Hechos 13:36 - Biblia Dc en Mixe de Quetzaltepec

³⁶ Jä'ä ko ja David ojts oytyuny ma ja jyä'äyën ijxtëm ja Dios ënety tsokyën, ko ojts y'o'knë jam nyaaxtëjkëy ma ja tyeety y'apën ets ja nyi'kx kyopk ojts wyintëkoy.

Biblia Mixe de Quetzaltepec

³⁶ Jä'ä ko ja David ojts oytyuny ma ja jyä'äyën ijxtëm ja Tios ënäty tsokyën, ko ojts y'o'knë jam nyaaxtëjkëy ma ja tyeety y'apën ets ja nyi'kx kyopk ojts wyintëkoy.

Hechos 13:36 ပူးပေါင်းရင်းမြစ်များ

Hechos 2:29

Mëku'uktëjkëty, ëmuumtu'ukjot yam nëëmëtë ko ojts y'ooky ja n'ap'ajt nteety'ajtëmë David ets ojts nyaaxtëkë. Tää ja yaa yajpaaty ma ëëtsajtëmën ja it naaxwiinyëtë ma nyaaxtëjkëyën.

1 Reyes 2:10

Ojts ja David y'o'knë, jam nyaaxtëjkëy ma ja y'aptëjk nyaaxtëjkëtyën, ma yajtijyën David ja kyajpn.

Hechos 13:22

Ënet ja Dios ojts pyëjkëty ja kyutujkën ets tpëjktäky ja David yajkutujkpë, mëti'ipë nyikajpxën: Tëës npaaty ja David, Jesé y'u'unk, mëti'ipës ntukjotkëtäkpyën. Yë'ë ënät tyunëp mëti'ipës ntsojkpyën.

2 Samuel 7:12

e ko ënety tëë m'ënu'kxënyë ets ja m'o'kën wyinkoonë, ëjtsës kë'ëm nyajkutukäämpy ets tu'uk ja m'u'unk maay wyë'ëmëty ma ja mkutujktaknën, yë'ëtsës nëjkx xëmë nyaj'ëne'emy.

1 Crónicas 18:14

David yë'ë ojts y'ëne'emy ma tëkokyë ja naax kajpnën mëti'ipë ja Israel ja'ay nyitënaaytyëpën. David aak'oy winë tuuny ets mëtëy ojts winë tnipaye'ey ma ja naax kajpnën.

1 Corintios 15:18

Pën jëtu'un, mëti'ipë të y'ooktën ets myëpëjktë ja Kristë, nän tëëjën ja tyimkutëkoytyë.

1 Corintios 15:6

Ok ojts nyänyikëxë'ëkyë ma ja nimëkoxk mëko'px naxypyë ja mëpëjkpëtëjkëtyën. Tää nimay jyuuky'atënëm, jënaakën tëë y'o'knëtë.

Juan 11:39

Ets ja Jesús y'ënäny: Jëkë'ëtë yë tsaa. Ënet ja Marta, mëti'ipë ja o'kpë myëkä'äx'ajtypyën, ojts y'ënë'ëmxëty: Wintsën, tokxu'knëp yë'ënë, jä'ä ko tëë myajktaxk xëëwpäjnë ma nyaaxtëjkënën.

Salmos 49:14

Jëtu'unpë ja'ayëty o'kën tu'uwinye'eyëtëp jam ma o'kpëjutën, jëtu'un tä ja'ay yë kupixyny twoowye'eyën. Ko ënety xyiintyä'äky, yë oyjyä'äytyëjk yë'ë mëta'akantëp ma yë'ëjëtyën; yë jyot myëjaawëty nëjkxëp kyukëxë, ets o'kpë jut nëjkx xëmë tuktsëënëtë.

Salmos 49:9

Ets jyuuky'atëty xëmëkyëjxm ets kajëna'a yë o'kën kyatukja'tëtëty.

Job 21:26

Jap naaxjoty kyëtakta'atë, jap aak tu'knax yajpaatë; aak tsu'tsëtëp yë tënë'k ets pijky.

Job 17:14

Ëjts yë'ëjës nteety'äjtyp, ntaak'ajtyp ets nmëkä'äx'ajtyp yë tënë'k mëti'ipë jap o'kpëjutjoty yajpatëpën.

2 Crónicas 26:23

Ko ja Uzías ojts y'o'knë jam ojts nyaaxtëkë ma y'aptëjk nyaaxtëjkëtyën, mëët ko pu'uts pa'am ënety të yaj'ookyë. Yë myaank Jotam yë'ë ojts kyutëkëty ma ja kutujktaknën.

2 Crónicas 21:1

Yë Josafat ko ojts y'o'knë, jam nyaaxtëjkëy ma David ja kyajpnën, mëti'ipë y'ap'ajt y'ok'ajtën. Yë'ë kutëjkëyë myaank mëti'ipë xyëëwajtypyën Joram.

2 Crónicas 12:16

Roboam xëmë ojts mëët tsyiptuny yë Jeroboam.

2 Crónicas 9:31

ko y'o'knëy jam nyaaxtëjkëy ma David kyajpnën, mëti'ipë tyeety'ajtën. Yë'ë kutëjkëyë ma yajkutujktaknën ja myaank Roboam.

1 Crónicas 17:11

e ko ënety mijts m'o'knë mtëkooynyë, m'u'unk m'ok nëjkx tu'uk mpëjktä'äkyës ma kutujktaknën ets näjyëtu'un ja y'u'unk y'ok nëjkxëpës nyajkutujkpë'aty.

Génesis 3:19

Mëk mtunëty ets mpëxyikëtëty, täänëm ja mka'ayën m'ukën xypyaatëty, jëtu'un mjuuky'atëty koonëm m'awinpitëty jatëkok naax, ma ojts mtsoonyën. Jä'ä ko mijts naax mëët m'oytyunyëty ets naax jatëkok mkawinpita'any.

1 Tesalonicenses 4:13

Mëku'uktëjkëty, ka'apës ntsoky ets miits xykyanijawëtëty wi'ix ja o'kpëtëjk jyatën, këtiipë mjotmay'ooktëty ijxtëm ja ja'ayëtyën mëti'ipë ka'ap tii tjëjp'ixtën.

Hechos 20:27

jä'ä ko tëë xëmë ntuk'ëwaanëtë mëti'ipë ja Dios tsyojkpyën, ka'apës tii të nkuyu'utsy.

Hechos 7:60

Ko jëtu'un y'ënaantaay, tää kyoxtënaay ets mëk y'ënäny: Wintsën, këtii xytyukpoky'atëty ya'atë tuuntëko'oyën koos xyaj'ooktë. Ko jëtu'un y'ënaantaay, tääts y'o'ky.

1 Crónicas 11:2

ja Saúl oy ënety jä'ä jyayajkutuky, mijts je'eyëm ijty ja Israel ja nyaax kyajpn xywyinye'eyë. Ets yajnija'ap yajxon ko mijts tëë yë mWintsën mtuk'ëwaanëty ko mijts xywyinwowa'any ets myajkutuka'any ma ja nyaax kyajpnën.

1 Crónicas 29:28

Mëjja'ay ënätynyë ko ojts y'o'knë, jeky jyuuky'äjty, ojts ja wit meeny may tmëët'aty, tyuun kyajpx winë mëjwiin këjää, akäjpxy oymyaajëty y'ijty. Ko ojts y'o'knë yë myaank Salomón, yë'ë kutëjkëyë ma kutujktaknën.

Hechos 8:1

Oy ja Saulo tja'awëy ko ja Esteban tyaj'o'ktë. Jä'ä xëëw yajpajëtijtaktë ja mëpëjkpëtëjkëty, mëti'ipë ja Jesús myëpëjktëpën jampë tsyëënëtën Jerusalén. Ni'ëmukë, yi'iyë ja Jesús ja y'ijxpëjkpëtëjkëty ojts ka'ap yajpaatë, jä'ä ko ojts ënätyë ye'eywya'kxta'atë, ets nyëjkxtaaytyë maajaty ja Judea ets Samaria y'itjotmën.

Mateo 25:16

Ja tuunpë mëti'ipë ja meeny y'ëxajëyën mëkoxk mil, jä'ä ojts tyaj'u'unk'aty nän ja mëkoxk mil.