Hechos 12:19 - Biblia Dc en Mixe de Quetzaltepec

¹⁹ Ja Herodes ojts tni'ënä'ämë ets t'ëxta'atëty ja Pedro e ka'ap maa tpatë, paaty ojts yë'ë ja këwent'ajtpë yajpoky'ixtë ojts yajni'ënä'ämëtyë ets y'ooktëty. Ko ja Herodes jëtu'un y'ëtitsy, ënät ojts tsyo'onë jam Judea y'itjotm ets nyëjkxnë Cesarea.

Biblia Mixe de Quetzaltepec

¹⁹ Ja Herodes ojts tni'ënä'ämë ets t'ëxta'atëty ja Pedro e ka'ap maa tpatë, paaty ojts yë'ë ja këwent'ajtpë yajpoky'ixtë ojts yajni'ënä'ämëtyë ets y'ooktëty. Ko ja Herodes jëtu'un y'ëtitsy, ënät ojts tsyo'onë jam Judea y'itjotm ets nyëjkxnë Cesarea.

Hechos 12:19 ပူးပေါင်းရင်းမြစ်များ

Hechos 16:27

Ko ja pujxntëjk këwent'ajtpë ojts nyiwijy nyikejy, tääts t'ijxpaty ko ënety ja tëjk'aaw të y'ëwatsta'ay. Jëtu'un tjëjp'ixy tëë yowë ja pujxntëjkja'ay kyäkta'atë, ënät ja tyiypyujxn tju'ty ets jyanäyaj'ookanë.

Hechos 21:8

Komjëpom jatëkok ntso'ontës etsës nja'ajtë Cesarea. Ënätës ojts nnëjxtë ma ja Felipe ja tyëjkën, mëti'ipë oy aaw oy ayuk kyajpxwä'kxypyën, tu'uk ma ja niwëxtujkpën mëti'ipë pyutëjkëtyëpën ja Jesús ja y'ijxpëjkpëtëjk, ets jam ojts mëët nwë'ëmtës.

Hechos 12:6

Jä'ä koots naamka'anëm ënety ja Herodes tpaye'ey ja Pedro, maap ënety jap ja Pedro tsiptuunpë itkujky, kë'ëtsumy tekytsyumy ets ëpëky ja soldadëty jap tëja'p kyëwent'atë.

Hechos 12:4

Ko ja Pedro ënety të yajmatsy, tääts yajtsuumy; nimajktaxk pëky ja këwent'ajtpë kyëwent'atë, taxkjaty tu'kpëkyjyäty. Ja Herodes jää ënety të tuknipëjktaakë twoowmuka'any ja mayjyä'äy ëmaay xëëwnaxy ets ja Pedro jää tukwinkuwowëja'any ja mayjyä'äy.

Hechos 8:40

Jam ja Felipe ojts yaj'ixy ma ja kajpn txëëwatyën Azoto. Kajpnkajpn ijty tkajpxwä'kxy ja aaw ayuk oypyë koonëm jyä'äjty jam Cesarea.

Mateo 2:13

Tëë ënety ja matsa'a ixtääpyë tsyoontë ko ja José ojts t'ixy kuma'ayjoty ja Wintsën y'anklës ets y'ënëmaayë: Pëtë'ëk ets nëjkx jap Egiptë mëët yë mëxu'unk ets tyaak. Jap m'itëty koonëmës nikajpxëty, jä'äkyëjxm ko ja Herodes y'ixta'ajäämpy yë mëxu'unk ets tyaj'ooka'any.

Ester 6:12

Ko jëtu'un tukjëtitëtyääy ja naax kajpn, ja Mardoqueo jam ojts jatëkok nyijkxy tëjk'ëkë'ëm ma ja kutujktaknën. E ja Amán, ko jam tsyo'ony, pëyi'ikyë ojts nyijkxy ma tyëjkën, mon tuk, jëëpy yaxp ets ka'ap y'ëk'ijxë'k y'ëkkoowë'knë.

1 Reyes 20:43

Ënet ja yajkutujkpë mëti'ipë jam tuunpën Israel ojts nyëjxnë mon tuk ets a'äkë jam Samaria, jëtu'un jyäjty jam ma ja kyutujktaknën.

1 Samuel 23:14

Jëtu'un'äämpy ojts yë David jam wyi'imy tsënääpyë të'ëts'itjotm ma yajtijyën Zif ja itjotm mëti'ipë napotsyën. Ja Saúl oy ënety winjëpom jya'ixta'ayë ka'ap nijëna'a pyätë. Jä'ä ko ja David mëk ënety ja Dios kyëwent'atyë.

Hechos 27:42

Tääts ja tsiptuunpë y'ënantë ko tyaj'ooka'antë ja tsumyjä'äy këtiipë kyä'äktëty mejyotm nëëyuump.

Hechos 25:13

Kom ok ja yajkutujkpë Agripa ets ja Berenice ojts nyëjkxtë jam Cesarea ets tkajpxpo'kxa'antë ja yajkutujkpë Festo.

Mateo 2:16

Ko ja Herodes tnija'awëy ko ja matsa'a ixtääpyë ënety tëë wyin'ëënyë, tääts ni'ik jyoot'anpëjky ets ojts tni'ënä'ämë ets ni'ëmukë y'ooktëty ja mëxu'unk ye'etyëjkpë jam Belén ets ma ja naax kajpnën wiinkonpë yajpaatën, tëë ënety tpamay ja xëëw po'o jëna'a ja matsa'a ixtääpyë të tnikajpxtën.

Jeremias 36:26

ni'ikyë ojts tni'ënä'ämë ets ja Jeremías ets ja jyääpyë Baruc yajmatstëty. Ets tuknipëjky ja Jerahmeel, yë'ë yajkutujkpëtëjk jyä'äy ets ja Seraías, yë Azriel yë myaank ets ja Selemías, yë Adbeel yë myaank. Je'eyëp ko yë Jeremías ets Baruc ojts yë Wintsën yu'utsëtë, ka'ap yajpatë.

Mateo 2:1

Belén ja Jesús ojts myiny kye'exy, Judea y'itjotm. Herodes ënety jam yajkutujkp. Tääts jam Jerusalén jyajtë ja matsa'a ixtääpyë mëti'ipë tso'ontëpën xëëwpëtsëmtsyow.

Hechos 12:18

Komjëpom ko xyiinytyäky jyajtäky, ënät ja këwent'ajtpë ojts jëtu'unyë kyumon kyutukëtë ko ja Pedro ka'ap jap pën pujxn tëkoty.