Hechos 12:22 - Biblia Dc en Mixe de Quetzaltepec

²² Ënet ja mayjyä'äy tyëjkëtyë yaxpë jojkpë ets y'ënantë: Ya'atë kyäjpxyën ka'ap yë jyä'äyëty, tios yë'ë.

Biblia Mixe de Quetzaltepec

²² Ënät ja mayjyä'äy tyëjkëtyë yaxpë jojkpë ets y'ënantë: Ya'atë kyäjpxyën ka'ap yë jyä'äyëty, tios yë'ë.

Hechos 12:22 ပူးပေါင်းရင်းမြစ်များ

Apocalipsis 13:4

Ets twintsë'këtyë ja mëj tsa'any jä'äkyëjxm ko ja mëk'ajtën ets ja kuttujkën ënety të tmo'oy ja mëj jëyujk. Näyjyëtu'un ja mëj jëyujk twintsë'këtë ets y'ëna'antë: ¿Pën jëtää jëtu'un ijxtëm ya'atë mëj jëyujkën? ¿Pën yë'ë ëkmayëtëp?

Judas 1:16

Yë jëtu'unpë ja'ayëty, nitii tkatukjotkëta'aktë, je'eyë nëkoo nyä'ämtë, aak nänyi'ojë tii tpëjkta'aktë, yi'iyë tyukjotkëtaktëp mëti'ipë kë'ëm tsyojktëpën; amëj akëjxm tii tkajpxtë, je'eyë ja Dios nëkoo tukajpxpätë ets yajputëkëtëty.

Daniel 6:7

Tëkokyë yë kutuunktëjkëty ets yajkutujkpëtëjk tëëjës ntu'ukmuktë ets të nkäjpxy'atës, ko tu'uk yë ënä'ämën yajpëjkta'akëty ma naax kajpnën ets i'px majk xëëw y'itëty, ja ënä'ämën jä'ä y'ënä'äny: ko ni pën mëpaat wiink tios tka'ëwtaty, yi'iyë tu'ukyë yë yajkutujkpë yaj'ëwtatëp. Mëti'ipë ka'ap jëtu'un tunyën jap nëjkx yajkujëpipë kemyjoty ma kaa jap yajpaatën.

Salmos 12:2

Aak näwyin'ë'ënëtëp nixim niyam; ko tii tnimëtya'aktë aak je'eyë y'etykyajpxtë.

Hechos 12:21

Ko ja xëëw tpaty mëti'ipë ja Herodes tyuknipëjktakëpën, ënät ja wit tuktëjkëy ijxtëm ja yajkutujkpë nyäxyoxëtën ets nyaaxwe'tsy ma ja kyutujktaknën. Tääts kyajpxtëjkëy mayjyä'äy wyintum.

Hechos 12:23

Ënet ajotkumonë ojts ja Wintsën ja y'anklës yajpa'ampetyë, jä'ä ko ka'ap tmëjja'aw tjaantyja'awëy ja Dios. Ënet tyënë'këy ets y'o'ky.

Éxodo 8:4

Jëtu'unyë nëjkx mniputy mkuputyë yë maynyooty ets näjyëtu'un ja wintsëntëjk mëti'ipë mëët mtuunmukyën ets mëti'ipë mputëjkëyëpën ma mtuunk xyajtu'uye'eyën.

Daniel 11:12

Ko ënety ja yajkutujkpë ëpa'tkë'ëytsyowpë të myëtä'äky ets ko ënety may ja myëtsip të tyaj'ooky yë'ë nëjkx mëj këjxm nyätyukyajnaxyë, je'eyëp ko ja kyutujkën ka'ap nëjkx jeky y'ity.