Hechos 13:20 - Biblia Dc en Mixe de Quetzaltepec

²⁰ Jëtu'unts jyä'äjty taxk mëko'px ja kujkm jëmëjt. Ënet ja Dios myooyëtë ja paye'epyë koonëm ja Dios ja kyäjpxynyajxpë myiiny mëti'ipë xyëëwajtypyën Samuel.

Biblia Mixe de Quetzaltepec

²⁰ Jëtu'unts jyä'äjty taxk mëko'px ja kujkm jëmëjt. Ënät ja Tios myooyëtë ja paye'epyë koonëm ja Tios ja kyäjpxynyajxpë myiiny mëti'ipë xyëëwajtypyën Samuel.

Hechos 13:20 ပူးပေါင်းရင်းမြစ်များ

2 Samuel 7:11

Koos mpëjktäky ja ja'ay mëti'ipë nyitsiptuntëpën ja naax kajpn. Ëjts nëjkxëpës mijts ëwaatsëtum xëmë nyaj'ity ma ja mëtsiptëjkëtyën. Ets tyam näjyëtu'un ntuknijawë ko nmo'ojäämpy ja m'u'unk m'ok,

2 Reyes 23:22

Nijëna'a ënety jëtu'un ja ëmaayxyëëw kyayajmëjjawënëm ijxtëm tyamën, tyimtso'ontäky ma jyuukyajtën ja ja'ayëty mëti'ipë ojts mëk ja nyaax kyajpn nitsiptuntën jam Israel ets jääpaat ma të tyuntën ja yajkutujkpëtëjk jam Israel ets Judá.

1 Crónicas 17:6

Ix nu'unës mëët jeky të njëtitë, nitu'ukën ojts pën nka''amëtoyës mëti'ipë ojts tu'uwinye'eytyën ja nnaax nkajpnës ets tkojtëty ja ntsajptëjkës mëët yë oy kepy oytsyaa.

Hechos 3:24

Tëkokyë yë käjpxynyajxpëtëjkëty, tsyo'ontä'äky ma Samuel jyuuky'äjtyën, ojts nimëtya'aktë ko ënety jëtu'un jyata'any kyëpäta'any tä tyam yaj'ixyën.

Jueces 2:16

ojts twin'ixy tu'uk mäjtsk yë ja'ay mëti'ipë tsip'ixëtyën ets ja naax kajpn tu'uwinwowtëty ets tnitsiptunëty ma o'ktëy ja myëtsiptëjk tyunëtën.

Jueces 3:10

Ënet ja Wintsën ja myëk'ajtën y'oyajtën tuktëjkëy ja Otoniel ets ojts yë'ë tnitsiptuny yë Israel kajpn, ko ojts tnitsoony ja yajkutujkpë mëti'ipë xyëëwajtypyën Cusan-risataim. Dios ojts tu'ukyë tuk'ijxpety ets ojts yajmëtä'äkyë.

Rut 1:1

Jä'ä xëëw, jä'ä jëmëjt, ma ënety y'ënä'ämtën yë tsiptuunpë ja'ayëty tsip'ixypyë jam Israel kajpnjotm, ojts yë yuu xëëw y'ity. Paatykyëjxm ojts tsyo'onë tu'uk yë ja'ay, Elimélec xyëëwajtyp, jam kyukajpnëty Belén, Judá y'itjotm ets ojts nyijkxy tsënääpyë ma Moab y'itjotmën. Ojts twoownëjkxy yë tyo'oxytyëjk Noemi ets nimäjtsk yë myaank: tu'uk txëëwaty Mahlón ets tu'uk Quelión. Jä'ä yajtijtë Éufrates ja'ayëty, jä'ä ko jam tsyoontë Belén. Ojts jya'të jam Moab ets jam tsyënaaytyaknpëjktë.

1 Samuel 12:11

E mëët ko jëtu'un mëk ja Dios tmëmaaywyajtstë ënät tyuknikäjxëtë ja Jerubaal, Barac, Jefté ets ja Samuel ets yë'ë mputëkëtëty ets myajtso'okëtëty ma ja mëtsiptëjkëtyën ets jëtu'un'äämpy jotkujk mjuuky'atëty.

1 Samuel 3:20

Tu'kë'ëyë ja naax kajpy jampë yajpaatën ma Dan y'itjotmën ets ma txëëwatyën Beerseba ojts tnijawëtë ko yë Samuel yë'ë ënety tu'uk mëj Dios mëtuunpë mëti'ipë nyikajpxëpën ja Wintsën ja y'aaw y'ayuk jëwyiin jëyëjp.