Hechos 13:26 - Biblia Dc en Mixe de Quetzaltepec

²⁶ Tääts ja Pablo jyaak'ënany: Mëku'uktëjkëty, Abraham yë y'u'unk y'ok, ets miitsëty ka'apë jyutiis'atën je'eyëp ko mmëpëjktaktëp ja Dios: ëëts jëtu'un ojts nyajtuknikäjxëm ja aaw ayuk mëti'ipë yajknitsokpën.

Biblia Mixe de Quetzaltepec

²⁶ Tääts ja Pablo jyaak'ënany: Mëku'uktëjkëty, Abraham yë y'u'unk y'ok, ets miitsëty ka'apë jyutiis'atën je'eyëp ko mmëpëjktaktëp ja Tios: ëëts jëtu'un ojts nyajtuknikäjxëm ja aaw ayuk mëti'ipë yajknitsokpën.

Hechos 13:26 ပူးပေါင်းရင်းမြစ်များ

Colosenses 1:5

Jä'äkyëjxm ko xyjyëjp'ixtë mëti'ipë të myajtuknipëjktaakëtën jam tsajpjotm. Tëë ya'atë jëtu'unpë xy'ëkmëtoowtëpë ko të xynyijawëtë ja tëyajtën ko të yajnimëtyä'ä ja oy aaw oy ayuk,

Efesios 1:13

Yajkukajpxëp ja Kristë, näjyëtu'un miitsëty ko të xymyëtowtë ja mëtëypyë ja aaw ayuk, oy aaw oy ayuk mëti'ipë yajnitsokpën ets xymyëpëjktë, jëtu'un ojts miitsëty mwë'ëmtë tä tii yajtsa'ayën mëët ja Dios ja jyot myëjaaw ets yë'ë mjä'ä'ata'anëtë.

Romanos 1:16

Ka'apës ntuktsëtyuny ja oy aaw oy ayuk, jä'ä ko ja Dios ja myëk'ajtën ets tpaatëty ja nyitsokën ni'ëmukë ja ja'ayëty mëti'ipë mëpëjktëpën, jëyëjp yë jutiis ja'ayëty ets näjyëtu'un ja ka'apë jyutiisëty.

Lucas 1:77

jëtu'unts ja ja'ay nijawëtëty ja nitsokën ets ja pyoky yajnimä'kxtëty.

Lucas 1:69

Tëë xytyuknikäjxëm tu'uk ja mëj yajnitsokpë, David yë y'u'unk y'ok, mëti'ipë ijty ja Dios myëtuumpyën.

Isaías 46:13

Ëjts tëëjës ntuknipëjktaakë ets jyää'atëty ja ëwaatsëtuuy'ajtën; yë nnitsokënës ka'ap mëpaat pyo'oxy ets ka'ap mëpaat jëkäm yajpaaty. Ëjts yë ëwaatsëtuuy'ajtën ntukpaatäämpy yë Sión kajpn, ëjts nmo'ojäämpy yë Israel ja'ayëty ja mëj'ajtën oyajtën.

Hechos 13:46

Ënet ja Pablo ets ja Bernabé ojts ja ja'ay amëk jotmëk tmëkajpxtë ets t'ënëmaaytyë: Israel ja'ayëty, kopkpëky ets miits ja Dios ja y'aaw y'ayuk jëwyiin myajtuk'ëwaanëtëty, jä'ä ko miits mjutiis'atë; e miitsëty ka'ap xykyupëktë ets ka'ap mnätyukmë'a'ixëtë ja juukyajtën xëmëkyëjxmëpë. Nikë oy ëëts nëjkxëty wiink kajpn ma ja ja'ayëtyën ka'apë jyutiis'atën.

Hechos 13:43

Ko ye'eywya'kxnëtë tsajptëkotm, nimay ënety ja jutiis ja'ay jam ets näjyëtu'un ja ja'ayëty mëti'ipë ënety të tmëpëjknëtën ja jutiis ja'ay ja myëpëjkënëty, jä'ä pyanëjkxtë ja Pablo ets ja Bernabé. Ënet ja Pablo ets ja Bernabé ojts tkajpxwijtë ja ja'ayëty ets nyäyaj'itëtëty mëët ja Dios ja tsyojkën jya'awën.

Hechos 10:35

kyupëjkpy pën wintsë'këyëp ets pën tyuunpy mëti'ipë paat'ajtëpën.

Hechos 5:20

Nëjkxtë jam ma mëjtsajptëjkën ets xytyuk'ëwaanëtëty ja ja'ay ya'atë aaw ayuk mëti'ipë yajjuuky'ajtpën.

Hechos 4:12

Ka'ap maa wiinkpë yajnitsokpë, ka'ap maa naaxwiinyëtë apëtsëmy ja ja'ay mëti'ipë ja Dios të xymyo'oyëmën ets xyajnitsokmëty.

Lucas 24:47

ets yajkajpxwa'kxëty ma tu'kë'ëyë ja kajpnën, Jerusalén tsyo'onta'akëty, yajtuk'ëwaanëtëp ets tyajtëkatstëty ja wyinma'any, wä'än ja Dios tmëpëktë ets ja pyoky yajnimä'kxtëty.

Mateo 10:6

jam mnëjkxtëty ma Israel ja'ay y'itjotmën. Yë'ë jëtu'un ijtëp ijxtëm ja kupixyny tyëkoy'ityën.

Mateo 3:9

këtii nëkoo mnätyukmëjjawëtëty tii ets m'ëna'antëty: Abraham ëëts nteety'ajt n'ap'ajtëp, ka'apës Dios xyaj'ëyowtëty. Tyam miits nëëmëtë ko Dios mayëtëp ets tsaa tyaj'awinpitëty Abraham y'u'unk y'ok.

Hechos 16:17

Ja to'oxy'ëna'k ojts ëëts xypyatsoontë, ets y'ënäny mayjyä'äyjoty: Ya'atë ye'etyëjkëty, Dios ni'ik këjxmëpë myëtuuntëp. Yë'ë mtukmëmëtyakëtëp wi'ix xypyaatëty ja nitsokën.

Hechos 3:26

Ko ja Dios tyajjuukpyijky ja y'u'unk, jëyëjp ojts miits mtuknikäxëtë ets mkënu'kxëtëty ets xy'ëxmatstëty ja m'ëxëëktu'un m'ëxëëk kajpxënëty.

Hechos 28:28

Tääts ja Pablo jyaak'ënany: Yë'ë mnijawëtëp, ko tyam ets jëtu'un tyu'uye'eyä'äny yë xëëw jëmëjt, ja Dios ja nyitsokën yë'ë yajmo'ojantëp ja ja'ayëty ka'apë jyutiis'atën, jä'ä ko yë'ëjëty mëtoowtëp yë'ëjëty.

Isaías 48:1

Mëtoow'it ya'atë aaw ayuk, miitsëty jënu'un yë Jacob t'u'unk'aty t'ok'atyën, mëti'ipë xyëëwajtëpën Israel, Judá y'u'unk y'ok. Mëti'ipë tii winë nyikajpxtëpën mëët yë Wintsën xyëëwkyëjxm, mëti'ipë y'ëwtajtëpën yë Dios, mëti'ipë yë Israel ja'ay Tyios'ajtëpën, wiinkë'ëy akë'ëy.

Salmos 105:6

miitsëty ninu'un yë Abraham m'u'unk'at m'ok'atëtën, mëti'ipë Dios myëtuunën, miitsëty ninu'un yë Jacob m'u'unk'at m'ok'atëtën, ets ninu'un win'ixy m'itën.

Isaías 41:8

Mëtoow'itë ya'atë aaw ayuk, miitsëty Israel ja'ayëty, mëti'ipë Jacob nyaax'ajtyp kyajpn'ajtypyën, ja ntuunpës mëti'ipës të nwin'ixyën, ja naax kajpn ma tsyëënëtën ja nmëku'ukës Abraham ja y'u'unk y'ok.

2 Crónicas 20:7

Wintsën, mëti'ipës n'ëwtajtëpën, m'ëxwojptaay ja ja'ayëty yaa, ma tyam tsyëënëtën ja Israel ja'ayëty ets yë'ë xykyë'ëmooy xëmëkyëjxm ja Abraham ja y'u'unk y'ok, mëti'ipë oy mëët mnäjya'awëyën.

Juan 6:68

Ënet ja Simón Pedro y'ëtsooy: Wintsën, ¿Pën n'ëkninëjkxtëpës? mijts yë'ë mnimëtyäkpy ja juukyajtën xëmëkyëjxmëpë.

Hechos 10:2

Xëmë ja Cornelio ijty twintsë'ëkë ja Dios, näjyëtu'un mëti'ipë tsënaaytyëpën jam ma tyëjkën, pyutëjkëp ijty ja ja'ay mëët ja wit meeny ko pën kyaka'ajtxëty ets xëmë tja'amyetsy ja Dios.

Hechos 22:5

Ets teety wintsën, mëët ni'ëmukë ja tsajptëkotyëtë yajuntë'ajtpë, yë'ë y'ijxtëp nyija'awëtëp koos nnëjkxy Damaskë. Yë'ës ja noky ijty xymooytyëp ets ja'ay nyajmintëtyës yaa Jerusalén ets yajtëytyuntëty.