Hechos 15:28 - Biblia Dc en Mixe de Quetzaltepec

²⁸ Tëë ja Kënu'kxymyëkajtën t'oyjyawë ets ëëtsëty ka'ap miits tii ntuknipëktëty ets xytyuntëty mëti'ipë ka'ap kyopkpëkyëtyën:

Biblia Mixe de Quetzaltepec

²⁸ Tëë ja Kënu'kxymyëkajtën t'oyjyawë ets ëëtsëty ka'ap miits tii ntuknipëktëty ets xytyuntëty mëti'ipë ka'ap kyopkpëkyëtyën:

Hechos 15:28 ပူးပေါင်းရင်းမြစ်များ

Juan 16:13

Ko ënety myiny ja Kënu'kxymyëkajtën, mëti'ipë ja tëyajtën yäjkpyën, yë'ë nëjkx tu'kë'ëyë mtuk'ijxpëkëtë ja tëypyë jaantypë, jä'ä ko ka'ap kyë'ëm winma'any tnikajpxa'any, yë'ë nyikajpxäämpy mëti'ipë myëtoopyën ets mtuk'ëwaanëja'anëtë mëti'ipë tunan jatanëpën.

Mateo 11:30

Yë ijxpëjkën mëti'ipë miits tyam ntuk'ëwa'anëtëp, ka'ap tsyipë; etsës ja ntu'unën, jëtu'un jä'ä ijxtëm tu'uk ja tsëmy mëti'ipë ka'ap jye'emtyëtytyën.

Apocalipsis 2:24

E miitsëty, mëti'ipë jam ijtëpën Tiatira, pën ka'ap yë'ë xypyanëjkxtë ja jëtu'unpë ijxpëjkën ets ni xykyanijawëtë ja mëjku'u ja y'ijxpëjkën mëti'ipë tyijtëpën ja Mëjku'u ja yu'utsypë ja y'ijxpëjkën, tyam n'ënëëmëtë ko ka'ap tii tuunk njaaktimtyuknipëka'antë.

1 Pedro 1:12

Dios tyuk'ijx tyuknija'awëy ja kyäjpxynyajxpëtëjk ko ka'ap yë'ëjëty tuk'oy'ata'antë mëti'ipë kyajpxwa'kxtëpën, miits mtuk'oy'atantëp. Tëë ënät tyam miits xy'ixtë xypyaatë mëti'ipë ojts yë'ë tkajpxwa'kxtën ko ojts yajtuk'ëwaanëtë ja aaw ayuk oypyë Kënu'kxymyëkajtën mëët mëti'ipë tsajpjotm tso'onpën. Kukäjpxy paat ojts jëtu'unpë tjanijawëja'antë.

1 Corintios 14:37

Pën jam pën nitu'uk nyäjyawëty ko Dios käjpxynyajxpë ëkë ko Kënu'kxymyëkajtën winma'anymyooyëp, nyijawëp ko mëti'ipë yam ntuknija'ayëtëpën Dios jëtu'un të tni'ënä'ämë.

1 Corintios 7:40

Ëjts jëtu'unës nja'ëna'any ko wäänë jotkujk tsyëënëty pën ka'ap jatëkok pyiky. Jëtu'unës nmay ntajy ets Dios yë jya'awën jëtu'un xyaj'ënaanpës.

Hechos 15:19

Tääts ja Santiagë jyaak'ënany: Jëtu'unës nmëmay nmëtajy, ko ka'ap yowë tjëkyepy n'atsip'ajtmëty mëti'ipë ka'ap jyutiis'atën ets tëë t'ëxmatstë ja poky ets të tmëpëktë ja Dios.

Hechos 15:8

Dios, mëti'ipë wa'atsën nyija'awëp wi'ix ja ja'ay ja y'aaw jyot tu'uktu'uk tmëëtëtyën; tëë tyajnikëxë'ëky ko yë'ë kyupëjkpy ja ja'ay wä'än tpënëty, paaty ja Kënu'kxymyëkajtën ojts tmo'oy ijxtëm ëëts ojts xymyo'oyëmën.

Hechos 5:32

Ijxpë nija'awëpë ëëts të n'itë, näjyëtu'un ja Kënu'kxymyëkajtën, mëti'ipë ja Dios Teety të tmo'oyën ja ja'ayëty mëti'ipë mëmëtoowëpën.

1 Tesalonicenses 4:8

Paaty n'ënëëmëtë, pën ya'atë ijxpëjkën kyamëjpëjktäkpy, ka'ap nyaaxwiinyëtë ja'ayëty tkamëjpëjktä'äky; Dios ënety kyamëjpëjktäkpy, mëti'ipë miits mmooyëtëpën ja Kënu'kxymyëkajtën.

1 Corintios 7:25

Ka'apës tii ënä'ämën nmëët'aty etsës pën n'ënëëmëty ets ka'ap pyëkëty, ka'apës ja Wintsën tii të xytyuk'ëne'emy; ëjts jëtu'unës nnikäjpxyp ijxtëmës nja'akyukën, tä tu'uk yë ja'ayën mëti'ipë yë Wintsën oyjya'awëyëpën.

Hechos 15:25

Paaty ëëts yajxon të nkäjpxy'atë etsës të nikajpxpätë ja nmëku'ukëtyës mëti'ipë nëjkx jam mku'ixëtën mëët ja nmëku'uk'ajtëmë ja Pablo ets Bernabé,

Mateo 23:4

Je'emtyëty tpëjkta'aktë ja tsëmy kë'ëy, ijxtëm ja ja'ay ka'ap myäyëtëty tpatsëmtëty; ets atsip ja ja'ay tukpatsëmtë winë. E yë'ëjëty nitu'knu'unën ja kyë'ë kyejky mëpaat tkatukpaatë ja tsëmy kë'ëy.

Hechos 16:4

Ënet tsyo'ontë ets ojts nyëjkxtë maajaty ja kajpnën. Jamts tnikäjpxy tnimëtyaktë wi'ix ja ijxpëjkpëtëjk mëët ja mëjja'aytyëjk ënety të tyaktën ja kajpxwijën jam Jerusalén.