Hechos 14:27 - Biblia Dc en Mixe de Quetzaltepec

²⁷ Ko jyajtë jam Antioquía, ënät ojts tyajmujkta'atë ja mëpëjkpëtëjk ets tukmëmëtyaktaaytyë wi'ix ënety ja Dios të tyunyën ma yë'ëjëtyën ets wi'ix ja Dios ja nyë'ë tyu'u të tyaj'ëwa'atsyën ko näjyëtu'un të myëpëktë mëti'ipë ka'ap jyutiis'atën.

Biblia Mixe de Quetzaltepec

²⁷ Ko jyajtë jam Antioquía, ënät ojts tyajmujkta'atë ja mëpëjkpëtëjk ets tukmëmëtyaktaaytyë wi'ix ënäty ja Tios të tyunyën ma yë'ëjëtyën ets wi'ix ja Tios ja nyë'ë tyu'u të tyaj'ëwa'atsyën ko näjyëtu'un të myëpëktë mëti'ipë ka'ap jyutiis'atën.

Hechos 14:27 ပူးပေါင်းရင်းမြစ်များ

1 Corintios 16:9

jä'ä ko tëëjës ja ntu'u y'ëwa'atsy oymyaajëty etsës ja ntuunk nyajwintu'upëkëty, oy pën wiink tja'ixy.

Hechos 15:12

Tääts ni'ëmukë y'ëmoontaaytyë ets t'amëtoow'ijtë ko ja Pablo ets ja Bernabé nimëtyaktë wi'ix ënety ja Dios të pyutëkëtën ko ja mëj'ajtën tyaj'ixëtë ma ja ja'ay ka'ap jyutiis'atën.

Colosenses 4:3

Tuknija'amyäjtsëtëkës ja Dios ets ja në'ë tu'u y'ëwa'atsëty ets nkajpxwa'kxëtyës ja Kristë ja y'aaw y'ayuk, mëti'ipë ijty kayajnija'apën ets mëti'ipës tsumy nku'ijtëpën.

2 Corintios 2:12

Koos nja'ajty jam Troas etsës nkajpxwä'kxy ja oy aaw oy ayuk ma Kristë yajnimëtyä'äkyën, ja nWintsënës yaj'ëwats ja nnë'ë ntu'ujës.

1 Corintios 5:4

Ko miits mye'eymyuktëty, tam'ataanpës ja njot nja'awën ets näjyëtu'un jyam'ata'any ja Wintsën Jesukristë ja myëk'ajtën.

1 Corintios 11:18

Mëtu'kpëky ëjts të nyajtukmëmëtyä'äky ko miits mye'eymyuktë, ma ja Dios xywyintsë'ëkëja'antën, këëkjä'ä xyajtu'uye'eytyë ja mtuunkëty; e ëjts nmëpëjkpyës.

Romanos 15:18

Ka'apës nnätyuk'a'ixëty tii nimëtya'aktëty, yi'iyës nimëtyäkpy mëti'ipë ja Kristë të tunyën ëjtskyëjxm etsës nputëkëty mëti'ipë ka'ap jyutiis ja'ay'atën ets ja Dios tmëmëtowtëty. Ya'atë yë'ë mëët wyintu'upëky ja käjpxy mëtyä'äky ets ja tuunk,

Hechos 11:18

Ko jëtu'un tmëtoowtë ja Jerusalenkëtë mëpëjkpëtëjkëty, tää amonyë wyë'ëmtaaytyë ets ja Dios tmëjja'awëtyë: Tyam yajja'akyukë ko tëë jëtu'un ja Dios tuknipëjktaakë ets näjyëtu'un tpaatëty ja juukyajtën xëmëkyëjxmëpë mëti'ipë ka'ap jyutiis'atën, ko ja y'ëxëëk winma'any të t'ëxmatstë.

Juan 9:10

Ënet tyajtëëwtë: ¿Wi'ix tyam m'ijxnë?

1 Corintios 15:10

E ja Dios tëë ja myëj'ajtën tuny, paatyës të xykyupëky ets ja mëyajtën mëti'ipë të tunyën ka'ap ja nyatëkë'aty. Nikë tëëjës wäänëni'ik ntuny këtiinëm ja wiink ijxpëjkpëtëjkëty; je'eyëp ko ka'ap y'ëjtsëty kë'ëm, Tiosës të xypyutëkë mëët ja y'oyjyot y'oywyinma'any.

1 Corintios 14:23

E ko ënety ja mëpëjkpëtëjk të ye'eymyuktë ets ja Dios jap tja'amyätstë ets aak wiink ayuk kyajpxtëp ets ja ja'ay wiinkpë tyëkëty mëti'ipë ka'ap myëpëkyën, jëtu'un ja wyinmayëty ko tëë mlokëjajta'atë.