatspëtsëmyë ma ja o'kënën, e ja Dios wa'ats ojts myëtoyë jä'ä ko kyäjpxykyupëky.

Efesios 5:19

Nämyëkajpxëtë nixim niyam mëët ja tsajpkäjpxy, ëwtë ya'axtë ets tukxoonta'aktë mëti'ipë ja Dios yajmëjnajxypën.

Colosenses 1:24

Jotkujkës näjyawëty ko miits nku'ëyowëtë, jëtu'unës nyajkä'pxy ja ëyo'on maas ja njot nini'kxën, mëti'ipë ja Kristë kyayajka'pxën ma tku'ëyo'owëyën ja mëpëjkpëtëjkëty, mëti'ipë yë'ë nyi'kx'ajtyp kyopk'ajtypyën.

Romanos 12:12

Juuky'atë jotkujk ko xyjyëjp'ixtë ja oypyë ja juukyajtën. Mëtänëtë amëk jotmëk ja ëyo'on. Nijëna'a ja Dios ja'amyäjtsk xykya'ëxmatstëty.

Salmos 50:15

Mëkajpxkës ko ënety mijts mon tuk myajpaaty; ëjts mijts nyajnitso'okëp ets jëtu'unës mijts xy'oyjawëty.

Job 35:10

je'eyëp ko ka'ap yë'ëjëty yë Dios t'ixta'atë mëti'ipë të yajkojëtën, mëti'ipë mëjaawmooyëtëpën xëmë oy jënu'un kyootsëty,

Isaías 30:29

E miitsëty ni'ikyë nëjkx mxoonta'aktë, ni'ikyë nëjkx m'ëwtë mya'axtë jëtu'un tä ja'ay xyëëwtunyën tu'ktsu'um; jotkujk nëjkx yajpaatë mjot mwinma'anyëty ijxtëm ja'ay tkuuy'etsyën xuxpë wojpë ko nyijkxy jam kajpnjotm ma ja Wintsën ja tyun kyopkën, ma ja Israel ja'ayëty tmëët'atën ja tsoktakn.

Salmos 71:7

Janty mëj'ixyës yë ja'ay muum xyjyawë, e jam ma mijtsën Wintsën jamës yë tsoktakn npaaty.

Salmos 34:1

Kënu'kxyës yë Wintsën yë xyëëw njawëjanëyë oy tyimjëna'a xëëwëty, xëmës nikajpxa'any oy.

1 Pedro 4:14

Xoonta'aktë pën jää pën ëxëëk mnikajpx mnimëtya'akëtë ko ja Kristë xymyëpëktë, jä'ä ko ja Dios Jya'awën ijtëëp jam ma miits ja mjot mwinma'anyëtyën.

Filipenses 2:17

Oyës jeexyë nja'o'kpë ets nwintsë'kën'atyës ets jëtu'un kya'pxëty ja wintsë'kën mëti'ipë myajktëpën ma Tiosën ko të mëpëktë, jotkujkës näjyawëty ets xoontakpës mëët miitsëty.

2 Corintios 6:10

Jëtu'unës nyaj'ixtë maaytyëp tajtëpës yowë, je'eyëp ko jotkujkës n'itë; ëyoowtëpës nyaj'ixtë, je'eyëp nyajjotkujktaktëpës may ja ja'ay; jëtu'un kyëxë'ëky ka'apës yowë tii nmëët'atë, e nmëët'ajtaaytyëpës winë.

Hechos 5:41

Ënet ja ijxpëjkpëtëjk pyëtsëëmtë juntëjoty, akujk jotkujk tsyo'onëtë, jä'äkyëjxm ko ja Dios ënety të tyajkutuky ets y'ëyo'onpaatëty ko ja Jesús tnikäjpxy tnimëtya'aktë.

Zacarías 3:8

Mëtoow'it yajxon mijts Josué, mijts mniwintsën'ajtyp yë teetytyëjkëty ets wä'än tmëtowtë näjyëtu'un yë mmëku'uktëjkëty mëti'ipë näjyëtu'un teety'ajtëpën, jä'ä ko miitsëty jëtu'un mnaxtë tä tu'uk ijxpätën mëti'ipë yajktëpën yë käjpxynyajxpëtëjkëty: Ëjts nyajminäämpyës yë ntuunpë, mëti'ipë jëtu'un tä Kepyji'tskën.

Salmos 119:55

Wintsën, ko kyoots'aty mijts nja'amyejtsyp; ëjts nkuuytyunäämpyës mijts yë m'ijxpëjkën.

Salmos 42:8

Yë Wintsën xytyuknikäjxpës yë tsyojkën jya'awën xëëny; e ko kyoots'aty ëëp yaxpës jää, etsës yë Dios nmëkäjpxy mëti'ipës xyajjuuky'ajtpën.

Lucas 22:44

Ma ja Jesús y'ëyoyën ets ja Dios mëktä'äky tja'amyetsyën, nëkoo ja pyëxyik nyajtsxä'kxënë ijxtëm ja ne'pynyën.

Salmos 91:15

Koos xymyëkajpxëty, n'ëtsowäämpyës; ëjts kë'ëm yajpaataanp mëët yë'ë. Nyajpëtsëmäämpyës ma ënety myony tyukyën etsës nyajnaxa'any kumay;

Salmos 77:2

Koos ëjts mon tuk nyajpaaty, yë Wintsën yë'ëjës pojën n'ixtääpy ets ninu'unës nkapo'kxy, nxajë'kpyës yë nkë'ë xëëny koots ets njanty Tyios mëkäjpxyës. Yë njot n'anëmës ninu'un kyajjotkujk'aty.

Santiago 5:13

Pën jam pën myony tyuk ma miitsëtyën, wä'än ja Dios tja'amyetsy. Pën jam pën akujk jotkujk yajpaaty, wä'än ja Dios tkuuy'iy.

Salmos 22:2

Dios mëti'ipës nTios'ajtypyën, xëëny koots njamëkäjpxy, e mijts ka'ap ma m'ëtsoy. Ëjts ka'apës yë po'kxën n'ëk'ijxnë.

Hechos 15:22

Ënet ja ijxpëjkpëtëjk mëët ja mëjja'aytyëjk ets ni'ëmukë ja mëpëjkpëtëjk twin'ijxtë mëti'ipë mëët nyëjkxtëty ja Pablo ets ja Bernabé jam Antioquía. Yë'ë ojts tnikajpxpätë ja Judas, mëti'ipë näjyëtu'un yajtijpën Barsabás ets ja Silas, mëti'ipë ënety mëj'äämpy ijtpën ma ja mëpëjkpëtëjkëtyën.

Hechos 16:19

Ko ja to'oxy'ëna'k ja wyintsën t'ijxtë ko ka'ap y'ëkmeenypyatnëtë, ënät tmajtstë ja Pablo ets ja Silas, ets ojts tyajnëjkxtë ma ja kutuunkën, jap kajpn'ikujky.

Hechos 16:33

Näy ënätyë ja pujxntëjk këwent'ajtpë ojts tpujy ja Pablo ets ja Silas ja tsyëtyutëty ets nyëëpäjtë ni'ëmukë mëti'ipë tsënaaytyëpën jam ma jyëën tyëjkën.