Hechos 12:7 - Biblia Dc en Mixe de Quetzaltepec

⁷ Ënet ja Wintsën ja y'anklës ajotkumonë nyimiinë ets pujxn tëkoty jyajtäky. Tääts ja Pedro yajtoony, ojts yajyuxy ets yajnëmaay: Pëtë'ëk pojën. Tääts ja pujxntejpxy nyëpojtaay kyë'ëkëjxm,

Biblia Mixe de Quetzaltepec

⁷ Ënät ja Wintsën ja y'anklës ajotkumonë nyimiinë ets pujxn tëkoty jyajtäky. Tääts ja Pedro yajtoony, ojts yajyuxy ets yajnëmaay: Pëtë'ëk pojën. Tääts ja pujxntejpxy nyëpojtaay kyë'ëkëjxm,

Hechos 12:7 ပူးပေါင်းရင်းမြစ်များ

2 Samuel 22:29

Mijts Wintsën, xymyoopyës yë të'kxën jajën; mijts Wintsën, mëti'ipës nWintsën'ajtypyën xykyutë'kxpës, koos muum nkupi'its nkukootsë.

1 Reyes 19:5

Ets nyäkyo'kë jam kepypya'tkë'ëm, ojts myaanaxy. Ajotkumonë tu'uk yë Wintsën yë kyukäjpxy nyimiinë ets y'ënëmaayë: Pëtë'ëk, kay uuk.

1 Reyes 19:7

E ja Wintsën ja kyukäjpxy ojts jatëkok myiny ets tyijyu'kxë, tä y'ënëmaayë: Pëtë'ëk ets kay uuk, jä'ä ko yë mnë'ë mtu'u ni'ikyë yona'any.

Salmos 107:14

ojts yajpëtsëmëtë ma ënety yajpaatën akootstuuy ets ojts yaj'ëwaatsëpëtsëmëtë ma ënety yajpaatën tsum matsy mëët ja pujxntä'äky.

Salmos 116:16

Wintsën, ëjts mijts xytyuunpë'ajtp. Ëjts xy'u'unk'ajtp ja to'oxytyëjk mëti'ipë mmëtuunëpën. Mijts të xypyojtuky ja tejpxy mëti'ipës të nyajtuktsumyën.

Salmos 146:7

Yë'ë nyipaye'epy ja ja'ay mëti'ipë ëxëëk jajtp këpäjtpën, kyääkymyoopy jyi'kxymyoopy ja ja'ay mëti'ipë yuu'o'këpën. Yë Wintsën yaj'ëwaatsëpëtsëëmpy ja ja'ay mëti'ipë tsumy matsy ijtpën.

Salmos 34:7

Yë Wintsën kyukäjpxy kyuwäämpy ets yajtsokpy mëti'ipë oyjya'awëyëpën.

Salmos 68:6

Dios yë'ë myoopy yë jyëën tyëjk mëti'ipë atu'uk yajpatpën ets mëti'ipë winwa'atstuuy juukyajtpën, yajpëtsëëmpy yë tsumjyä'äy pujxn tëkoty ets tyajjotkujkë ma jyuuky'ajtënën; Ja ja'ayëty mëti'ipë käjpxykyumëmëtoownajxtëpën jam nëjkx tsyëënëtë ma ka'ap tii y'ity wyintëyën.

Isaías 37:30

Ënet ja Jeséas t'ënëmaay ja Ezequías: Ya'atë mtuk'ixëp ets xynyijawëty mëti'ipë tunan jatanëpën: Ya'atë jëmëjt yë'ë mkaytyëp yë tsajpmok mëti'ipë kë'ëm yonaanp muxaanpën, e kom tëkëëk jëmëjt jyëkyejpy mni'iptëty ets xyajpëtë'ëktëty ja mpëjktä'äkyëty, ijxtëm ja aaytyëëm ujts tëëmën ets aaypyajk ujts pajkën mëti'ipë mjë'kxtëp mpëktëpën.

Isaías 60:1

Pëtë'ëk mijts Jerusalén kajpn, nätyukwinpitët ja jajën të'kxën, jä'ä ko tëë ënät mnija'tyënëm ja të'kxën jajën, ets ja Wintsën ja myëj'ajt y'oyajtën yë'ë mkutë'kxëp.

Jeremias 40:1

Ojts yë Jeremías myëkäjpxyë yë Wintsën, tëë ënety yë Nabuzaradán yaj'ëwaatsëpëtsëmyë jam Ramá. Yë Nabuzaradán jam ojts tpaaty yë Jeremías mëët yë Jerusalén ja'ayëty ets Judá ja'ayëty tsumy matsy mëti'ipë ënety yajmënëjkxantëpën jam Babilonyë.

Ezequiel 43:2

etsës të n'ixy ko myiny ja Wintsën ja myëj'ajt y'oyajtën xëëwpëtsëmtsyow. Jëtu'un yajmëtoy tä nëë y'iitsy kyomyën ets ja naaxwiinyëtë të kyujajtä'äky.

Daniel 3:28

Ënet yujk'ënany ënätyë ja Nabucodonosor: Kënu'kxy mëjjawë nyaxëty yë Dios mëti'ipë y'ëwtajtëpën yë Sadrac, Mesac ets Abed-negó, mëti'ipë të tkexyën yë tsyajpjotmëtë kukäjpxy ets tyajtso'oky yë jyä'äy mëti'ipë oy mëtuunëpën, jä'ä ko yë'ëjëty ka'ap yë o'kën të tsë'ëkëtë ko të tkäjpxykyutëjtë yë yajkutujkpë jä'ä ko yë'ëjëty mëj tjëkyäptë yë Tyiosëty ets ka'ap të t'ëwtatë wiink tios.

Daniel 6:22

Yë nTiosës yë'ëjës të xytyuknikexy yë tsajpjotmëtë kukäjpxy, mëti'ipë të t'amë'pxta'ayën yë kaa këtiipës xytsyu'utstëty, jä'ä ko yë Dios nyija'ap koos ka'apës tii ntuuntëkoy ets ka'apës ma yajkutujkpë nmëtuuntëkoy.

Miqueas 7:9

Tëë yë Wintsën nmëtëkoyës, paaty nkupëka'anyës yë tsyip y'äkë; yë'ë pyaye'eyäämpy yë n'amay njotmayës ets yajxon ja paye'eyën tuna'any. Yë Wintsën xyajnëjkxaanpës jam ma jajën të'kxën ets xytyuk'ixa'anyës ko ënety myëtä'äky.

Habacuc 3:11

Yë xëëw ets po'o ka'ap jap pyëtsëmtë ma yu'utsy y'itën ko t'ixtë ja mëkpë ja mtë'kxën mjajën mëti'ipë ja mti'pxn myëët'ajtypyën ets ko t'ixtë ja mku'umën y'atë'kxy y'ajajy.

Habacuc 3:4

Wimpity myiny të'kxp jajp, jap kyë'ëjootjoty të'kxp jap jyajpëtsëmy ets yaj'ixy ko tap yu'utsy tmëëtëty yë kuttujkën

Mateo 2:13

Tëë ënety ja matsa'a ixtääpyë tsyoontë ko ja José ojts t'ixy kuma'ayjoty ja Wintsën y'anklës ets y'ënëmaayë: Pëtë'ëk ets nëjkx jap Egiptë mëët yë mëxu'unk ets tyaak. Jap m'itëty koonëmës nikajpxëty, jä'äkyëjxm ko ja Herodes y'ixta'ajäämpy yë mëxu'unk ets tyaj'ooka'any.

Lucas 2:9

Ajotkumonë ojts tu'uk yë Wintsën yë y'anklës nyänyikëxë'ëkyë ma ënety jam yajpaatën ets ja Wintsën ja myëj'ajt y'oyajtën tyë'kxkeky na'ëwtityë ets tsyë'këtyë.

Lucas 24:4

Tam ënety myäytyë tyajtë tii tyuntëpën, ko ajotkumonë t'ijxpatë nimäjtsk ja ye'etyëjk pyë'aayëty, ajajp atë'kxp ja wyitëty.

Hechos 10:30

Tääts ja Cornelio y'ëtsooy: Tyam mëmajktaxk xëëw ma ya'atpë horë yaa n'ayuu'atyës maas ntëjkën. Tiosës nja'amyejtsyp jënäkyxyëëw, ko ojts ajotkumonë n'ijxpaatyës tu'uk ja ye'etyëjk xywyintänës. Atë'kxp ajajp ja wyit kyëxë'ëky.

Hechos 12:23

Ënet ajotkumonë ojts ja Wintsën ja y'anklës yajpa'ampetyë, jä'ä ko ka'ap tmëjja'aw tjaantyja'awëy ja Dios. Ënet tyënë'këy ets y'o'ky.

Hechos 12:6

Jä'ä koots naamka'anëm ënety ja Herodes tpaye'ey ja Pedro, maap ënety jap ja Pedro tsiptuunpë itkujky, kë'ëtsumy tekytsyumy ets ëpëky ja soldadëty jap tëja'p kyëwent'atë.

Hechos 12:8

ets ja tsajpjotmëtë kukäjpxy y'ënëmaayë: Tuktëkë mwit ets tukwa'akë mkë'ëk. Ënet ja Pedro jëtu'un tpatuuny ets ja Wintsën ja y'anklës y'ënëmaayë: Nenyimu'uxët ets pamiinkës.

Hechos 16:26

Ajotkumonë ojts ja mëk ujx myiny ets ja pujxntëjk yu'kxpëjky, ënät ja pujxntëjk'aaw y'ëwatsy, näjyëtu'un kya'ataay ja tsumyjä'äy ja pyujxntejpxy pujxnëty.

Hechos 2:24

E tëë ja Dios tyajjuukpyiky, ets tëë tyaj'ëwaatsëpëtsëmy ma ëxëëk të jyätyën ko të y'ooky, jä'äkyëjxm ko ka'ap ja o'kën tii mëk'ajtën tmëëtëty ets yaj'ookëtëty.

Hechos 5:19

Tu'uk ojts ja Wintsën ja y'anklës myiny ets ja pujxntëjk tyaj'ëwatsy ets pyëtsëëmtë. Tääts y'ënëmaayëtë:

Hechos 9:3

Ko ënety jam jya'tanë Damaskë, ënät ojts ajotkumonë t'ijxpaaty tu'uk ja jëën mëk y'ajajy y'atë'kxy wyintuuy pyë'aay mëti'ipë tso'onpën tsajpjotm.

Efesios 5:14

Jä'ä ko ja ajajk atë'kxk tu'kë'ëyë tyajnikëxë'kta'ay. Paaty y'ënä'äny: Wijtë käjtë mëti'ipë jëtu'un ijtëpën tä ja'ay myä'äyën, pëtë'ëktë ets ka'ap m'ëk ijnëtëty ijxtëm ja o'kpën, jëtu'un ja Kristë mkujaj mkutë'kxëtëty.

Hebreos 1:14

Jä'ä ko ja tsajpjotmëtë kukäjpxy aak poj yë'ëjëty mëti'ipë Dios myëtuuntëpën ets yë'ë yajkäjxtëp ets nëjkx tputëkëtë mëti'ipë ja nitsokën të yajtukumaytyën.

Apocalipsis 18:1

Ko jëtu'un jyäjty, ënät wiinkpë ja tsajpjotmëtë kukäjpxy n'ijxyës, jam tsajpjotm tsyoony, mëk ja kuttujkën tmëkëtä'äky. Ojts ja naaxwiinyëtë tukjajëtyä'äy mëët ja jyajjën tyë'kxën.