Hechos 11:27 - Biblia Dc en Mixe de Quetzaltepec

²⁷ Näy jää jëmëjt ojts jënaakën ja Dios ja kyäjpxynyajxpë kyëta'aktë mëti'ipë tso'ontëpën jam Jerusalén ets ojts jya'të jam Antioquía.

Biblia Mixe de Quetzaltepec

²⁷ Näy jää jëmëjt ojts jënaakën ja Tios ja kyäjpxynyajxpë kyëta'aktë mëti'ipë tso'ontëpën jam Jerusalén ets ojts jya'të jam Antioquía.

Hechos 11:27 ပူးပေါင်းရင်းမြစ်များ

Hechos 13:1

Ma ja mëpëjkpëtëjkën jam Antioquía, jam ijty yajpaatë Dios ja kyäjpxynyajxpëtëjk ets ja yaj'ijxpëjkpëtëjk. Jä'ä ja Bernabé, ja Simón mëti'ipë näjyëtu'un yajtijpën Yëk, Lucio, mëti'ipë Cirenë ja'ayën ets ja Menahem mëti'ipë yä'kën tu'ukyë mëët ja Herodes, jampë yajkutujkyën Galilea ets nän tam ja Saulo.

1 Corintios 12:28

Dios të tuknipëjktakëtyä'äy nitu'ukjaty tiijaty tyuntëpën: tam mëti'ipë Jesús y'ijxpëjkpë'ajtypyën, käjpxynyajxpën, yaj'ijxpëjkpën; nän tää mëti'ipë ja mëj'ajtën tyuuntëpën, mëti'ipë ja pa'amja'ay yajtsoktëpën, mëti'ipë ja ja'ay pyutëjkëtëpën, mëti'ipë ënä'ämtëpën, mëti'ipë ja tuunk yajmooytyëpën ets ja wiink ayuk tkajpxtëty.

Efesios 4:11

Yë'ë pyëjktak ja ja'ay ets ja oy aaw oy ayuk tkajpxwa'kxëty, wiinkpë Dios kyäjpxynyajxpë'atëty, wiinkpë tkajpxwa'kxëty ja oy'aaw oy ayuk, wiinkpë ja mëpëjkpëtëjk t'ijx'it tkëwent'atëty ets ja wiinkpë yaj'ixpëkëty.

Hechos 15:32

Dios kyäjpxynyajxpëtëjk ja Judas ets ja Silas, jä'ä ojts tjotmëkwinkajpxëtë ets tyajjotmëkpëjktë ja mëpëjkpëtëjkëty.

Hechos 2:17

Ko ënety ja naaxwiinyëtë kyëxanë, jääjës ja ja'ay ni'ëmukë nmo'oja'any ja njot nja'awën. Miits ja mnëëxëty, mmaankëty kyajpxtëp myëtya'aktëp ja n'aaw n'ayukës. Ja myä'äy'ëna'këty y'ixtëp ja mëti'ipës ënety ntuk'ixantëpën, ets ja mëjja'aytyëjkëty nëjkxëp mya'atë pyo'ktë oy tsuj.

Mateo 23:34

Paaty miits ntuknikäxa'antë ja Dios ja kyäjpxynyajxpëtëjk, wijyjyä'äytyëjkëty ets yaj'ijxpëjkpëtëjk. E miitsëty myaj'ookantëp jënaakëty ets xyajkruutspäta'antë, tam mëti'ipë nëjkx xykyukox xykyutsiikëtën tsajptëkoty ets nëjkx xypyajëtijta'aktë winnaax win.

1 Corintios 14:32

Mëti'ipë käjpxynyajxpë'ajtëpën, tu'uk ja käjpxynyajxpë kyëwent'atëtëty,

Hechos 21:9

Nimajktaxk ja Felipe ijty ja nyëëx, nätyu'ukëty ets Dios käjpxynyajxk tyuunk'ajtëp.

Hechos 21:4

Näy Jamës mëët näypyatëtë ja mëpëjkpëtëjkëty, wëxtujk xëëwës jam mëët ojts nwë'ëmtë. Ja mëpëjkpëtëjkëty tëë ënety ja Kënu'kxymyëkajtën tyuknijawëtë, paaty t'ënëmaaytyë ja Pablo ets ka'ap nyëjkxëty jam Jerusalén.

Lucas 11:49

Paaty ja Dios mëët ja wijyajtën të y'ënä'äny: Ntuknikäxantëp ja nkäjpxynyajxpës ets ja n'ijxpëjkpëtëjkës, je'eyëp ko nëjkxëp xyaj'ooktë ets xy'ixjëtit xypyajëtitë.

Hechos 6:5

Ni'ëmukë ojts oy tmëtowtë ja aaw ayuk ets ja Esteban nikajpxpäjtë; yë Esteban mëk ijty myëpëky ets myëët'ajtyp ja Kënu'kxymyëkajtën, ojts näjyëtu'un tnikajpxpätë ja Felipe, Prócoro, Nicanor, Dimoná, Parmenas ets ja Nicolás, mëti'ipë tso'onpën jam Antioquía, mëti'ipë ënety të tmëpëkyën ja jutiis ja'ay ja myëpëjkënëty.

Hechos 11:20

E tam ja mëpëjkpëtëjkëty mëti'ipë kukajpn'ajtëp jam Chipre ets Cirenë, jä'ä ojts nyëjkxtë Antioquía ets tkajpxwa'kxtë ja oy aaw oy ayuk ma ja ja'ayëtyën mëti'ipë ka'ap jyutiis'atën.

Hechos 11:22

Ko tnija'awëtyë ja mëpëjkpëtëjkëty ko jëtu'un jam Jerusalén tyunyë jyätyë, ënät ojts tkäxtë ja Bernabé jam Antioquía.

Hechos 14:26

Jam ja kepy nëëwinye'epyë tuktëjkëtë ets jyajtë Antioquía, ma Dios ja tsyojkën jya'awën ënety të kyäxëtën tuunpë ets tëë ënety tyajwintu'upëktë.

Hechos 15:22

Ënet ja ijxpëjkpëtëjk mëët ja mëjja'aytyëjk ets ni'ëmukë ja mëpëjkpëtëjk twin'ijxtë mëti'ipë mëët nyëjkxtëty ja Pablo ets ja Bernabé jam Antioquía. Yë'ë ojts tnikajpxpätë ja Judas, mëti'ipë näjyëtu'un yajtijpën Barsabás ets ja Silas, mëti'ipë ënety mëj'äämpy ijtpën ma ja mëpëjkpëtëjkëtyën.

Hechos 15:30

Tääts ja kunoky tsyo'ontë ets ojts nyëjkxtë jam Antioquía. Jam tyajmujktë ja mëpëjkpëtëjk ets ja noky tukë'ëtëjkëtyë.

Hechos 18:22

Ko jyä'äjty jam Cesarea, jam ojts nyijkxy Jerusalén ets tkajpxpo'kxa'any ja mëpëjkpëtëjk, jam tsyo'ony ets ojts nyijkxy Antioquía.

1 Corintios 12:10

Tää mëti'ipë kuttujkën yajmooytyëpën ets mëj'ajtën tyaj'ixëtëty, tää mëti'ipë käjpxynyajxtëpën. Tää wiinkpë mëti'ipë yajmooytyën yë mëj'ajtën ets nijawëtëty mëti'ipë Kënu'kxymyëkajtën oy ets ka'oyën, tä mëti'ipë wiink ayuk kyajpxtëpën ets mëti'ipë je'eyë jyä'äkyujkëtëpën.

Gálatas 2:11

Ko ja Pedro ojts nyijkx jam Antioquía, ojtsës nwinkukajpxë wiinxë jëjpxë, jä'ä ko tëkatsy ënety winë të tuny.