Hechos 13:10 - Biblia Dc en Mixe de Quetzaltepec

¹⁰ ets t'ënëmaay: Mijts, win'ë'ënpë, mëjku'u y'u'unk. Mmëtsip'ajtyp tu'kë'ëyë mëti'ipë mëtëyën. ¿Tii ko xëmë xyajma'ata'any ja Wintsën ja nyë'ë tyu'u tëypyë?

Biblia Mixe de Quetzaltepec

¹⁰ ets t'ënëmaay: Mijts, win'ë'ënpë, mëjku'u y'u'unk. Mmëtsip'ajtyp tu'kë'ëyë mëti'ipë mëtëyën. ¿Tii ko xëmë xyajma'ata'any ja Wintsën ja nyë'ë tyu'u tëypyë?

Hechos 13:10 ပူးပေါင်းရင်းမြစ်များ

Génesis 18:19

Yë'ëjës të nwin'ixy ets yë'ë t'ënä'ämëty yë y'u'unk y'ëna'k, y'u'unk y'ok, ko tpatuntëty yë n'ijxpëjkënës ets tu'kë'ëyë mëti'ipë oyën ets tëyajtënën. Jëtu'un tjëkyäpëty näjyëtu'un ntunëtyës tu'kë'ëyë, winë mëti'ipës të n'ëwaanën ets tëëpës nikäjpxyën.

Génesis 3:15

Mijts ets to'oxytyëjk xëmë mnämyëtsip'atëtëty. Ets jëtu'un y'itëty ma m'u'unk m'okën ets ma to'oxytyëjk näjyëtu'un yë y'u'unk y'okën. Mkutä'änë'ëkëtëp yë y'u'unk y'ok ma nkëpajkën. Ets mijts nëjkxëp xytyekymyëtsu'utsë ma tyeky'ixpo'kxën.

2 Crónicas 17:6

Oy winë tuuny ets jä'ä ojts tpaye'ey ja në'ë tu'u oypyë mëti'ipë Wintsën tsyojkpyën, yajjëwa'ktaay tëkokyë ja tsajptëjk jampë muum tunkëjxm kopkkëjxm yajpaatyën ma ja Aserá ijty t'ëwtatën.

Eclesiastés 9:3

Yë'ë jëtu'un ya'atë ka'ap oy n'ijxmëty mëti'ipë naaxwiiny naaxkëjxy tuunëpën jajtëpën. Näyjyëtu'un ënät jatu'kpëky ja ayuk, yë naaxwiinyëtë ja'ay jä'ä xëmë myëmääpy myëtäjpy tuuntëko'oy kajpxtëko'oyën; ja tsuuwinma'any kupoj winma'any jä'ä nätyuk'ënä'ämëp mapaat jyuuky'ätyën; ets ko y'ooky tyëkoy nitëyë yajmënëjkxnë jutjoty.

Jeremias 23:36

Këtii pën jatëkok tyajtunëty yë ayuk mëti'ipë ënaanpën yë Wintsën yë y'akäjpxy. Ko pën jëtu'un y'ëna'anëty, nyajkutukäämpyës ets yä'än tyiytyunëtëty. Miitsëty tëkatsy yë juukpyë Wintsën yë y'aaw y'ayuk të xyajtuunkpatëtë, mëti'ipë miitsëty mTiosajtëpën, yë Wintsën mëti'ipë maaytyääyëpën winë.

Oseas 14:9

Mëti'ipë ja'ay wijyën ets këpetyën wyinja'ap ya'atë aaw ayuk: Mëti'ipë yë Wintsën tyu'u'ajtypyën tëy yë'ë, yë wa'ats ja'aytyëjkëty yë'ë jëtu'unpë pyanëjkxtëp; e yë pokyjä'äytyëjkëty ko jää jyaye'eya'antë pojën y'anäpëtë.

Mateo 13:38

e yë naaxwiinyëtë, yë'ë kam'ajtp. Ja oypyë tëëmt yë'ë ja ja'ayëty mëti'ipë yajpatëpën ma tsajpjotmëtë kuttujkën, e ja ëxëëk ujts yë'ë ja ja'ayëty mëti'ipë ja mëjku'u jä'ä'ajtëtëpën.

Mateo 15:19

Jä'ä ko jootjoty tsyoony ja ëxëëk winma'any, ënät ja ja'ay yaja'ay ooktë, tyajma'atë ja pëjkën ukën, nyämyëëttsëënëtë nixim niyam, myäätstë, y'anta'aktë ets nixim niyam nyäwyinkajpx nyäjyëjpkajpxëtë.

Mateo 23:13

Mon tuk miitsëty myajpaatë, yaj'ijxpëjkpëtëjkëty, mëti'ipë nyija'awëtëpën ja ënä'ämën tëyajtën, wiinkë'ëy akë'ëypyë oyjyä'äy mnäpyëjkta'akëtën. Ko miits xy'ëtuktë ja tsajpjotmëpë kuttujkën këtiipë jam pën tyëkëty. Ets ni miits mkatëkëtë ets ni yë'ë ja'ay xykyayajtëkëtë.

Mateo 3:7

Ko ja Juan Yajnëëpäjtpë t'ijxy ko may ja fariseë ja'ayëty ets satuceë ja'ayëty nyiminyë ets tyajnëëpätëty, ënät t'ënëmaay: Tsa'any miits mteety'ajt m'ap'ajtëp, ¿pën të m'ënë'ëmxëtë ko xykyukä'äktëty ja ëyo'on mëti'ipë miimp këtakpën?

Lucas 11:39

Tääts ja Jesús y'ënëmaayë: Miitsëty fariseë ja'ayëty, myajwatstëp nëkëjxy ja apëjk atu'unën. Jëtu'un miits mnäpyëjkta'akëtë ijxtëm jeexyë m'oyjyä'äy'atën, je'eyëp ko miitsëty ka'ap wya'ats'atë jä'ä ko je'eyë mtontë määtstë ets ja ëxëëkpë xytyuntë xykyajpxtë.

Lucas 11:52

Miitsëty tsajptëkotyëtë yaj'ijxpëjkpë mon tuk myajpaatë, mëti'ipë tëë xyjyä'äniwa'antën ja nija'awën; je'eyëp ko ka'ap mtëkëtë tëkoty ets ni xykyayajnaxtë ja wiinkpë.

Juan 1:23

Tääts ja Juan y'ëtsoowëtë: Ëjts ja aaw ayuk mëti'ipë yaxp jojkpën të'ëts'itjotm: Yaj'ëwa'atstë në'ë tu'u tëypyë ma Wintsën nyaxëtyën, jëtu'un tä yë käjpxynyajxpë Jeséas y'ënänyën.

Juan 8:44

Ja mëjku'u miits mteety'ajtëp, yë'ë miits mtuuntëp mëti'ipë yë'ë tsyojkpyën. Tëëyëp yë mëjku'u tyajtso'ontä'äky ko je'eyë yajja'ay'ooky. Nijëna'a tëypyë jaantypë tkatuny ets nijëna'a mëtëypyë tkakäjpxy. Ko wyin'ëëny, kyë'ëm jä'ä kyäjpxyp, jä'ä ko win'ë'ënpë yë'ë ets yë'ë yajtso'ontak ja win'ë'ënën.

Hechos 20:30

Näy tam jënaakën ma miitsëtyën mëti'ipë nëjkx wyin'ëënyën ets jëtu'un yaj'ixpëka'any ets ja mëpëjkpë pyanëjkxëtëty.

2 Corintios 11:3

E tsë'këpës ko jëtu'un mjatëty ijxtëm ja Eva ojts ja tsa'any wyin'ëënyën, paatyës njëjpjawë ko miits nëjkx näjyëtu'un myajwin'ëëntë ets miits xykya'ëktsojknëtëty ja Kristë mëët ja oyjyot oywyinma'any.

Gálatas 1:7

Tim tëypyë ka'ap ma wiinkpë aaw ayuk oypyë. Mëti'ipë tuunëp jajtëpën yë'ë ko tää ja'ay mëti'ipë yajma'atäämpyën je'eyë ja mmëpëjkënëty ets jëtu'un ja oy aaw oy ayuk mëti'ipë Kristë jyä'ä'ajtypyën tjayajtëkatsanë.

Efesios 4:14

Ka'ap jëtu'un n'ëkja'ay'ajtënëty ijxtëm ja pi'k ëna'kën, mëti'ipë maaymyiin maayxyëjptëpën, ka'apë tnijawëtën mëti'ipë tëy katëyën, mëti'ipë pojën myëpëjktëpën ko ja ja'ay nyë'ëmxëtë ets t'ëxmatstë ja ijxpëjkën mëtëypyë.

2 Pedro 2:15

Tëkoy y'ijnëtëp yë'ëjëty, jä'ä ko ja oypyë ja në'ë tu'u të t'ëxmatstë ets ja Balaam wyinma'any të tpanëjkxtë, ja Beor myaank mëti'ipë meeny jyajëpëkanën mëët ja ëxëëk winma'any.

1 Juan 3:8

Pën xëmë pokytyuunp, ja mëjku'u jä'ä'ajtëp; jä'ä ko yë mëjku'u ojts tyajtso'ontä'äky yë pokytyu'unën. Paatykyëjxm ja Dios U'unk të myiny yaa naaxwiiny ets tyajkutëkooytya'aja'any tu'kë'ëyë ja mëjku'u ja tyuunk.