Hechos 13:34 - Biblia Dc en Mixe de Quetzaltepec

³⁴ Tëë ënety ja Dios tnikäjpxy ko tyajjuukpyëka'any ja Jesús ets ko nijëna'a ja nyi'kx kyopk kyawintëkoyä'äny. Jëtu'un y'ënä'äny jatu'kpëky: Nkuuytyunäämpyës ja wa'atspë ets ja mëtëypyë ja aaw ayuk mëti'ipës të ntukwinwanën ja David.

Biblia Mixe de Quetzaltepec

³⁴ Tëë ënäty ja Tios tnikäjpxy ko tyajjuukpyëka'any ja Jesús ets ko nijëna'a ja nyi'kx kyopk kyawintëkoyä'äny. Jëtu'un y'ënä'äny jatu'kpëky: Nkuuytyunäämpyës ja wa'atspë ets ja mëtëypyë ja aaw ayuk mëti'ipës të ntukwinwanën ja David.

Hechos 13:34 ပူးပေါင်းရင်းမြစ်များ

2 Samuel 23:5

Paatykyëjxmës ja n'u'unk n'okës amëk jotmëk yajpaatë ets akujk jotkujk yajpaatë ma Wintsënën, yë'ë ojts mëët tuny tu'uk ja ëëwtu'un käjpxytyu'unën mëët ëjts xëmëkyëjxm, tuknima'kxë yajxon y'ijty, kopkpëky ets oytyuny. Yë'ë xëmë të xyajmëtä'äkyës ets jëtu'un winë tyajtuny tyajjatyë tääjës ntimy tsyokyën.

Isaías 55:3

Nimiintëkës ets ja'akyukëtë n'aaw n'ayukës, mëtoow'ijtëkës ets mjuuky'atëty. Ëjts ntunäämpyës tu'uk käjpxytyu'unën xëmëkyëjxmëpë y'itëtyën, ets nyaj'atëwa'anyës ja waantakën mëti'ipës ja David ojts ntukwinwanën.

Jeremias 30:9

Ëjts nëjkx xymyëtuny, ëjts maas nxëëwatyën Wintsën, nëjkxëp tmëtuntë yë David, mëti'ipës npëjkta'akäämpyën ënä'ämpë yajkutujkpë.

Jeremias 33:26

nijëna'ajës nka'ixtija'any yë Jacob ets ntuunpës David yë y'u'unk y'ok, ka'apës nijëna'a ntu'u'ëtuka'any yë Abraham, Isaac ets Jacob y'u'unk y'ok ets yajkutuktëty. Jä'ä ko npa'ëyoowtëpës paaty jatëkok nyajjotkujkëja'antës.

Oseas 3:5

Ok jatëkok yë Israel ja'ayëty tniwinpita'antë yë Dios ets t'ixta'aja'antë, mëti'ipë Wyintsën'ajtëpën ets ja David mëti'ipë kyutujkpë'ajtëpën. Ko ënety tpaaty ja xëëw jëmëjt winta'ak naaxkow nëjkx tnimintë yë Wintsën ets tkukajpxëja'antë ko ënety jotkujk yajjuuky'atëtë.

Amós 9:11

Pyätyp ja xëëw jëmëjt ma ja David nkoj'oyëja'anyënës yë tyëjkxo'omy mëti'ipë ojts kyëtäyën. Nyaj'ëtujkta'ajäämpyës yë jut, nyajpëtë'kta'ajäämpyës yë potsy maajaty të jyutyën ets nkoj'o'oyëtya'aja'anyës mëti'ipëjaty të jyityën ets jëtu'un nyaj'awinpita'anyës tä ijty tëëyëpën ma ënety jyotkujk'atyën,

Zacarías 12:8

Ëjts Wintsën, nkuwa'anäämpyës yë Jerusalén ja'ayëty. Mëti'ipë ëmaay paki'ix yajpatëpën mëk nëjkx y'itë tä Davidjën ets David yë y'u'unk y'ok jëtu'un nëjkx yajpaatë Tiosën, jëtu'un tä yë Wintsën yë tsyajpjotmëtë kukäjpxyën mëti'ipë tu'uwinye'eyëtëpën.

Hechos 13:30

Ka'ap ojts ooky wyi'im, Dios jatëkok yajjuukpyëjkë.

Hechos 13:33

Ets të tkuuytyuny ets ntuk'oy'ajtmëty ko të tyajjuukpyijky ja Jesús jatëkok. Jëtu'un ijxtëm y'ënä'änyën ja mëmäjtskpë ja salmos: Mijts n'u'unk'ajtyp. Ëjts mijts të nyajkojy.

Hechos 13:37

E mëti'ipë ja Dios të tyajjuukpyikyën, ka'ap ja nyi'kx kyopk të wyintëkoy.

Hechos 2:24

E tëë ja Dios tyajjuukpyiky, ets tëë tyaj'ëwaatsëpëtsëmy ma ëxëëk të jyätyën ko të y'ooky, jä'äkyëjxm ko ka'ap ja o'kën tii mëk'ajtën tmëëtëty ets yaj'ookëtëty.

Romanos 6:9

Nnija'awëm ko ja Kristë të jyuukpyiky, ets nijëna'a jatëkok kya'ooka'any; ka'ap ja o'kën tii mëk'ajtën t'ëkmëët'ajnë ma yë'ëjën.