Hechos 15:18 - Biblia Dc en Mixe de Quetzaltepec

¹⁸ Ja Wintsën, mëti'ipë winë të tyaj'ixyën tëëyëp, yë'ë të y'ënä'äny.

Biblia Mixe de Quetzaltepec

¹⁸ Ja Wintsën, mëti'ipë winë të tyaj'ixyën tëëyëp, yë'ë të y'ënä'äny.

Hechos 15:18 ပူးပေါင်းရင်းမြစ်များ

Isaías 44:7

¿Pënës xy'ëkmëpaatëp? Wä'än tkäjpxy ets wä'än xytyukmëmëtyä'äkyës. ¿Pën ëka'any të tnikäjpxy mëti'ipë tunan jatanëpën, mëti'ipë miimp këtakpën?

Isaías 45:21

Kajpxtë ets aakmëët nyiwa'kpäjn tii xynyimëtya'akëty, pën m'ënantëp näyajtëwëtë nixim niyam. ¿Pën ojts ëka'any ya'atë jëtu'unpë tnikäjpxy? ¿Pën ojts mtuk'ixëtë tëëyëp? ¿Këtii y'ëjtsëtyë, maas nxëëwatyën Wintsënë?. Ka'ap ma wiinkpë Dios jëtu'unpë tä ëjtsën. Ka'ap maa wiinkpë Dios mëti'ipë mëtakpën tsipjoty ets mëti'ipë yajnitsokpën.

Amós 9:12

ets Israel ja'ayëty tjä'ä'atëty jatëkok mëti'ipë jam Edom të jyaakwë'ëmyën ets ma wiinkëtypë naax kajpnën mëti'ipë yë Israel ja'ay ijty nyitënaaytyëpën. Jëtu'un yë Dios të kyäjpxy ets pyatunäämpy ja y'aaw y'ayuk.

Zacarías 14:7

Tu'kxëëw je'eyë y'ita'any, yi'iyë nëjkx yë Dios tnijawë. Ka'ap yaj'ixa'any jëna'a ënety kyoots'aty jä'ä ko tu'ukyë nëjkx ja xëëw nyäxy ma ënety të tjapaatyën jeexyë kyootsë.

Mateo 13:35

Paaty ya'atë tyuunë jyajtë ets y'atëwëty mëti'ipë Dios tyukkajpxnajxën ja kyäjpxynyajxpëtëjkëty: Mëëtës yë Ijxpät nmëtya'aka'any; nikajpxëpës mëti'ipë ka'anëm yajnijawën ko naaxwiinyëtë tsyo'ontäky ets tyampaat.

Mateo 25:34

Ets ja yajkutujkpë t'ënëëmëja'any ja mëti'ipë y'a'oytsyowën: Mintë miitsëty, mëti'ipë ja Dios Teety të kyënu'kxëtën. Ëxajëtë ja kutujktakn mëti'ipë miitsëty të myajtuknipëjktaakëtën ko ojts ja Dios tyajkojy ja naaxwiinyëtë.

Hechos 17:26

Dios pyëjktak ja ye'etyëjk mëti'ipë ja naaxwiinyëtë ja'ay tyeety'at tyaak'atëpën, jëtu'unts tyajwintukëty tu'kë'ëyë ja naaxwiinyëtë, ets tëë tmo'oy ja xëëw jëmëjt mapaat tyajjuuky'ata'anyën,

Efesios 1:11

Tiosës të xywin'ixy etsës ja kuma'ayën n'ëxajëty ko ja Kristë mëët n'ityës, jëtu'un ijxtëm të tuknipëjktaakën yë Dios mëti'ipë tu'kë'ëyë winë tyuunpyën ijxtëm tsokyën.

Efesios 1:4

Dios të xywyin'ijxëmë ko ja Kristë të nmëpëjkëmë naamka'anëm ënety ja naaxwiinyëtë tsyo'ontä'äkynyëm ets jëtu'un wa'ats n'ijtmëty wyintuuy mëët ja tsyojkën jya'awën.

Efesios 3:9

Ja Dios, mëti'ipë tu'kë'ëyë winë yajkojën, yë'ëjës të xytyuknipëky etsës ja ja'ay ntuk'ëwaanëtëty mëti'ipë tyuknipëjktakëpën, mëti'ipë ijty ja ja'ay ka'ap nijawëtën.

2 Tesalonicenses 2:13

E ëëtsëty xëmës nkukajpxëtë ja Dios mëët miitskyëjxmëty, jëëky mëku'ukëty mëti'ipë Dios tsojkëtëpën; jä'ä ko yë'ë të mwin'ixëtë ets jëyëjp xypaatëty ja nitsokën mëët ja Kyënu'kxymyëk'ajtën, mëti'ipë mëtëyën ets mëti'ipë të myajpokywya'atsëtën ko të xymyëpëktë.

1 Pedro 1:20

Jëtu'un ojts tëëyëp ja Dios tuknipëjktaakë ka'anëm ënety ja naaxwiinyëtë kyojnyëm. Tyam tëë ja myiny jyä'ty ets miits xytyuk'oy'atëty.

Apocalipsis 13:8

Ja naaxwiinyëtë ja'ayëty wyintsë'ëkëjantëp ja mëj jëyujk, mëti'ipë ja xyëëw ka'ap jap myintën kuja'ay ma ja nokyën mëti'ipë myë'ijtypyën ja Kupixyny U'unk ja jyuukyajtën, mëti'ipë ja ja'ay yajkruuts päjtën.

Apocalipsis 17:8

Yë mëj jëyujk mëti'ipë të xy'ixyën, yë'ë ja mëti'ipë të jyuuky'ätyën, ka'ap ja tyam maanë. Jäänëm ja pyëtsëma'any ëyoowtaknjoty ka'anëm ënety nyijkx ma kyutëkoyä'änyën; ja ja'ayëty mëti'ipë ja xyëëw ka'ap kyuja'ayëtyën jap nokyjoty ma ja ja'ay ja xyëëw myintën mëti'ipë xëmëkyëjxm juuky'ajtëpën, yë'ë nëjkx mëk tjawëtë ko t'ixtëty jatëkok ja mëj jëyujk mëti'ipë të jyuuky'ätyën ets ka'ap tyam maanë, je'eyëp ko minaanp jatëkok.