Hechos 16:15 - Biblia Dc en Mixe de Quetzaltepec

¹⁵ Tää ojts nyëëpety mëët ni'ëmukë mëti'ipë jam tsënaaytyëpën ma tyëjkën. Täätsës xymyënu'kxtaktës ets y'ënäny: Tuntë mëyajtën, mintë maas yë ntëjkën, pën m'oyjya'awëtëp miits koos nmëpeky ja Wintsën. Ënätës kwanë ojts xyajnëjkxtë.

Biblia Mixe de Quetzaltepec

¹⁵ Tää ojts nyëëpety mëët ni'ëmukë mëti'ipë jam tsënaaytyëpën ma tyëjkën. Täätsës xymyënu'kxtaktës ets y'ënäny: Tuntë mëyajtën, mintë maas yë ntëjkën, pën m'oyjya'awëtëp miits koos nmëpeky ja Wintsën. Ënätës kwanë ojts xyajnëjkxtë.

Hechos 16:15 ပူးပေါင်းရင်းမြစ်များ

Génesis 19:3

Yë Lot ni'ikyë y'ënaan'ëtë'ëtsy ets ja ja'ay wyë'ëmtëty, ënätnëm ojts tkupëktë ets tpanëjkxtë ja Lot ma ja tyëjkën. Ko ojts jya'të, ënät yë Lot tyaj'o'oyëy ja a'ux, ojts tyaj'oyë tsajpkääky jëtu'unyë tsäk ka'apë tsyooymyëëtëtyën ets y'a'ux'ajtë ja'ajtakpëty.

Génesis 33:11

Mëyajtënës mpëjktsoopy ets ya'atë xy'ëxajëty mëti'ipë yam ntuknimiimpyën, mëti'ipë yam namo'ojäämpyën. Ëjts tëëjës yë Dios xypyutëk xypyupety, tëës xyajjotkujktä'äky ets nitiijës tyam xykyatëkoy'ajtxë. Yë Jacob ni'ikyë tjanty'ënëmaay'ëti'itsy ja y'äjty Esaú, koonëm tukkupëjky ja mëti'ipë nyamo'ojäämpyën.

2 Reyes 4:8

Tëkok ma ënety tyu'uye'eyën yë Elisejë, jam nyäjxy ma Sunem kajpnën, jam tu'uk yë to'oxytyëjk mëj'äämpyë wyoowë kääpyë, mëti'ipë ënety jam tsënääpyën. E ja Elisejë ko xëmë ijty jam nyäxy ets jam kyäy ma tääpë to'oxytyëjkën.

Mateo 10:41

Pën ja Dios ja kyäjpxynyajxpë kyupëjkpy jä'ä ko kyäjpxynyajxpëty, nän yajmo'ojëp ja kuma'ayën mëti'ipë ja Dios kyäjpxynyajxpë ënety yajmoopyën; ets pën ja oyjyä'äy kyupëjkpy jä'äkyëjxm ko y'oyjyä'äyëty, nän yajmo'ojëp ja kuma'ayën mëti'ipë ënety ja oyjyä'äy yajmoopyën.

Mateo 3:6

Tmaaywyatstë ja pyoky ets ja Juan yajnëëpätëtë Jordán nëëjotm.

Lucas 14:23

Tääts ja wintsën ja tyuunpë t'ënëmaay: Nëjkx mjëtity kajpnpa'a kajpn nux ets xywyoowminëty yë ja'ay atsip koonëmës yë ntëjk y'utsëty.

Lucas 24:29

Ënet mëktä'äky t'ënëmaaytyë: Wë'ëm mëët ëëtsëty, jä'ä ko po'oxy tyamnë, tëë kyootsënyë. Tääts ja Jesús tyëjkëy tëkoty ets ojts mëët wyi'imy.

Hechos 11:14

Yë'ëts mtuk'ëwaanëtëp wi'ix mnitso'okëtyën mijts ets mëët ni'ëmukë mëti'ipë tsënaaytyëpën ma mjëën mtëjkën.

Hechos 16:31

Ënet ja Pablo ets ja Silas t'ëtsoowinpijtë: Mëpëk ja Wintsën Jesukristë ets mnitso'okëty mëët ja m'u'unk mto'oxytyëjk.

Hechos 16:33

Näy ënätyë ja pujxntëjk këwent'ajtpë ojts tpujy ja Pablo ets ja Silas ja tsyëtyutëty ets nyëëpäjtë ni'ëmukë mëti'ipë tsënaaytyëpën jam ma jyëën tyëjkën.

Hechos 16:34

Tää ja Pablo ets ja Silas wyoowëtë ja pujxntëjk këwent'ajtpë ma tyëjkën kääpyë ukpë. Janty jotkujk nyäjya'awëyë mëët ja jyä'äy ko ënety tëë ja Dios tmëpëktë.

Hechos 18:8

Jamts ënety ja Crispo, mëti'ipë ja tsajptëjk nyiwintsën'ajtypyën. Ojts mëët ja y'u'unk tyo'oxytyëjk myëpëky ma ja Wintsënën. Näyjyëtu'un ja Corinto ja'ayëty nimay myëpëjktë ma Tiosën ets nyëëpäjtë.

Hechos 8:12

Ko ja Felipe ojts nimëtyä'äky ja aaw ayuk oypyë mëti'ipë ja Dios kyutujkën'ajtypyën ets näjyëtu'un nimëtyäky ja Jesús ja jyä'ä, tääts tmëpëjktë mëti'ipë ja Felipe kyäjpxypën ets nyëëpäjtë ye'etyëjk to'oxytyëjk.

Hechos 8:38

Ko jëtu'un y'ënäny, tää ja kepy wintëkäämpë tyajwa'ak'o'oyëtë ets nimäjtsk ojts nyëjkxtë nëëjotm. Jamts nyëëpejty ja Etiopíë ja'ay.

Romanos 16:23

Mkajpxpo'kxëtëp ja Gayo, jam maas nja'ajtä'äkyën, ma ja mëpëjkpëtëjk ye'eymyuktën. Mkajpxpo'kxëtëp näjyëtu'un ja Erasto, mëti'ipë ja kajpn meeny pyëjkë'kpyën ets ja nmëku'uk'ajtëm Cuarto.

2 Corintios 12:11

Jëtu'unës yam nkäjpxy nmëtyä'äky ijxtëm tu'uk ja ja'akyupojën, je'eyëp ko miits të xy'akwanë'atës etsës jëtu'un n'ëtë'ëtsëty. Jä'ä ko miits mjapatëtëp jeexyë oy xynyimëtya'aktës, ëjts ka'apës tii nkëjxmëty ma tääpë ja'ayëtyën mëti'ipë nätyijëtëp mëj ayuk käjpxynyajxpë. Ma yë'ëjëtyën, ëjts ka'apës tii ntsowëty.

2 Corintios 5:14

Ja Kristë ja tsyojkën jya'awën yë'ë yajpatp ma ëëtsëtyën maju'unëm yajnijawën ko tëë tku'o'këtyä'äy ja ja'ay, ets ja ja'ay jëtu'un ni'ëmukë të y'o'kta'atë.

Gálatas 6:10

Paaty, oy tyimjëna'ajëty, ntu'unmëp ja oypyë ma ja ja'ayëtyën ets yë'ë ka'ap nja'atyëko'omyëty yë nmëku'uk'ajtëmë mëti'ipë näjyëtu'un mëpëjktëpën.

Efesios 1:1

Ëjts Pablo, Jesukristë y'ayuk kajpxwa'kxpë mëët ko ja Dios jëtu'un të tuknipëjktaakë. Yë'ëjës ya'atë noky ntuknikäjxtëp mëti'ipë ja Dios jä'ä''ajtëtëpën ets myëpëjktëp ja Kristë Jesús jam Éfeso.

Filipenses 1:7

Jëtu'un pyaat'atyë ko miits nmëmay nmëtajtëty, jä'ä ko mëk miits n'oyjyawëtë ets jä'ä ko nän mëët miits n'itë ma ja Dios ja kyënu'kxënën, oyës tsumy matsy nyajpaaty ëkë oyës ja kutuunktëjk nwinkuwa'akëty, ja oy aaw oy ayuk jootjoty nwinma'anyjyotyës yajpaaty.

Filemón 1:17

Jëtu'un, pën xymyëku'ukja'apës mijts, kupëk ijxtëm jeexyë ëjts kë'ëm xykyupëkyën.

Hebreos 13:2

Këtii xyjyä'ätyëkoytyëty ja oyjä'äyajtën; oyjyawëtë mëti'ipë ja'ajtëpën ma ja mjëën mtëjkëtyën; jä'ä ko jëtu'un jënaakën të tuntë, ka'ap tnijawëtë ko tsajpjotmëtë kukäjpxy të tyajjajta'aktë.

1 Pedro 5:12

Ja nmëku'uk'ajtëm Silvano, mëti'ipë oy tsuj ja Dios myëtuumpyën, yë'ëjës yam yë noky xytyukputëjkëpës ma miits yam nkajpxwijtën ets ntuknijawëtë ko ja kënu'kxën mëti'ipë të xy'ëxajëtën yë'ë yajnikëxë'kpy ja mëtëypyë ja Dios ets ja tsyojkën jya'awën. Yë'ë jëtu'unpë tsojkën ja'awën xëmë mmëët'atë.

2 Juan 1:10

Pën jam pën mtukninëjkxëtë ja ijxpëjkën mëti'ipë ja Kristë ka'ap tjä'äjëtyën, këtii xyajtëkëtëty mtëkoty ets ni xykyakajpxpo'kxtëty.

3 Juan 1:5

Jëëky myëku'uk, oy ko xymyëtuny ja Dios mëtëy ma ja mmëku'uk'ajtëmën, ets ma ja mëti'ipë tso'ontëpën wiinktsow.

3 Juan 1:8

Paatykyëjxm ëëtsajtëm xypyattëm ets nyajja'ajtakmëty, jä'ä ko tu'ukyë nmëtu'unëm ja Dios.

1 Samuel 28:23

E ja Saúl ka'ap ja kyääky kyupëjky, ja to'oxytyëjk ets ja tsyiptuunpëtëjk mëktä'äky y'ënëmaayëtë ets kyäyëty, täänëm kyääy. Tääts pyëti'ky oywyi'ix ets jam kyëxwe'tsy wëëtykyijxy.