Hechos 12:6 - Biblia Dc en Mixe de Quetzaltepec

⁶ Jä'ä koots naamka'anëm ënety ja Herodes tpaye'ey ja Pedro, maap ënety jap ja Pedro tsiptuunpë itkujky, kë'ëtsumy tekytsyumy ets ëpëky ja soldadëty jap tëja'p kyëwent'atë.

Biblia Mixe de Quetzaltepec

⁶ Jä'ä koots naamka'anëm ënäty ja Herodes tpaye'ey ja Pedro, maap ënäty jap ja Pedro tsiptuunpë itkujky, kë'ëtsumy tekytsyumy ets ëpëky ja soldadëty jap tëja'p kyëwent'atë.

Hechos 12:6 ပူးပေါင်းရင်းမြစ်များ

Génesis 22:14

Ok ojts ja Abraham ja xyëëw tpëjktä'äky ja itjotm: Yë Wintsën mëti'ipë yäjkpyën winë. Paaty tyampaat je'eyëm yajtijy ja kopk: Ma kopkën yäjkpy yë Wintsën mëti'ipë mëyajtpën.

Salmos 4:8

Akujk jotkujkës nyäkyo'okyë ets näjyëtu'unës nma'ay, jä'ä ko mijts Wintsën, mijtsës xyajjuuky'ajtp akujk jotkujk.

Jeremias 40:1

Ojts yë Jeremías myëkäjpxyë yë Wintsën, tëë ënety yë Nabuzaradán yaj'ëwaatsëpëtsëmyë jam Ramá. Yë Nabuzaradán jam ojts tpaaty yë Jeremías mëët yë Jerusalén ja'ayëty ets Judá ja'ayëty tsumy matsy mëti'ipë ënety yajmënëjkxantëpën jam Babilonyë.

Jeremias 40:4

Ëk'ix, tyam ntukë'ëkäjtu'utëty tääpë pujxntä'äky mëti'ipë mkë'ëtsum'ajtypyën. Pën m'ënaanp mmina'any mëët ëjts jam Babilonyë, ëjts mijts nkëwent'atëp; e pën kajts mmina'any jam Babilonyë, mëpaat mwë'ëmëty. Tam xymyëëtëty tääpë itjot naaxjot: mijts ix ma xy'oy'ixy.

Mateo 28:4

Ko ja tsiptuunpë t'ijxtë, tääts tsyëtyuupyëjktë mëët ja tsë'ëkë, o'kpën ojts kya'ata'atë.

Hechos 12:5

Jëtu'unts ja Pedro ojts jeky tsumy y'ity, ijx'ity këwent'aty, je'eyëp ko ja mëpëjkpëtëjk amëk jotmëk ja Dios tyuknija'amyätsëtë.

Hechos 21:33

Ënet ja mëj tsiptuunpë wintsën tmajtsy ja Pablo ets tni'ënä'ämëy ets yajkë'ëtsumëty mëët mäjtsk ja pujxntejpxy. Ok tyajtëy pën ja'ay ets tii të tuuntëkoy.

Hechos 28:20

Paatykyëjxm miits tyam nwoowtsowtë ko n'ixa'antë ets nmo'oja'antë ja aaw ayuk; jä'ä ko mëët yë'ëkyëjxm tyam pujxn mëët kë'ëtsumy n'ityës ets ja nkajpn'ajtëm, Israel kajpn ja ëwaatsë'ajtën tpaatëty.

Hechos 5:23

Koos jam të nja'të, ëtuky ja pujxntëjk të npaatës, tam ja këwent'ajtpë tyänëtë pujxntëjk ëkë'ëm. Koos ja pujxntëjk të nyaj'awa'atstë, ni pën jap të nkapaatës.

Efesios 6:20

Tëës ja Dios xykyexy etsës yë aaw ayuk oypyë nkajpxwa'kxëty, mëti'ipës të nkutsumtsyëënën. Ja'amyätstë ja Dios etsës amëk jotmëk nikajpx nnimëtya'akëty, ijxtëm pyäätyën.

Deuteronomio 32:26

E jëtu'un nëjkx jyatë kyëpätë, jä'ä koos tëëjës ënety ntuknipëjktaakë, koos jëtu'unyë n'awojpwa'kxa'antë, ets ja xyëëw ntimjyo'otsanëtës ma ya'atë it naaxwiinyëtën,

2 Timoteo 1:16

Wä'än ja Dios tpa'ëyoy ja Onesíforo ja y'u'unk y'ëna'k, y'u'unk tyo'oxytyëjk, jä'ä ko kanaak okës të xynyiminy ets të xyajjotkujktä'äkyës ets yë'ë ka'apës të xytyuktsëtyuny oyës yap tsumy n'ity.

Hebreos 13:6

Paaty ëëtsajtëm jyëkyejpy n'ëna'anmëty akujk jotkujk: Yë Wintsën yë'ëjës xypyutëjkëp, paatyës ka'ap ntsë'ëkë. ¿Wi'ixës yë ja'ay xynyatunëty?