Hechos 13:6 - Biblia Dc en Mixe de Quetzaltepec

⁶ Tääts ja Chipre itjot tuknajxtë ets jyajtë jam ma Pafos kajpnën. Jamts tpatë tu'uk ja jutiis mëti'ipë xëëwmääpyën, jä'ä xyëëwajtyp Barjesús, Dios kyäjpxynyajxpë nyätyijyë.

Biblia Mixe de Quetzaltepec

⁶ Tääts ja Chipre itjot tuknajxtë ets jyajtë jam ma Pafos kajpnën. Jamts tpatë tu'uk ja jutiis mëti'ipë xëëwmääpyën, jä'ä xyëëwajtyp Barjesús, Tios kyäjpxynyajxpë nyätyijyë.

Hechos 13:6 ပူးပေါင်းရင်းမြစ်များ

Mateo 7:15

Näkyëwent'atëtë ma tääpë win'ë'ëmpëtëjkëtyën mëti'ipë nätyijëtëp ko Dios myëtuuntëp. Jëtu'un janty yujy janty tëtä'äky mniminëtë kupixynyën, e jap jyootjoty jëtu'un jyä'äy'atë pa'ukën.

1 Juan 4:1

Mëku'uktëjkëty jënu'un miitsëty myajtsok myajjawëtën, këtii aak xymyëpëktëty mëti'ipë ënantëpën ko ja Dios yajkajpxëtë, jëwyiin xy'ixtëty xytyuntëty yajxon pën myëët'ajtëp ja Kënu'kxymyëkajtën ëkë pën ka'ap. Jä'ä ko tää may naaxwiiny yë win'ë'ëmpë mëti'ipë nëkoo nätyijëtëpën ko Dios tmëtuntë.

2 Corintios 11:13

yë'ëjëty, ka'ap yë'ë'atë mëti'ipë mëtëy ijxpëjktëpën, win'ë'ënpë yë'ëjëty mëti'ipë näpyëjktakëtëpën ijxtëm ja Kristë ja y'ayukkäjpxynyajxpën.

Marcos 10:46

Tääts jyajtë jam Jericó. Ko ja Jesús ënety të kyajpnpëtsëmy mëët ja y'ijxpëjkpëtëjk ets ja mayjyä'äy. Jam tu'u ëkë'ëm tu'uk ja ja'ay wiintspë y'u'unyë mëti'ipë xyëëwajtypyën Bartimeo, ja Timeo y'u'unk.

Mateo 24:24

Jä'ä ko minantëp ja ja'ayëty mëti'ipë nëjkx nyätyijëtën Kristë ets mëti'ipë nätyijëtëpën Dios kyäjpxynyajxpë; nëjkxëp tyaj'ixëtë ja mëj'ajtën ets wi'ix kawi'ixëty nëjkx winë tuntë ets yë'ëpaat nëjkx yajwin'ëëntë mëti'ipë ënety ja Dios të twin'ixyën.

Mateo 16:17

Ënet ja Jesús y'ënëmaayë: Akujk jotkujk mijts, Simón, Jonás yë myaank, jä'ä ko ka'ap jyä'äyëty të mtuknijawëty, Dios Teety tsajpjotmëpë yë'ë të mmo'oyë jëtu'unpë winma'any.

Zacarías 13:3

paaty ko ënety pën kyäjpxynyaxa'any ets tukajpxpätëty yë Dios, yë'ë nëjkx kë'ëm tyeety tyaak y'ënë'ëmxëty: Mijts m'ookëp ënät, jä'ä ko mwin'ëënaanp je'eyë ko m'ëna'any ko yë Dios yë y'aaw y'ayuk xynyikajpxanëyë. Kë'ëm nëjkx ja tyeety tyaak tyukmoxmëtijëty ja tëypyujxn ko ënety nyäyajnaxyë käjpxynyajxpë.

Éxodo 22:18

Këtii xyajwë'ëmëty juuky yë to'oxytyëjk, mëti'ipë kajpxpojkpën, myaj'ookëp ënätyë.

Apocalipsis 19:20

E yajmajts ja mëj jëyujk mëët ja käjpxynyajxpë win'ë'ëmpë, mëti'ipë ënety ja mëj jëyujk ja myëj'ajtën të tyaj'ijxën yë'ë wyintuuy, ijxtëm ja Dios ja jyä'äjën ets tukwin'ëëny mëti'ipë ënety të tkupëktën ja mëj jëyujk ja tsya'a ets të twintsë'ëkëtë ja awinax. Ënet ajuukyë nimäjtsk yajkujëpijpëtyë ma ja mejy tyoyën mëët ja azufre.

2 Timoteo 3:8

Ets jëtu'un ijxtëm ja Janes ets Jambrés tmëtsippëjktën ja Moisés, näjyëtu'un tääpë ja'ayëty tmëtsippëktë ja tëyajtën. Ma'at yë wyinma'anyëty ets tëë ja myëpëjkën tyajtëkooynyëtë.

1 Crónicas 10:13

Jëtu'un ojts ja Saúl y'ooky tyëkoy, mëët ko ënety ka'ap oy winë të tuny, jä'ä ko myëtëjkëy ja poky, mëët ko tkamëmëtooy ja Wintsën ja y'ënä'ämën tyiyajtën ets mëët ko ojts ja najtsja'apë winë tyajtëëwnë

1 Reyes 22:22

ets të y'ëtsoy ko jä'ä ja käjpxynyajxpëtëjk tyuktëkëjäämpy ja jampë tyuntën ma ja yajkutujkpën ets jä'ä tkajpxtëty ja ka'apë myëtëyëtyën. Ënet ja Wintsën të y'ëtsoyë: oy tääpë winma'any, nëjkx jëtu'un tun.

Hechos 13:8

Tääts ja patooy panajxpë, Elimas, jëtu'un griego ayuk yajtijy, ojts t'akajpxë ja yajkutujkpë ets ka'ap tmëpëkëty mëti'ipë ja Bernabé ets ja Saulo nyimëtyaktëpën.

Hechos 13:13

Ënet ja Pablo mëët ja jyämyëët tuktëjkëtyë ja kepy nëëwinye'epyëjoty jam Pafos ets ojts nyëjkxtë Perge, ma ja Panfilia y'itjotmën. Jam ja Juan y'ëxmajtsëtë ets nyëjkxnë Jerusalén.