Hechos 13:19 - Biblia Dc en Mixe de Quetzaltepec

¹⁹ Tääts ojts tyajkutëkoy wëxtujkpëky ja naax kajpn mëti'ipë ijtën Canaán ets ja nteety'ajt n'ap'ajtëmë yajmooytyë ja naax.

Biblia Mixe de Quetzaltepec

¹⁹ Tääts ojts tyajkutëkoy wëxtujkpëky ja naax kajpn mëti'ipë ijtën Canaán ets ja nteety'ajt n'ap'ajtëmë yajmooytyë ja naax.

Hechos 13:19 ပူးပေါင်းရင်းမြစ်များ

Deuteronomio 7:1

Yë Wintsën mëti'ipë miits mTiosajtëpën yë'ë mputëkëjanëtëp ets jam mja'tëty ma ja it naaxwiinyëtën mëti'ipë mjä'ä'atantëpën, ënät nëjkx xyajkutëkoytyë ja wëxtujkpë ja naax kajpn jampë yajpaatën mëti'ipë mëj'äämpy ijtëpën ma jotmëkja'ay tsyëënëtën. Yë'ë yajtijtëp ja Hit ja'ayëty, gergeseos ja'ayëty, Amor ja'ayëty, Canaán ja'ayëty, Ferez ja'ayëty, Heve ja'ayëty ets Jebús ja'ayëty.

Salmos 78:55

Ja ja'ayëty mëti'ipë ënety y'ëwtajtëpën wiink tios, ojts tjëpëky tjëtuny ma ja Israel kajpnën; ets nän yë'ë ojts kë'ëm tyajwä'kxy ja it naaxwiinyëtë ma tu'uktu'uk ja Israel ja'ayëtyën, ets ojts tmo'oy ja tsyënaaytyakn nitu'ukjaty ma jyuuky'atëtyën.

Hechos 7:45

Ja n'ap'ajtëmë yë'ë ojts yajtukumaytyë ya'atë wit tëjk; e ko ja Josué mëët ja jyä'äy myiintë ojts tmëmintë ya'atë wit tëjk ko tjä'äpëjktë ja naaxwiinyëtë mëti'ipë nyitsiptuuntën, mëti'ipë ja Dios y'ëxwojpën ma yë'ëjëtyën. Jam jeky y'ijty mapaat ja David yajkutujkyën.

Josue 19:51

Tëkokyë ya'atë it naaxwiinyëtë mëti'ipë yam të yajnimëtyä'äkyën, yë'ë ojts tyajwa'kxtë yë teety Eleazar, Josué ets mëjja'aytyëjkëty, aak ojts t'ijxpëtsëëmta'atë tä ënety nitu'ukjaty tyuka'ajëtën, jam Wintsën wyintum ma ja wit tëjk yajnitëkën ma ja näpyaatë y'ityën mëët yë Wintsën. Ya'atë jam ojts tyunyë jyätyë ma ja it naaxwiinyëtë txëëwatyën Siló. Jëtu'un'äämpy ja Israel ja'ayëty tëkokyë ja y'it nyaaxwiinyëtë tpëjktaaytyë.

Josue 14:1

Ya'atë ja it naaxwiinyëtë mëti'ipë yajmooytyën ja Israel ja'ayëty tä tu'uk ja kuma'ayënën mëti'ipë ojts tyajwa'kxtën ja teety Eleazar, Josué, yë myaank yë Nun ets ja mëjja'aytyëjkëty mëti'ipë nyikopk'ajtëpën ja Israel ja'ayëty.

Salmos 135:11

Ja Sihón, mëti'ipë ënety ënä'ämpën ma Amor ja'ayëtyën; ja Og, mëti'ipë ënety ënä'ämpën jam Basán ets tëkokyë ja yajkutujkpëtëjk mëti'ipë ënety jam ënä'ämtëpën Canaán.

Nehemías 9:24

Ënet yë'ëjëty jam jyajtë ets tnitsiptuuntë tääpë naaxwiinyëtë tääts tjä'äpëjktë ma txëëwatyën Canaán; yajxon ojts naxym xytyimpëjktä'äky tääpë ja'ayëty. Wä'än ënät tyam tnikäjpxy yë Israel ja'ay mëti'ipë ënety jam kunaax'ajt kukajpnajtëpën, näjyëtu'un ja y'ënä'ämpëty yajkutujkpëty.

Josue 24:11

Tää xytyuknajxtë ja Jordán mëjnëë ets mja'ajtë jam Jericó. Ja ja'ayëty mëti'ipë ënety jam tsënaaytyëpën Jericó, yë Amor ja'ayëty, Ferez ja'ayëty, Canaán ja'ayëty, Hit ja'ayëty, gergeseos ja'ayët, Heve ja'ayëty ets Jebús ja'ayëty ojts näjyëtu'un mnipëtë'ëkëtë e kajts xyajmëtaktë jä'ä koos ojts jëtu'un nyajkutuky.

Josue 23:4

Tëës yë naax nyajwa'kxta'ay ma miitsëtyën ets aak ijxpëtsëmy të nyajwä'kxyës. Ka'ap ënät yi'iyëty të nyajwä'kxyës mëti'ipë të yajniwä'äkyën, näjyëtu'un të nyajwä'kxyës mëti'ipë ka'ap yajniwä'äkynyëmën. Tä ja mëti'ipë jam tso'ontakpën ma Jordán nëë jyënäkyën ets jyä'ty a'oytsyow ma ja Mejyën Naax'akujkpyë.

Josue 18:10

Ënet ojts ja Josué tyajwä'kxy ja naaxwiinyëtë jam Siló ma ja Israel ja'ayëtyën, t'ijxpëtsëmtë mëët ja xyëëw pyo'o Dios wintum jënu'un tu'kpëky ja ja'ay pyäätyën.

Génesis 17:8

Mijts ets yë'ëjëty nmo'ojantëp yë naaxwiinyëtë jampë Canaán ma mijts tyam mtsëënën ets yë'ë tkuma'ayën'atëty, etsës ëjts nTios'atëty.

Génesis 12:5

Ojts yë tyo'oxytyëjk näjyëtu'un twoownëjkxy mëti'ipë xyëëwajtypyën Sarai ets ja tsyojkmaank mëti'ipë xyëëwajtypyën Lot. Näyjyëtu'un ojts tyajnëjkxta'ay tu'kë'ëyë jënu'un ënety winë tjä'ä'atyën ets ja tyuunpëtëjk ninaak tmëët'atyën jam Harán. Ko jyajtë jam Canaán,

Jueces 11:26

Ix jënu'un këjää të nyëjkxnë jëmëjt, tëkëëk mëko'px jëmëjt ma ëëts yaa ntsëënëtën yaa Hesbón, Aroer ets ma mutskëtypë kajpn ets ma ja kajpnën jampë yajpaatën pë'am ma Arnón mëjnëëjën; ¿Wi'ix ko ënätyë të xykyapaye'eytyë pën miitstën yë mjä'äjëty?

1 Reyes 6:1

Salomón jää ja tsajptëjk tkojtso'ontä'äky ma ënety mëmajktaxk jëmëjt tyajtu'uye'eyën ja jyëmëjt ma y'ityën yajkutujkpë jam Israel, yë'ë ënety aanp yë po'o mëti'ipë tyijtëpën Ziv, yë mëmäjtskpë, ma të nyajxnën taxk mëko'px jëmëjt maju'unëm tsyoontën jap Egiptë.

Isaías 34:17

Nitu'ukjaty tëë tmooytyä'äy y'ijtakn ets tëë tukni''ijxëtyä'äy maajaty y'itëtyën, ets jam yajpaata'antë winë xëëw winë kyëjxm.