Hechos 15:33 - Biblia Dc en Mixe de Quetzaltepec

^33-35 Ko wäänë jyaak ijty, ojts ja mëpëjkpëtëjkëty mëët akujk jotkujk nyäjyëkajpxnëtë ets tyajwinpitëty ja mëti'ipë ënety të tkäxtën. Ja Pablo ets Bernabé jam ojts Antioquía wyë'ëmtë ets mëët ja wiinkëtypë ja myëku'uktëjk, jëtu'un ja ja'ay tjaakyaj'ijxpëjktë, tnikajpx tnimëtya'aktë ja Wintsën ja y'aaw y'ayuk.

Biblia Mixe de Quetzaltepec

^33-35 Ko wäänë jyaak ijty, ojts ja mëpëjkpëtëjkëty mëët akujk jotkujk nyäjyëkajpxnëtë ets tyajwinpitëty ja mëti'ipë ënäty të tkäxtën. Ja Pablo ets Bernabé jam ojts Antioquía wyë'ëmtë ets mëët ja wiinkëtypë ja myëku'uktëjk, jëtu'un ja ja'ay tjaakyaj'ijxpëjktë, tnikajpx tnimëtya'aktë ja Wintsën ja y'aaw y'ayuk.

Hechos 15:33 ပူးပေါင်းရင်းမြစ်များ

1 Corintios 16:11

Jëtu'unts ka'ap pën xypyäxtëty. Putëkëtë miits wäänëni'ik etsës yam xynyiminëty mëët ja myëku'uktëjk, maas yam njëjp'ixtën.

Hebreos 11:31

Ets ko myëpëjky ja ku'into'oxy Rahab ka'ap ojts y'ooky mëët mëti'ipë ja Dios kyamëmëtoowtëpën, jä'ä ko tëë ënety oy tsuj tyajjajtä'äky mëti'ipë ja Israel ja'ay kyäjxtën ijxpë tuunpë.

Hechos 16:36

Ënet ja pujxntëjk këwent'ajtpë t'ënëmaay ja Pablo: Tëës ja kutuunktëjk xytyuk'ënä'ämtë ets n'ëxmatstëty. Oy mnëjkxtëty akujk jotkujk.

Génesis 26:29

Ko mijts xynyikajpxëty, ko ka'apës ëxëëk xytyuna'antë, wi'ix mijts ka'ap pën m'anax m'amayëty. Nikë ni'ikyë mijts oy të myajjawë ets ko mtso'ony ma ëëts yë nkajpnëtyën, mëët yë oyjyot oywyinma'any mijts myaj'ëxmajtsy. E tyam mëj këjää yë Wintsën mkënu'kxyë.

2 Juan 1:10

Pën jam pën mtukninëjkxëtë ja ijxpëjkën mëti'ipë ja Kristë ka'ap tjä'äjëtyën, këtii xyajtëkëtëty mtëkoty ets ni xykyakajpxpo'kxtëty.

Marcos 5:34

Tä ja Jesús t'ënëmaay ja to'oxytyëjk: U'unk, paaty të mtso'oky jä'ä koos të xymyëpëky. Nëjkx akujk jotkujk ets tso'oky akëtä'äky xëmë m'itëty.

Éxodo 4:18

Ënet ja Moisés wyimpijty ma ja myë't ja tyëjkën ets t'ënëmaay: Tyam kopkpëky ko nëjkxëtyës jap Egiptë, ma jap tsyëënëtën ja njëëky nmëku'ukës. Yë'ëjës nëjkx n'ixa'antë etsës nijawëja'any, pën jap jyaak juuky'atë. Oy, ka'ap tääpë wyi'ixëty, tyam nkexy oy tsuj, jëtu'un ojts y'ëtsoyë ja Jetro.

Hechos 15:22

Ënet ja ijxpëjkpëtëjk mëët ja mëjja'aytyëjk ets ni'ëmukë ja mëpëjkpëtëjk twin'ijxtë mëti'ipë mëët nyëjkxtëty ja Pablo ets ja Bernabé jam Antioquía. Yë'ë ojts tnikajpxpätë ja Judas, mëti'ipë näjyëtu'un yajtijpën Barsabás ets ja Silas, mëti'ipë ënety mëj'äämpy ijtpën ma ja mëpëjkpëtëjkëtyën.