Hechos 11:24 - Biblia Dc en Mixe de Quetzaltepec

²⁴ Jä'ä ko oyjyä'äy ijty ja Bernabé, mooyëp ja Kënu'kxymyëkajtën ja mëk'ajtën ets ja winma'any ets tunëty mëti'ipë ja Dios tsyojkpyën. Amuumtu'ukjot ja Jesús tmëpëky. Jëtu'un ojts nyimayëtë ja ja'ay mëti'ipë myëpëjktën ja Wintsën.

Biblia Mixe de Quetzaltepec

²⁴ Jä'ä ko oyjyä'äy ijty ja Bernabé, mooyëp ja Kënu'kxymyëkajtën ja mëk'ajtën ets ja winma'any ets tunëty mëti'ipë ja Tios tsyojkpyën. Amuumtu'ukjot ja Jesús tmëpëky. Jëtu'un ojts nyimayëtë ja ja'ay mëti'ipë myëpëjktën ja Wintsën.

Hechos 11:24 ပူးပေါင်းရင်းမြစ်များ

2 Samuel 18:27

Ja japë tëjkëjxy y'ijxke'ekyën mëti'ipë ayuk yajkpën, tyaa jyaak'ënany: Mëti'ipë jëyëjp miinpën jëtu'unës n'ixy jä'ä yowë Ahimaas, yë Sadoc yë myaank. Yë'ë, oyjyä'äy yë'ë, oy aaw oy ayuk yë yajmiinpy, jëtu'un ja yajkutujkpë y'ënäny.

Salmos 112:5

Ja ja'ay mëti'ipë oyjyä'äyën tyuk'ënu'kxyp ja jyiiky myëku'uk ja wit meeny ets mëtëy tyooky yäky

Salmos 37:23

Yë Wintsën yë'ë naaxwiinyëtë ja'ay yajtu'uye'epy, ets yë'ë tyu'uwinwoopy ma tsojkën'atyën;

Proverbios 12:2

Yë oyjyä'äy, tsojkëp yë Dios, e yë ëxëëk ja'ay pokytyum yajpëjktä'äky.

Proverbios 13:22

Yë ja'ay mëti'ipë oy määpy tajpën yajwë'ëmëp yë y'ok'u'unk yë kyuma'ayën. Yë pokyjyä'äy nëkoopë tnikoonpety yë wit meeny mëj këjää, ja wit meeny mëti'ipë nyikoonpejtypyën yë'ë wa'ats ja'ay jyä'ä'atäämpy.

Proverbios 14:14

Yë tsuuja'ay jotkujk nyäjyawëty ko tsyuujëty; e yë wijyjyä'äy yë'ë yajjotkujk'ajtëp ko wyijyëty.

Mateo 12:35

Ja oyjyä'äy, oy ja kyäjpxy myëtyä'äky, jä'äkyëjxm ko oy ja jyot wyinma'any; e ja ëxëëk ja'ay, ëxëëk ja kyäjpxy myëtyä'äky, jä'äkyëjxm ko ëxëëk ja jyot wyinma'any.

Mateo 19:17

Tääts ja Jesús y'ëtsoowë: ¿Tiijës ko xyajtëy ja oypyë? Yë Dios yë'ë tu'ukyë oy'ajtp, pën mpaatäämpy ja juukyajtën xëmëkyëjxmëpë, patun ja Dios ja y'ënä'ämën. Tääts ja yä'äy ëna'k tyajtëëy:

Lucas 23:50

Jam ënety tu'uk ja ja'ay oyjyä'äypyë ets wa'ats ja'ay, José xyëëwajtyp; Arimatea tsyoony, Judea y'itjotm. Jutiis ja'ay, jap tyuny ma ja tsajptëkotyëtë yajjuntëtuunpën. Tyaapë José jyëjp'ijxyp ënety jëna'a wyinkony ja Dios ja kyutujkën; ka'ap ojts oy t'ixy ko ja wintsëntëjk tyaj'o'ktë ja Jesús.

Juan 7:12

May ja ja'ay nyimëtya'akëtë xiitsow yaatsow. Jënaakën y'ëna'antë: Oyjyä'äy yë'ë. Wiinkpë y'ëna'antë: Ka'ap y'oyjëtity; nëkoo ja'ay twin'ëëny.

Hechos 11:21

Mooyëtë ja Wintsën ja myëk'ajtën ets may ja ja'ay ja y'ëxëëk winma'any t'ëxmajtstë ets tmëpëjktë ja Wintsën.

Hechos 2:4

Ets ja Kënu'kxymyëkajtën myooyëtë ja winma'any ets ja mëk'ajtën jëtu'un ijxtëm ënety japëtyën ets tuntëty tkajpxtëty mëti'ipë ja Dios tsyojkpyën, ets ja ayuk wiinkëtypë ojts tkajpxtë wi'ixjaty ja Kënu'kxymyëkajtën myooyëtën.

Hechos 2:47

Xëmë ijty ja Dios tmëjjawëtë tjaantyjawëtë. Oyjya'awëtëp ni'ëmukë ja ja'ayëty ets winjëpom ja Wintsën ja ja'ay tyajmayë mëti'ipë ja pyoky yajnimä'kxtëpën.

Hechos 24:16

Paatyës jëtu'un ntuny etsës ja Dios oy mëët nyajpaatëty, näjyëtu'un mëët ja naaxwiinyëtë ja'ay.

Hechos 5:14

Ni'ikyë ja ja'ay nyimayëtë mëti'ipë ja Wintsën myëpëjktëpën, ye'etyëjk to'oxytyëjk.

Hechos 6:3

Mëku'uktëjkëty, tyam ëëts yajxon nikajpxtë ko xynyikajpxpätëty niwëxtujk ja ja'ay, mëti'ipë mtukmë'a'ijxëtëpën wijy kejy yajpaatëty ets mëti'ipë ja Kënu'kxymyëkajtën mooyëpën ja mëk'ajtën ets ja winma'any ets tuntëty tkajpxtëty mëti'ipë ja Dios tsyojkpyën. Yë'ë mtuknipëktëp ets ja näypyutëkë yë'ë tyajwa'kxtëty.

Hechos 6:5

Ni'ëmukë ojts oy tmëtowtë ja aaw ayuk ets ja Esteban nikajpxpäjtë; yë Esteban mëk ijty myëpëky ets myëët'ajtyp ja Kënu'kxymyëkajtën, ojts näjyëtu'un tnikajpxpätë ja Felipe, Prócoro, Nicanor, Dimoná, Parmenas ets ja Nicolás, mëti'ipë tso'onpën jam Antioquía, mëti'ipë ënety të tmëpëkyën ja jutiis ja'ay ja myëpëjkënëty.

Hechos 6:8

Ja Esteban, yë'ëkyëjxm ko ja Dios pyutëkëty ets kyënu'kxyë paaty ijty tyaj'ixyë ja mëj'ajtën ma ja naax kajpnën.

Hechos 9:31

Jotkujk ja mëpëjkpëtëjk yajpaatë mëti'ipë tsënaaytyëpën jam Judea y'itjotm, Galilea ets Samaria. Wimpäjt'ëtëtstëp ja myëpëjkën, xëmë ja Wintsën twintsë'ëkëtë ets nyimayë'ëtë'ëtstë, näjyëtu'un ja Kënu'kxymyëkajtën ojts yajjotkujk'ätëtë.

Romanos 15:15

Paaty miits tyam ya'atë noky ntuknijayëtë ets ntukja'amyätstë. Jä'äkyëjxmës jëtu'un ntuny ko ja Dios të xytyuknipëkyës mëët ja y'oyjyot y'oywyinma'any

Romanos 5:7

Tsip ets pën tku'ookëty tu'uk ja ja'ay mëti'ipë të nyitëkën. Ets oy ënety ja ja'ay ka'ap jyapokymyëët'ajtpë; ets oy tii mëtëy të tjatuunpë.